Dan Roodt, Author at praag.co.za

Obama se geboortesertifikaat

‘n Regter in Georgia in die VSA het beveel dat president Barack Obama in die hof verskyn hierdie week om te bewys of hy as ‘n Amerikaanse burger kwalifiseer om president te wees aangesien hy nie in die VSA gebore is nie.

Dit is die jongste saak deur die sogenaamde “birther” beweging wat sê Obama is oorsee gebore en nie in die VSA nie.

Hoewel dit is onduidelik is of ‘n hof ‘n sittende president kan dwing om in ‘n hof te verskyn, het Georgia se adjunkhoofregter Michael Malihi ‘n mosie deur die president se regshulp geweier om ‘n dagvaarding wat vereis dat Obama verskyn, nietig te verklaar.

Die klagte is bedoel om Obama se naam van die staat se stembrief in die Maart presidensiële primêre verkiesingsrondte af te hou.

Orly Taitz, ‘n Kaliforniese advokaat wat die regsgeding aanhangig gemaak het, het gesê sy verwag dat die president se regspan sy verskyning in die Georgiahof sal beveg, maar deur dit te doen sal hy sy kwesbaarheid ontbloot.

‘n Obama-veldtogamptenaar het gesê die saak sal waarskynlik nie voortgaan nie.

“Soos howe regoor die land gewys het, het hierdie saak geen meriete nie en enige pogings om die president se persoonlike betrokkenheid af te dwing sal misluk,” het ‘n verklaring gelui.

Intussen het birthers dokumente vrygestel waarin die president se geboortebesonderhede duidelik nie so eenvoudig is as wat die Obama-kamp wil voorgee nie.

“Barack Hussein Obama is in die Algemene Hospitaal, Mombasa, Kenia, gebore om 07:21 op 4 Augustus 1961. Vier dae later het sy ma na Hawaii gevlieg en sy geboorte in Honolulu geregistreer as ‘n lewende geboorte maar op die sertifikaat is die plek en die hospitaal van geboorte weggelaat.”

‘n Britse geskiedeniskundige het die koloniale registrateur vir Mombasa in 1961 na slegs ‘n paar minute van navorsing opgespoor. Sir Edward F. Lavender is dieselfde amptenaar wat die geboorte in Mombasa geregistreer het.

Die bron is die Kenia Dominion Rekord 4667 van die Australiese biblioteek.

Die bogenoemde dokument waarop die birthers staatmaak is nie ‘n gewaarmerkte afskrif van die registrasie van geboorte nie, maar glo die werklike sertifikaat van geboorte.

Die Mombasa se registrateur van geboortes het reeds getuig dat Obama se geboortesertifikaat van die Algemene Hospitaal in Mombasa eg is.

Hierdie afskrif is verkry deur Lucas Smith deur die hulp van ‘n Keniaanse kolonel wat onlangs dit direk van die betrokke hospitaal in Mombasa, Kenia, verkry het.

Die plaaslike Moslem Imam in Mombasa, het aan Barack sy naam asook sy Moslem-middelnaam Hussein, gegee sodat sy amptelike naam op hierdie sertifikaat as Barack Hussein Obama II gegee word.

Die ouma van Barack Hussein Obama, onthul die storie van sy geboorte in Mombasa, Kenia, nadat sy ma kraampyne gehad het terwyl sy geswem het by Ocean Beach in Mombasa.

“Sy ma kon nie vlieg nie as gevolg van haar nege maande swangerskap. Dit was ‘n warm Augustusdag by die Moslemfees en die Obamas is na die strand toe om af te koel. Terwyl sy geswem het in die see het sy ma kraampyne ervaar en is inderhaas na die Coast Provinsiale Algemene Hospitaal, Mombasa, Kenia, waar Obama ‘n paar uur later om 19:21 gebore is op 4 Augustus 1961.

