praag.co.za

Tag: Zuma

  • Munisipale verkiesing 2016 ‘n referendum vir Zuma

    Munisipale verkiesing 2016 ‘n referendum vir Zuma

    Wit Suid-Afrikaners het Woensdag in munisipale verkiesings gestem in die hoop om die regerende ANC ’n gevoelige slag te kan toedien.

    Die verkiesing word as ’n soort referendum oor Zuma gesien, wat verswak is deur korrupsie­skandale, hofsake en treurige ekonomiese data, insluitende ’n werkloosheidsyfer van 27 persent en nul persent groei in die bruto binne­landse produk.

    Die media het ‘n vroeër ‘n venynige veldtog teen die president geloods.

    Ten spyte van sommige menings­opnames dat die ANC die gevaar geloop om beheer oor sleutel­stede soos Pretoria, Johannesburg en Port Elizabeth te verloor, loop die party steeds voor.

    Ontwikkeling in Suid-Afrika was sedert die eerste veelrassige verkiesings in 1994 onbenullig, met baie swart gemeenskappe wat steeds swak behuising, onvoldoende onderwys en ’n gebrek aan geleenthede ondervind, maar dit pla swart kiesers min.

    Met die ekonomie wat tot stilstand gekom het en werkloosheid wat rekordhoogtes bereik het, hoop die belangrikste opposisieparty, die Demokratiese Alliansie (DA), en die radikale linkse Ekonomiese Vryheidsvegters (EFF) om steun te wen.

    In Johannesburg se Soweto-woonbuurt het inwoners van vroegdag af in rye gestaan om te gaan stem.

    “Ons is moeg vir hierdie selfdienende­ leierskap. Mense is moeg vir hulle en selfs oumas is siek en sat vir hierdie regering,” het Nathi Mulaudzi, ’n 40-jarige werklose vragmotorbestuurder aan AFP gesê.

    Tog geniet pres. Jacob Zuma steeds wye steun, veral in landelike gebiede, en die ANC se sterk netwerk en diep beursies kan dit help om beheer oor die meerderheid van die 278 munisipaliteite­ te behou.

    “Daar is baie negatiewe dinge wat oor die ANC gesê word, maar ek bly dink aan waardeur Mandela onder apartheid gegaan het, dus doen ek dit vir hom,” het Lebogang Maponyane, ’n 43-jarige werk­lose vrou van Soweto gesê, nadat sy vir die ANC gestem het.

  • Zuma kom in Parys aan op staatsbesoek

    Zuma kom in Parys aan op staatsbesoek

    President Jacob Zuma het in Parys aangekom vir ‘n staatsbesoek aan Frankryk gemik op verdere bevordering van verhoudings tussen die twee lande, het die presidensie gesê.

    Die besoek sal plaasvind onder die tema “samewerking as gelyke vennote vir geleenthede en die uitdagings van die 21ste eeu”, het die presidensie in ‘n verklaring gesê.

    Die mees ongewilde Franse president ooit in die geskiedenis tans, Francois Hollande het Suid-Afrika in 2013 besoek.

    Die besoek sal ‘n platform bied vir beide lande om glo samewerking op verskeie gebiede te verbeter, insluitend handel en belegging, energie, maritieme sake, landbou, wetenskap en tegnologie, onderwys en vaardigheidsontwikkeling, kuns en kultuur, verdediging, ontwikkelingsamewerking, en internasionale betrekkinge.

    “Ekonomiese betrekkinge en handel is hoog op die agenda van die besoek. Frankryk is ‘n belangrike handels-, beleggings-, en toerisme vennoot vir Suid-Afrika,” lui die verklaring.

    In 2015, het die algehele omvang van handel R33.6 miljard beloop.

    Frankryk is ‘n belangrike bron van direkte buitelandse belegging in Suid-Afrika met ‘n geraamde volume van meer as R24 miljard.

    Volgens die toerisme-afdeling, het ‘n totaal van 128.438 toeriste uit Frankryk besoek Suid-Afrika in 2015 afgelê, wat Frankryk een van die grootste bronne van toerisme-inkomste maak.

  • Die swart Sanef-pot verwyt die swart mediaketel

    Die swart Sanef-pot verwyt die swart mediaketel

    Die besluit van die SABC om nie beeldmateriaal van die verwoesting van eiendom tydens nuusbulletins uit te saai nie, is sensuur, het die Suid-Afrikaanse Nasionale Redakteursforum (Sanef) sonder ironie Maandag gesê.