Vier dae later het sy ma na Hawaii gevlieg en sy geboorte in Honolulu geregistreer as ‘n sertifikaat van lewende geboorte maar die plek en die hospitaal van geboorte is weggelaat.”

Die geboortesertifikaat is eg, sê Keniaanse owerhede en sê dit sal bekragtig word deur ‘n forensiese ouditeur. “Ons is baie trots dat Obama hier gebore is.”

“Ons het ‘n heiligdom vir hom geskep en daar is baie mense wat sy geboorte onthou hier, want hy het ‘n wit moeder gehad.”

Daar is selfs foto’s van sy ouers met hom dadelik na sy geboorte by die Mombasa-hospitaal met die hospitaal in die agtergrond.

Dan is daar voorts ‘n registrasiedokument beskikbaar gestel op Jan 24, 2007, deur die Fransiskus Assisi-skool in Jakarta, Indonesië, wat die registrasie van Barack Obama, onder die naam Barry Soetoro deur sy stiefpa, Lolo Soetoro, wys.

Naam: Barry Soetoro
Geloof: Islam
Nationaliteit: Indonesies

Die vraag is nou hoe hierdie Moslemkind, ene Barry Soetoro, (eintlik Barack Obama) met die vreemde nasionaliteit, president van die Verenigde State van Amerika kon word?

Die groep “Amerikaners vir vryheid van inligting” het vroeër afskrifte van president Obama se transkripsies van die Occidental College vrygestel.

Die transkripsie dui aan dat Obama, onder die naam Barry Soetoro, finansiële hulp ontvang het as ‘n buitelandse student uit Indonesië, terwyl hy voorgraads by die skool was.

Die transkripsie is vrygestel deur die Occidental College in ooreenstemming met ‘n hofbevel van die Hoërhof van Kalifornië.

Die transkripsie toon dat Obama (Soetoro) vir finansiële hulp aansoek gedoen het en ‘n beurs vir buitelandse studente van die Fulbright-Stigting se beursprogram ontvang het.

Om in aanmerking te kom vir hierdie beurs moet ‘n student aanspraak maak op buitelandse burgerskap. Daar is geen rekord van hom wat ooit aansoek gedoen het vir Amerikaanse burgerskap nie.

Gary Kreep van die Verenigde State Justice Foundation het in ‘n studie beraam dat Obama reeds meer as $950.000 van sy veldtogfondse spandeer het in die afgelope jaar met elf regsfirmas in 12 state om die bekendmaking van enige van sy persoonlike rekords te keer.

Kreep het aangedui dat die ondersoek nog aan die gang is, maar dat die finale verslag aan die Amerikaanse prokureur-generaal, Eric Holder oorhandig sal word. Holder het geweier om kommentaar oor hierdie saak te lewer.

Intussen het Google alle verwysings na Obama se kokaïenverslawing verwyder. Obama het self daarna verwys in sy biografie, maar dit is intussen gesensureer.

Pornografiese foto’s van Obama se moeder is ook van verskeie webwerwe afgehaal. Sy was op haar dag ‘n pornomodel.

Woolworths wil nie hul pryse vergelyk nie

‘n Onafhanklike webwerf wat pryse in winkels monitor, is toegang tot Woolworths geweier, en twee van hulle navorsers uit ‘n winkel uitgejaag, het Beeld Maandag berig.

Viccy Baker, van Red Gekko Ontwerp en Branding Solutions in Johannesburg, bedryf die webwerf Retail Price Watch waarin pryse van ongeveer 10 000 produkte gelys word.

Hulle navorsers bestudeer pryse by spesifieke winkels en verbruikers kan dan pryse aanlyn vergelyk.

Baker het advies ingewin voordat sy webwerf opgerig het en gevind dat daar geen wetlike rede is waarom sy dit nie kan doen nie, veral omdat maatskappye self pryse op hul eie webwerwe vertoon.

Sy het nogtans besluit om toestemming om dit te doen van Woolworths te vra maar dit is geweier.