    Die aankondiging deur die SAUK dat hulle voortaan nie beeldmateriaal van “vernietiging van eiendom” uitsaai tydens nuusbulletins nie is “jammer en skokkend”, want dit is in die “openbare belang”, sê Sanef.

    Die rand het intussen verder verswak en kredietgraderingsmaatskappye wil die land na rommelstatus afgradeer.

    Maar klaarblyklik is Sanef tevrede met dié stand van sake wat die geldeenheid betref.

    Volgens Sanef het die apartheidsregering ook die media en veral TV-kameras blameer vir die verspreiding van swart opstande landwyd destyds. Die polisie het joernaliste toe uit gebiede waar betogings plaasgevind het, uitgehou om ‘n prentjie van “valse vrede” te vervaardig.

    Daar was destyds baie minder opstande as vandag en dit is kunsmatig deur onder meer agente van die Anglikaanse Kerk aangewakker soos ons vandag weet.

    Dit het direk aanleiding gegee tot die demokratiesverkose ANC-regering wat deur die Britte aan bewind geplaas is, iets waaroor hulle vandag blykbaar spyt is.

    Die hoofstroommedia wat Sanef verteenwoordig is besig om irrelevant te raak juis omdat hulle nie oor nuus berig nie maar oor die ideologiese obsessie van ‘n paar mense en alle ander menings sensureer.

  • Zuma verstewig greep op KZN

    Zuma verstewig greep op KZN

    Ondersteuning vir President Jacob Zuma bly sterk, veral onder sy eie etniese groep.

    Zuma se greep op sy tuisprovinsie is verder verstewig ná KwaZulu-Natal se premier, Senzo Mchunu, sy bedanking aangekondig het en ‘n bondgenoot van die president se Willies Mchunu, oorgeneem het.

    Die twee is nie verwant nie.

    Ander lede van die Mchunu-kabinet wat na verwagting die trekpas sou kry, is behou in nie provinsiale regering.

    Die provinsie se ANC-ondervoorsitter en LUR vir vervoer, gemeenskapsveiligheid en skakeling het Maandagaand die leisels oorgeneem.

    Die ANC sê Mchunu is gekies vir sy “senioriteit, ervaring en vaardighede wat hy gedemonstreer het in die regering en ons beweging”.

    Senzo Mchunu sy bedanking aangekondig ná ‘n vergadering met provinsiale leierskap van die ANC Vrydag, waartydens hy die trekpas gegee is.

    Die premier, voorheen ‘n stoere bondgenoot van president Jacob Zuma, het sy setel as provinsiale voorsitter verloor teen Sihle Zikalala in November en sedertdien het Zikalala se ondersteuners hulself openlik beywer om Mchunu te verwyder as premier.

    Zikalala en Zandile Gumede as voorsitter van die streek eThekwini met 103 takke, is bekende Zuma-ondersteuners.

  • Zuma neem opening van wapenfabriek in Saoedi-Arabië waar

    Zuma neem opening van wapenfabriek in Saoedi-Arabië waar

    Die webblad, World Defense het foto’s gepubliseer wat na bewering wys waar President Zuma optree by die opening van `n wapenfabriek in Saoedi-Arabië.

    Die presidensie wou tot dusver nie bevestig dat Zuma betrokke was nie, het RSG berig.

    `n Foto toon aan waar Zuma langs die adjunk-kroonprins, Mohammed bin Salman bin Abdulaziz staan. In die agtergrond is `n plakkaat wat sê Zuma open die militêre vuurpylfabriek.

    Volgens die webblad gaan die staatsbeheerde wapenvervaardiger, Denel met sy Saoedi-Arabiese eweknie saamwerk.

    Die Minister van Finansies, Pravin Gordhan het vroeër gewaarsku dat die Denel sal skuldig wees aan finansiële wangedrag indien hy sonder die nodige toestemming, voortgaan met ‘n gesamentlike onderneming met ‘n maatskappy wat bande het met die Gupta-familie het.

    Denel het vroeër gesê hy het ‘n gesamentlike onderneming met die Guptabeheerde VR Laser Services aangegaan en dat al die regsprosesse gevolg is.

    Intussen is die transaksie waarvolgens die Gupta-famlie se Oakbay Investments die Glencore mynmaatskappy se Optimum steenkoolmyn in Mpumalanga vir meer as as twee-miljard rand aankoop, afgehandel.