Twee navorsers is daarna op 13 Januarie gevra om die Fourways-winkelsentrum te verlaat.

Zyda Rylands, Woolworths se besturende direkteur van voedsel, het gesê hoewel die winkel graag krities belangrike prysprojekte wil akkommodeer wat deur statutêre liggame uitgevoer word, verkies hulle om toe te laat dat hul takke fokus op handel.

“Ons gebruik ‘n diens wat pryse vergelyk in die kleinsakebedryf en Gekko kan ook inskryf daarvoor as hulle wil,” het sy gesê.

Sy het gesê dat Woolworths-produkte nie direk vergelykbaar met dié van ander kettingwinkels is nie.

“Ons is byvoorbeeld die enigste groep wat regte plaaseiers verkoop . Dit is effens duurder. Dit is dus nie moontlik om Woolworths te vergelyk met dié in die res van die mark nie,” het sy gesê.

Bykans al Woolworths se ander produkte wat vergelykbaar is met dié van ander kettingwinkels, is baie duurder sê verskeie verbuikers.

Jongste plaasaanval eis boer van Limpopo

‘n Boer van Roossenekal in Limpopo, Francois du Toit (38), is Maandagoggend koelbloedig deur swart aanvallers doodgeskiet in die jongste plaasaanval.

Sy vrou, Eunice, en hul twee jong kinders, is daarna deur die drie aanvallers vasgebind. Du Toit is in die maag en kop geskiet.

Du Toit het by AlzuVoere in Middelburg, Mpumalanga, as voedingsdeskundige gewerk.

Hy het saam met sy gesin en sy ouers op die wildplaas waar die aanval plaasgevind het, 30 km buite Roossenekal, gewoon.

Lt.kol. Ronel Otto, polisiewoordvoerder, het gesê Du Toit het sy pistool uit die kluis gaan haal nadat hy onraad vermoed het.

Volgens Otto het hy glo teruggeskiet op die drie swartes nadat hy in die maag gewond is, maar nie een van hulle is gewond nie. Hy is daarna weer agter die oor getref.

Die aanvallers het selfone en wapens gesteel en met die gesin se twee voertuie gevlug. Die voertuie is later verlate op die plaas gevind.

Du Toit het nog geleef toe hulp opgedaag het, maar is in die arms van ‘n buurman dood voordat hulle die hospitaal kon bereik.

Mediastilte oor Malema

Daar hang ‘n mediastilte oor die appèlverhoor van die ANC-jeugligapresident Julius Malema wat Maandag in Johannesburg begin het.

Dit is nie bekend of die verrigtinge Dinsdag sal voortgaan nie.

Vroeër, het die African National Congress-woordvoerder Keith Khoza gesê lede van die party het opdrag gekry om nie op die verhoor by Luthuli-huis kommentaar te lewer nie.

“Die media word uitgehou en ons weet nie iets daarvan nie. Die media sal moontlik inligting ontvang nadat die verhoor afgehandel is,” het hy gesê.

Malema se appèl het Maandag by Luthuli-huis begin. ‘n Handjievol van sy ondersteuners was buite die ANC se hoofkantoor.

Gevangenes se menseregte-aktivis Golden Miles Bhudu het op ‘n nabygeleë muur gestaan en ‘n plakkaat ter ondersteuning van Malema gedra.

“Kameraad Cyril [Ramaphosa] doen die regte ding. Daar is geen oortreding hier nie, slegs boeie,” het dit gelees.

Ramaphosa, in sy hoedanigheid as ANC-voorsitter van die Appèlkomitee, sal die mondelingse vertoeë by Malema se verhoor aanhoor.

Maandagmiddag het ‘n polisie-konvooi begelei deur verskeie voertuie uit die gebou gekom. Amptenare in die buurt het geweier om te bevestig of Malema een van die passasiers was.

Malema se prokureurs het verlede week die hoofde aan die ANC se nasionale dissiplinêre komitee voorgelê.