    Dit volg nadat Oakbay moes inderhaas ander bankgeriewe moes bekom nadat vier Suid-Afrikaanse handelsbanke hul bande met die maatskappy opgeskort het.

    Die banke het hul bande verbreek na gerugte dat die Gupta-familie ‘n onbehoorlike invloed op President Jacob Zuma uitgeoefen het.

    Oakbay se bestuurshoof, Nazeem Howa, sê die transaksie bewys net weer Oakbay se betrokkenheid in Suid-Afrika. Hy sê dit het meer as drie-duisend werksgeleenthede gered.

    Julius Malema het vroeër gesê Zuma het na die Midde-Ooste gereis om die Guptas se geld uit die land te neem sodat dit nie deur die Resewerbank se kanale hoef te gaan nie.

    Zuma het glo R6 miljard in Doebaai afgelewer volgens Malema voordat hy in Saoedi-Arabië aangedoen het.

  • Godsdiensleiers, Cosatu skaar hulle by Zuma

    Godsdiensleiers, Cosatu skaar hulle by Zuma

    Van die godsdiensleiers van verskillende gelowe het hulle by president Jacob Zuma geskaar.

    Lede van die Nasionale Intergeloofsraad van Suid-Afrika wat onder meer Christene, Moslems, Hindoes, Rastafariërs en die Afrika Onafhanklike Kerke insluit, het die President se verskoning ná die uitspraak van die Konstitusionele Hof aanvaar.

    Verlede week het van die godsdiensleiers onder die Nasionale Godsdiensleiersraad gesê die President het die morele gesag verloor om die land te lei en behoort te bedank.

    Daniel Matebisi van die Intergeloofsraad sê die priesters het nie met alle priesters in die land oorleg gepleeg nie.

    Die vakbond COSATU het intussen die ouditeure, KPMG en drie van die land se vier grootste banke van goedkoop politiekery beskuldig.

    Dié kritiek kom nadat hulle onverwags bande met sake-ondernemings wat bande het met die Guptafamilie, verbreek en hulle bankrekenings gesluit het.

    COSATU sê die besluit deur ABSA, FNB, NEDBANK, SASFIN en KPMG om op te hou om sake met die Guptas te doen, sal nie net die familie benadeel nie maar ook die seweduisend mense wat vir hulle werk.

  • Mantashe sê aanvalle is teen ANC, nie net Zuma nie

    Mantashe sê aanvalle is teen ANC, nie net Zuma nie

    Die sekretaris-generaal van die ANC, Gwede Mantashe, sê die onlangse aanvalle teen president Jacob Zuma is geloods as ‘n aanval op die party, eerder as teen net die president alleen.

    Hy het by die opening van ‘n beraad in die Noord-Kaap in Kimberley, gesê diegene wat Zuma se kop eis, soek ‘n sondebok ten einde die ANC te verswak.

    Hy sê die ANC sal steeds met alle belanghebbendes in die komende dae ontmoet, insluitend met die Ahmed Kathrada-stigting, om die onlangse uitspraak van die Grondwethof teen Zuma te verduidelik.

    Mantashe sê die groep burgerlike organisasies wat Woensdag hul teenkanting teen Zuma geopper het, is meestal ontevrede voormalige lede van die party wat uit desperaatheid handel.

    ‘n Groep van sowat 240 burgerlike organisasies – genaamd Verenig teen Korrupsie – sal aanstaande Saterdag sy veldtog teen Zuma amptelik loods.

    Die groep bestaan uit kerke, burgerlike groepe, vakbonde, en akademici.

    Hulle het Woensdag op die trappe van die Grondwethof in Johannesburg ‘n veldtog van stapel gestuur wat daarop gemik is om Zuma se bedanking af te dwing deur politieke druk.

    Die veldtog se eerste optrede is aanstaande Saterdag. Suid-Afrikaners is gevra om in dorpe, kerke, moskees, townships, woongebiede, sportklubs en kultuurorganisies saam te trek en toekomstige optrede te bespreek.

    Die hoofgeleentheid sal by die Regina Mundi-kerk in Soweto plaasvind.

    Die PAC het intussen ‘n oproep om eenheid gedoen en swartes vermaan om hulle nie te verheug oor kritiek teen die ANC nie.

    Die leier van ‘n faksie van die PAC, Letlapa Mphahlele sê die oproepe om die president af te dank kom neer op ‘n bewindsverandering.

    Mantashe het ontken dat sy bywoning en dié van die party se nasionale voorsitter, Baleka Mbete in die Noord-Kaap magsvertoon is.