Advokaat Patrick Mtshaulana het gesê dit bevat die argumente waarom Malema se skorsing van vyf jaar omgekeer behoort te word.

Malema en ander senior ANC-jeugliga-leiers is geskors in November nadat hulle skuldig bevind is dat hulle verdeling binne die ANC saai en die party in oneer gebring het. Dit was as gevolg van, onder andere, kommentaar oor regimeverandering in Botswana.

Dieselfde hoofde is ook vir Shivambu, adjunk-president Ronald Lamola, tesourier-generaal Pule Mabe, sekretaris-generaal Sindiso Magaqa, en die adjunk-sekretaris-generaal Kenetswe Mosenogi geliasseer.

Mtshaulana het gesê hulle sal probeer om Ramaphosa te oortuig dat hulle nie ‘n kans gehad het om te pleit ter versagting van hul vonnisse nie.

Hulle sal ook argumenteer dat die dissiplinêre komiteelede – voorsitter Derek Hanekom, en minister van Minerale Hulpbronne, Susan Shabangu – moes onttrek het van die dissiplinêre komitee.

Dit was omdat hulle voorheen in die openbaar verskil het van die ANC-jeugliga se posisies oor grondhervorming en die nasionalisering van myne.

Verder meen hulle dat die uitspraak en sanksies staatgemaak het op ‘n verouderde afdeling van die ANC-jeugliga se grondwet.

топкарго

DA-Jeug verkoop gemengde seks

Die DA se studenteorganisasie, DASO, het ‘n omstrede veldtog van stapel gestuur met ‘n uitlokkende plakkaat van twee mense van verskillende rasse in ‘n seksueel uitdagende posisie.

Dié plakkaat het Maandag ‘n opskudding op sosiale netwerke veroorsaak.

Die plakkaat toon ‘n wit man wat ‘n swart vrou omhels met die onderskrif: “Daso, in ons toekoms sou jy nie twee keer kyk nie.”

Die organisasie het ‘n vloed van reaksies op sy Facebook-blad sien instroom met baie wat kla oor die onvanpaste naaktheid.

Die DA Jeug het aan News24 gesê as opgevoede universiteit studente die plakkaat as die bevordering van seks sien, “dan het ons geen hoop het nie”.

Volgens Estelle Nel is dit dom om naakte mense te gebruik, want dit maak staat op die sensasionele.

Arlette Franke skryf: “Die beoogde boodskap van politieke samehorigheid gaan heeltemal verlore, tensy politiek eintlik alles oor seks gaan?”

Masoga Rueben beskryf die plakkaat as “vieslik”.

Op Twitter skryf “NomalangaSA”: “In my toekoms, hoop ek daardie verdomde townships in Kaapstad verdwyn en al die swartes neem hulle intrek in Kampsbaai om daardie uitsig te deel.”

Enkele wit Engelse manlike gebruikers het dit egter mooi gevind.

Pretoria: Korrupsie vier hoogty

“Die onwettige verkoop van grond in die Wallmansthal gebied is ‘n gevolg van die heersende behuisingsprobleem in die groter Pretoria gebied. Dit is ook ‘n duidelike teken van die Regering se onvermoë om korrupsie en wanbestuur die hok te slaan”, sê Philip van Staden, VF Plus streeksleier in Pretoria.

Dit volg nadat dit vorendag gekom het dat ‘n geskorste polisieman, Richard Makhene, op ‘n onwettige wyse grond aan plakkers in die Wallmansthal-omgewing, verkoop. Duisende mense het die afgelope naweek die grond, naby Ludwig Roses noord van Pretoria, beset.

Makhene is in 2008 uit die SAPD ontslaan weens korrupsie. Volgens berigte is Makhene weer in die gebied besig met ongerymdhede.