    Hy het aan OFM-nuus gesê dat lede van die party se nasionale uitvoerende komitte (NUK) provinsiale berade in vyf provinsies bygewoon het.

    Mantashe sê alhoewel hy baie klem gelê het op die uitwissing van faksies binne die ANC, is dit nie ‘n probleem in die Noord-Kaap nie.

    Die ANC in die provinsie het egter maande ná die bedanking van sy provinsiale leier, John Block, nog nie ‘n aankondiging oor wie die top posisie in die provinsie sal beklee nie.

    Mantashe sê daar is egter geen probleme nie.

  • Absa, Sasfin, KPMG los Guptas

    Absa, Sasfin, KPMG los Guptas

    Absa Bank het by die beleggingsbank Sasfin en die ouditeursfirma KPMG aangesluit deur sake met die Gupta-familie se Oakbay Resources and Energy te beëindig.

    Die familie word ondersoek vir vermeende staatskaping.

    Trevor Hoole, KPMG se uitvoerende hoof vir Suider-Afrika, het aan Fin24 gesê die politieke belangstelling in die Gupta-familie, asook vrae van aandeelhouers, het tot die besluit bygedra.

    Hy sê die risiko verbonde aan die assosiasie is te groot. Hoole het in ‘n e-pos aan alle plaaslike personeel gesê hy het besluit om nie verder vir Oakbay te oudit nie.

    Die Guptas se bande met President Jacob Zuma is tans onder die soeklig. Zuma se seun Duduzane is ‘n direksielid van minstens ses Gupta-maatskappye.

    Oakbay het egter aan Fin24 gesê die “moeilike” besluit was nie om ouditredes nie.

    Oakbay, wat mynbates besit, se waarde word op bykans tien miljard rand geraam.

    ‘n Woordvoerder van Sasfin sê die besluit om bande met die Guptas te verbreek is al verlede maand geneem en betrekkinge sal in Junie ten einde loop.

    Absa het ook bevestig dat Oakbay nie meer ‘n kliënt is nie, maar die woordvoerder wou nie verder uitbrei nie.

    Intussen is berig dat die Gupta-broers ‘n duur Hindoetempel ten bedrae van meer as R200 miljoen in hul tuisdorp, Saharanpur, in die noorde van Indië oprig.

    Die oudste Gupta-broer, Ajay, word glo deur inwoners van die streek beskryf as ’n “lewende god”.

    Rapport het vasgestel dat die Guptas die Oppenheimer-familie se superluukse geriewe by die O.R. Tambo-lughawe gebruik.

    Die Guptas se twee sakestralers, ’n Sovereign en ’n Global Express 6000, gebruik Fire­blade Aviation, ’n Oppenheimer-maatskappy, se geriewe.

    Dié maatskappy, wat dienste aan superrykes verskaf, het sy eie terminus, doeanegeriewe, spa en slaapgeriewe.

    Die Guptas het onlangs in twee volbladadvertensies in The New Age, die Suid-Afrikaanse koerant wat aan hulle behoort, ten sterkste ontken dat hul Suid-Afrikaanse winste die landsgrense verlaat.

  • Miljarde verkwis met wapenaankope, maar Nkandla pla meer

    Miljarde verkwis met wapenaankope, maar Nkandla pla meer

    Dat Suid-Afrikaners nie somme kan maak nie, raak al hoe duideliker.

    Terwyl ‘n Duitse konsortium net €27,5 miljoen belê het in Suid-Afrika, maar krediet gekry vir €1,285 miljard, is die land se belaglike media besig om histeries te raak oor ‘n paar miljoen verkwiste rande op hoenderhokke en derglike by Nkandla.

    Die skokkende ouditverslag oor die korrupsie met die omstrede wapentransaksie se sogenaamde beleggingsprogramme wat nooit gerealiseer het nie, en waarby miljarde betrokke is, kan Nkandla se opgraderings klaarblyklik nie troef nie.

    Die regering het met hul wapenaankope toegelaat dat buitelandse maatskappye miljarde afskryf wat hulle Suid-Afrika geskuld het.