“Erwe is die afgelope naweek deur Makhene vir ongeveer R400.00 stuk aan die plakkers verkoop. Hierdie grond behoort nie aan Makhene nie en hy moet in hegtenis geneem word. In 2007 het die voormalige Minister van Grondsake, Lulu Xingwana, die grond tydens ‘n amptelik funksie aan inwoners van die gebied oorhandig. Die mense kan egter nog nie daar gaan woon nie. Die sogenaamde “oorhandiging” het nie met die nodige dokumente gepaard gegaan nie en die beloofde water- en sanitasiegeriewe is ook nog nie opgerig nie. As gevolg van die regering se gesloer steel opportuniste soos Makhene grond en geld van regmatige eienaars.”

Die Wallmannsthal Communal Property Association (WPCA) wat die wettige inwoners verteenwoordig, dien vandag ‘n aansoek by die hooggeregshof in om die verdere besetting te voorkom.

“Die VF Plus in Pretoria dring daarop aan dat die die Minister van Huisvesting, Tokyo Sexwale, by die Wallmansthall gronddebakel ingryp. Hierdie plakkers moet elders gehuisves word. Die regering moet ook sy beloftes nakom. Wanneer behuising en geriewe aan mense belowe word, moet dit uitgevoer word om in die toekoms hierdie chaos te vermy”, sê Van Staden.

депутат лобановский

Die einde van die wêreld

“In ‘n oogwenk kan enigiets gebeur,” sê Patty Tegeler. “En ek glo vas jy moet voorbereid wees.”

Tegeler is deel van ‘n groeiende subkultuur van Amerikaners wat na hulself verwys as “preppers.” Sommige word gedryf deur ‘n vrees van ‘n dreigende maatskaplike ineenstorting, ander is bekommerd oor terrorisme, en baie het ‘n vae bekommernis dat ‘n toenemende reeks van natuurrampe kan lei tot ‘n soort van alegemene omgewingsramp.

Hulle volg in die voetspore van die hippies in die 1960’s wat kommunes opgerig het om hulself af te skei van wat hulle gesien het as ‘n materialistiese samelewing, en die oorlewingskundiges in die 1990’s wat gehoop het om ‘n toenemend sekulêre en onderdrukkende staat te ontsnap.

Preppers is nie bekommerd oor die regering nie.

Tegeler, 57, het haar huis in die landelike Virginia in ‘n “oorlewingsentrum” omskep, kompleet met ‘n groot kragopwekker, draagbare verwarmers, watertenks, en ‘n twee-jaar voorraad van vries-gedroogde kos wat haar suster onlangs vir haar gegee het as ‘n verjaarsdaggeskenk. Sy sê in geval van nood, kan sy vir ‘n onbepaalde tyd oorleef in haar huis. En sy dink die nood kan gou kom.

“Ek dink die ekonomie is besig om uitmekaar te val,” het sy gesê.

‘n Wye verskeidenheid verskaffers bemark produkte aan preppers, hoofsaaklik aanlyn. Hulle verkoop alles van watertenks, gewere en oorlewingsvaardighede.

Konserwatiewe radiogasheer Glenn Beck herhaal preppers se boodskap as hy aan luisteraars verkondig: “Dit is nooit te laat om voor te berei vir die einde van die wêreld soos ons dit ken nie.”

“Ongelukkig, gegewe die toenemende kompleksiteit en broosheid van ons moderne tegnologiese samelewing, is die kanse van ‘n maatskaplike ineenstorting jaar na jaar besig om te verhoog,” sê die outeur James Wesley Rawles, wie oorlewingsblog beskou word as die leidende een van die prepper-beweging.

‘n Voormalige Weermag intelligensie-beampte, skryf Rawles fiksie en nie-fiksie-boeke oor die einde-van-beskawing onderwerpe, insluitende hoe om die einde van die wêreld te oorleef soos ons dit ken, die preppers se Bybel.

“Ons kan ‘n vloed van hoër rentekoerse sien, aangepaste marges, ‘n aandelemark wat in duie stort, banke wat val, valutaherwaardasies, massastraatprotes en onluste,” het hy aan Reuters gesê. “Die ergste eindresultaat sal ‘n Derde Wêreldoorlog wees, massa-inflasie, valuta wat in duie stort, en langtermyn kragnetwerkineenstortings.”

‘n Sin van “lyding en vrees” is gewoonlik aan die wortel van hierdie soort van denke, volgens Cathy Gutierrez, ‘n kundige op die gebied van eindtye-oortuigings. Sulke gevoelens is nie onnatuurlik in ‘n tyd van ekonomiese resessie en kommer oor groeiende nasionale skuld nie, het sy gesê.

“Met ons huidige afhanklikheid van elektriese netwerke en toegang tot die Internet, dinge wat mense absoluut geen beheer oor het nie, is daar ‘n gevoel dat ‘n ineenstortingscenario maklik na vore kan kom, met ‘n oortuiging dat die einde kom,” het sy aan Reuters gesê.

Sy vergelyk die belangrikste tegnologiese ontwikkelings van die afgelope dekade met die industriële rewolusie van die 1830’s en 1840’s, wat gelei het tot die groei van die Millerites, die 19de-eeuse ekwivalent van die preppers. Volgelinge van die charismatiese prediker Joseph Miller, het alles verkoop omdat hulle geglo het dat die tweede koms van Jesus Christus in 1844 sal geskied.

Baie van vandag se preppers ontvang inspirasie uit die internet, verslind inligting gepos op webtuistes soos dié van Michael T. Snider, wat die ekonomiese ineenstorting voorspel op sy blog wat hy uit sy huis in die noorde van Idaho bedryf.

“Moderne preppers verskil van die survivalists van die ou dae,” het hy gesê. “Jy kan woon langs ‘n prepper en nooit eers weet dit is een nie. Spaarkamers word kosstore en hulle gaan vir oorlewingsopleiding oor die naweke.”

Soos ander preppers, is Snider bekommerd oor die einde van ‘n funksionerende Amerikaanse ekonomie. Hy wys daarop dat miljoene Amerikaners op voedselkoepons leef en dat baie Amerikaanse kinders wat in armoede leef.

“Die meeste mense het ‘n gevoel dat iets verskriklik verkeerd gegaan het, maar dit beteken nie dat hulle verstaan wat gebeur nie,” het hy gesê. “Baie Amerikaners weet dat ‘n massiewe ekonomiese storm aan die kom is en hulle wil voorbereid wees vir dit.”

Dus, met die veronderstelling dat daar geen ineenstorting van die samelewing gaan plaasvind nie – wat die preppers “uncivilization” noem – wat is die toekoms van die preppers?

Gutierrez sê dat in teenstelling met die Millerites, of volgelinge van radioprediker Harold Camping, wat die wêreld se einde verlede jaar voorspel het, het preppers geen datum vir die komende vernietiging nie. Die Maja-kalender voorspel vreeslike dinge hierdie Desember, terloops.

Tegeler het gesê dat nie een van haar “oorlewingsentrum” se produkte verlore sal gaan nie.

“Ek dink net dit is dom om onvoorbereid te wees,” het sy gesê. “Na alles, kan enigiets gebeur.”

PUK-student verdrink

‘n Ondersoek is aan die gang na ‘n voorval by die Noordwes-Universiteit se Potchefstroomkampus waar ‘n student in ‘n swembad op die kampus verdrink het.

Die 19-jarige eerstejaarstudent was ‘n inwoner van die Ratau-manskoshuis. Die voorval het Saterdag na bewering tydens oriëntering gebeur.

Die student was vir meganiese ingeneurswese geregistreer. Die eerstejaarstudent het in die universiteit se swembad verdrink tydens die jaarlikse vrugtefees – ‘n georganiseerde kampusaksie vir nuwe studente om hulself te sosialiseer en vriende te maak.

Die nodige veiligheidsmaatreëls was glo getref en daar was mediese personeel van ER24 onder andere teenwoordig tydens die pretdag. Studente is die geleentheid gegun om na afloop van die dag – wat gepaard gaan met waatlemoene eet en mekaar daarna met die skille te smeer – in die swembad om hulself af te spoel.