    Van die onthullings waaroor Die Vryburger vroeër berig het, sluit die volgende in:

    1) Slegs 3,815 van die beloofde 56,531 werksgeleenthede het gerealiseer;

    2) Nuwe kontrakte is met wapenfirmas gesluit nadat daar oor teenbeleggingsprogramme ooreengekom is, wat in effek daarop neergekom het dat die miljoene wat hulle aan Suid-Afrika geskuld het, afgeskryf is;

    3) ’n Mislukte projek van British Aerospace/SAAB is nooit aangemeld nie en is eers in die ope gebring toe die ouditspan daarna gevra het;

    4) Die Franse wapenmaatskappy Thales het krediet gekry vir $171,2 miljoen se beleggings vir ’n mislukte aanleg vir mediese afval wat hulle sowat $1,2 miljoen gekos het, en die Duitse duikboot-konsortium het €15,2 miljoen te min belê.

    FW de Klerk, voormalige staatshoof, was glo ten nouste betrokke by die wapenskandaal.

    In ‘n opspraakwekkende boek, het vlootadmiraal Anthony Howell (Paul Holden is mede skrywer van die boek), “The Devil in the Detail: How the Arms Deal Changed Everything” onthul dat de Klerk, Thabo Mbeki en Chippy Shaik, vlootkontrakte in `n bepaalde rigting gestuur het.

    Howell en ander militêre offisiere het in 1995 die Spaanse bod aanbeveel en voorleggings in dié verband gedoen.

    De Klerk het glo die Duitse bod teen die vloot se aanbevelings, verkies. Die duikbote is glo vandag niks beter as skroot nie.

    Die Duitse owerhede het ‘n betaling ondersoek van $22 miljoen (R1.7 miljard) [van die Duitse konsortium] aan ‘n Libiese front maatskappy, Mallar Inc., en dié geld het regstreeks na Suid-Afrikaanse amptenare en kabinetslede gevloei.

    Maar De Klerk het nogtans by monde van sy Stigting uitgevaar teen die “ontstellende” kwessie van selfverryking betreffende Nkandla.

    Oproepe vir President Jacob Zuma om te bedank neem toe, ook uit dieselfde geledere wat ten nouste betrokke was by die wapenskandaal weens die “verdoemende Nkandla-uitspraak”.

    Ironies genoeg het Zuma juis met die Seriti-kommissie se aanstelling oor die wapenskandaal gehelp om die onverkwiklikhede onder die mat in te vee.

    Die weermagvakbond, Sandu het geëis dat Zuma sy amp ontruim.

    Die vakbond het ‘n verklaring uitgereik waarin die “laakbaarheid van hoe die president die grondwet geskend het, maar wat die weermag veronderstel is om te handhaaf” hulle onthuts.

    Sandu sê dit is ook “verwerplik dat die parlement die president ondersteun het in sy ongrondwetlike optrede”. Die vakbond sê “die parlement het die demokrasie uitverkoop”.

    Intussen meen die DA se hoofsweep, John Steenhuisen dit is noodsaaklik dat die parlement ‘n boodskap aan President Zuma en die land stuur dat die skending van die Grondwet nie geduld sal word nie.

    Hy sê die beste manier om dit te doen, is om môre ten gunste van die DA se mosie te stem om die president in ‘n staat van beskuldiging te plaas.

  • Gupta-sirkus laat skaliegaswalms uit parlement opstyg

    Gupta-sirkus laat skaliegaswalms uit parlement opstyg

    Lede van die ANC se nasionale uitvoerende komitee en die drieparty-alliansie het hulle steun uitgespreek teenoor die adjunkminister van Finansies, Mcebisi Jonas.

    Dit volg na Jonas se verklaring Woensdag wat bevestig dat die Gupta-familie aan hom die pos van minister van Finansies aangebied het, het RSG berig.

    Die ANC-parlementslid, Jackson Mthembu het op Twitter gesê dat die ANC iets moet doen omtrent wat hy die arrogansie van die Gupta-familie noem.

    Die minister van Toerisme, Derek Hanekom het ook op Twitter gesê dat Jonas ‘n persoon van integriteit is, en dat daar geen rede is om sy weergawe van gebeure te bevraagteken nie.

    Die SAKP sê dat Jonas die waardes van rewolusionêre moraliteit bevestig, en die party se beroep vir ‘n regterlike kommissie van ondersoek na bewerings van die Guptas se invloed regverdig.

    Jonas, ‘n vurige voorstander van hidrobreking in die Karoo, was vroeër LUR in die Oos-Kaap vir Ekonomiese Ontwikkeling, Omgewingsake en Toerisme.

    Hy verkoop die skaliegasprojek as “hernubare energie” wat dit beslis nie is nie, aangesien hernubare energie nie omgewingsbesoedeling behels nie.