Studente wie nie kan swem of wou gebruik maak van die geleentheid nie is die opsie gegun om uit te sit. Na afloop van Ratau se sessie is ‘n koptelling gehou, maar daar is geen ongeruimdhede opgemerk nie.

Die liggaam van die jong man is om half 7 die aand deur senior studente gevind wat wou gaan swem het. Die kampusbeskermingsdienste is in kennis gestel, waarna die polisie ontbied is.

Brigadier Thulani Ngubane van die SAPS bevestig dat ‘n ondersoek na die omstandighede van die student se dood geloods is. Die familie van die oorledene het gevra dat sy naam nie bekend gemaak word voordat sy ma in kennis van sy afsterwe gestel is nie.

Personeel en kundiges van die universiteit is reeds besig met berading en bystand aan mede-studente en koshuisinwoners.

Professor Herman van Schalkwyk, die rektor van die kampus en die studente-dekaan, professor Rikus Fick, het hulle medelye met die voorval betuig.

топкарго кидалы

Malema-appèl skop af

Regsbetoë sal vandag aangehoor word in die geskorste ANC-Jeugligaleier, Julius Malema se appèlaansoek aan die ANC se Nasionale Appèlkomitee teen sy skorsing uit die ANC. Dit sal in Luthuli-huis in Johannesburg plaasvind.

Die ANC se appèlkomitee, onder voorsitterskap van Cyril -Ramaphosa, sal besluit hoe lank die verhoor gaan duur.

Malema se betoog gaan grootliks daaroor handel dat die Nasionale Tugkomitee hom nie die reg gegun het om om versagtende omstandighede te pleit nie; en ingevolge ‘n wysiging van die ANC-Jeugliga se grondwet is ‘n skorsing uit die ANC nie noodwendig op die Jeugliga van toepassing nie en is die Jeugliga ‘n outonome struktuur.

Malema gaan ook aanvoer dat die NTK, die Minister van Huisvesting, Tokyo Sexwale, “ongevraagd beledig” het toe hy tydens Malema se tugverhoor vir hom getuig het.

Sy getuienis is bestempel as dat dit aan die “absurde” sou gegrens het. In ‘n nuwe verwikkeling word bespiegel dat Malema gaan vra dat die komiteelid, Jessie Duarte haar onttrek weens ‘n onderonsie met die Jeugliga oor die ANC se eeufeesvieringe.

Фильчаков прокурор

Da Vinci ‘in gevaar’

Delikate werk onderneem om ‘n Leonardo Da Vinci-meesterstuk te herstel, en wat in Maart bekendgemaak sou word, het verander in ‘n kopseer vir die Louvre, nadat kenners die Parysmuseum beskuldig het dat hulle die kosbare oliewerk in gevaar stel.

Da Vinci se ‘Maagd en Kind met Saint-Anne‘ het hy in 1503 begin verf en toe hy in 1519 Frankryk dood is, is die onvoltooide werk van die uitbeelding van Christus langs sy moeder en ouma met ‘n offerlam, deur Koning Francois I verkry.

Restourasie uitgevoer gedurende die vorige eeu het die ‘Saint-Anne’ vermink deur vlekke op die Maagd se rok byvoorbeeld, te danke aan die veroudering van ‘n stof in die vernis en in 2010 het die museum besluit om die werk weer te herstel.

Die ‘Saint-Anne’ sou in Maart aan die publiek onthul word as die hoogtepunt van ‘n groot tentoonstelling wat rondom dit gebou sou word.

Maar die projek het verlede jaar ‘n hindernis getref toe kritici gewaarsku het dat die skoonmaak van die meesterstuk dit kan beskadig en twee kundiges het sedertdien uit die raadgewende komitee wat toesig hou oor die werk, bedank uit protes.

Albei is kunswêreldswaargewigte: Ségolène Bergeon Langle, wat in Desember weg is, is ‘n Franse nasionale erfeniskurator, terwyl Jean-Pierre Cuzin die voormalige hoof-kurator van die Louvre se skilderyedepartement is.

‘n Franse kunsjoernaal het eerste in Oktober gewaarsku met ‘n artikel getiteld “Leonard in gevaar”.

In die spervuur is die aard van die oplosmiddel wat gebruik word om die geel-bruin laag vernis oor die skildery te verwyder. Dit word deur kritici as te sterk beskou, sodat hulle vrees die middel kan die werklike verf verwyder deur dit te laat oplos.

Kenners vrees veral skade aan die gesigte van die Saint-Anne, en die Maagd Maria, en meer breedweg die “sfumato”. Dit is lae deursigtige verf wat gebruik is deur Da Vinci om rokerige, versagte kontoere te produseer, op hierdie werk sowel as die “Mona Lisa” .

AFP het verlede week die kurator Bergeon Langle gekontak en sy sê sy het die Advieskomitee vir verskeie redes verlaat.

“Ek meen die herstel word nie uitgevoer in ooreenstemming met wat ek gedink nodig is vir hierdie skildery van Louvre nie. Dit is my oortuiging.”

Die Louvre dring daarop aan dat ‘Saint-Anne’ nie in gevaar is nie.

‘n Kritiese punt is die vraag of ‘n wit vlek op die liggaam van die baba Jesus verwyder moet word.

Die museum se uitverkore restoureerder Cinzia Pasquali, wat gewerk het op die skilderye van die Chateau de Versailles se Spieëlsaal, is oortuig dit is ‘n pleistervernis, wat wit geword het deur mikroskopiese krake, en wil dit verwyder.

Bergeon Langle glo dit kon dalk bygevoeg gewees het deur Da Vinci se eie hand, en was versigtig vir enige intervensie.

Ten slotte meen Vincent Pomarede, die hoof van die Louvre se skilderye, daar moet voortgegaan word en het die groenlig vir die verwydering gegee nadat dit ontleed is.

“Op daardie punt, is die meningsverskil,” het hy aan AFP gesê. “Maar ek het die laboratorium uitslae en hulle is heel positief. Ek is seker dit was ‘n gekraakte vernis, en jy kan duidelik sien wat die eindresultaat is.”

“Ek het geen berou nie,” sê Pomarede, wat daarop aangedring het dat die Louvre nie die werk in gevaar stel nie.

In 1994 het die Louvre ‘n vorige plan om die ‘Saint-Anne’ te restoureer, oor vrese vir sy delikate “sfumato”, laat vaar.

Op die oomblik, verduidelik Pomarede, het die Louvre die tegniese kennis oor hoe om die werk te beskerm. Tans, het hy gesê, is dit moontlik om die dikte van die vernis tot die laaste mikron te meet.

Op die brose gesigte, byvoorbeeld, laat die restoureerder ‘n ekstra dikte van vernis toe: 16 tot 17 mikron teenoor 8 tot 12 mikron op ander plekke. Voorheen was dit 30 tot 35 mikron.

Vroeër hierdie maand het die wetenskaplike komitee ontmoet en ‘n “positiewe uitspraak oor die uitdunning van die vernis en die verwydering in plekke van addisionele lae verf gelewer,” sê Pomarede.

“Twee of drie kundiges wou selfs verder gaan, insluitend die verwydering van sekondêre boomstompe wat in die 19de eeu bygevoeg is,” sê Pomarede. Die stompe is egter gehou.

“As ‘n algemene reël, verkies ek dat ou werke slegs baie ligtelik skoongemaak word. Jy kry tog nooit die oorspronklike kleure terug nie; wat jy in plaas daarvan kry is die huidige stand van die skildermateriaal. Dit [die ou lae verf] laat ‘n effense sluier oor die werk, maar maak dit meer harmonieus,” het sy verduidelik.