    “Skaliegasontginning word beskou as ‘n oorgangsenergiebron, terwyl die hernubare sektor nog leer, sal innovasie en kostedoeltreffendheid toeneem, en skaliegas sal ons speen van koolstofdraende steenkool,” het Jonas in 2014 verklaar.

    Intussen sal President Jacob Zuma vandag ‘n parlementêre vraag-en-antwoord-sessie moet trotseer wat beloof om vurig te wees.

    Jonas het die opposisie heelwat skietgoed gegee met sy verklaring oor die Gupta-familie.

    Die leier van Cope, Mosiuoa Lekota het reeds gesê dat hulle hul tot die polisie sal wend, aangesien President Zuma volgens die party nou te ver gegaan het.

    Ander opposisiepartye het aangedui dat ‘n saak van korrupsie geopen sal word, terwyl ‘n geregtelike kommissie aangevra is om ondersoek in te stel.

    Die EFF sê intussen hulle sal nie aan die parlementêre sessie deelneem nie, omdat hulle Zuma nie as die president erken nie.

    Die party beweer ook dat Zuma die parlement in dié sessies mislei.

  • Nog Gupta-tentakels ontbloot

    Nog Gupta-tentakels ontbloot

    Etiese kwessies rakende die Guptas se tentakels wil maar net nie wyk nie. Dit wil al hoe meer voorkom asof Suid-Afrika deur ‘n buitelandse groep Indiërs oorgeneem is.

    Die brandarm familie van Atul Gupta wat in 1993 hier aangeland het uit Uttar Pradesh, Indië, ‘n jaar voor die verkiesing van Nelson Mandela, is vandag miljardêrs.

    Hulle het uraan-, goud- en steenkoolmyne aangekoop, ‘n luukse wildsplaas, ‘n ingenieursmaatskappy, ‘n koerant, ‘n rekenaarbedryf, en ‘n 24-uur nuus TV-stasie gebou met belastingbetalers se geld.

    Die magtige Guptas besluit klaarblyklik selfs oor die aanstellings in die parlement.

    In die jongste voorval moes Jacob Zuma reageer op die nuwe herrie oor die pasryk Indiese immigrante wat ontketen is deur ‘n sosiale mediagesprek.

    Die voormalige parlementslid, Vytjie Mentor is glo ook deur die Indiërs genader omdat hulle haar wou “koop”.

    Mentor het in ‘n inskrywing op Facebook gesê die Gupta-familie haar die pos van minister van openbare ondernemings aangebied. Die president was glo in ‘n ander vertrek.

    Sy beweer dat die Guptas het gesê solank sy haar steun aan een van hul maatskappye toesê, is die werk hare.

    Zuma sê in ‘n kort verklaring hy kan glad nie onthou wie Mentor is nie en kan daarom nie enige kommentaar lewer op bewerings oor haar beroepslewe nie.

    Die ANC se Nasionale Uitvoerende Komitee sal glo die naweek die beweerde invloed van die Gupta-familie op aanstellings in kabinetsposte bespreek.

    Die ANC en die adjunk sekretaris-generaal van die party, Jessie Duarte het intussen ‘n klag by die pers Ombudsman teen ‘n Sondagblad gelê.

    Die Sunday Times het die afgelope naweek berig dat Duarte die adjunk-minister van finansies, Mcebisi Jonas die ministerspos aangebied het.

    Die koerant het ook berig dat Jonas twee weke voor Nhlanhla Nene afgedank is met die Gupta familie en president Jacob Zuma se seun, Duduzane vergader het en hom die pos onder sekere voorwaardes aangebied het.

    Die ANC se woordvoerder, Zizi Kodwa sê hulle eis dat die koerant verskoning vra omdat Duarte onregverdiglik by die berig betrek is.

    Kodwa het die berig as skinderpraatjies beskryf.

  • MTN kry die skuld vir Boko Haram-sterftes

    MTN kry die skuld vir Boko Haram-sterftes

    President Jacob Zuma sê die regering sal nie probeer om die geskil tussen die selfoonmaatskappy MTN en die Nigeriese regering in die guns van die Suid-Afrikaners te besleg nie.

    Zuma sê dit is ‘n kwessie tussen MTN en Nigerië en hulle sal wag tot die twee partye die kwessie afgehandel het.

    Die Nigeriese president, Muhammadu Buhari, het vroeër MTN die skuld gegee vir die dood en ontvoering van Nigeriërs deur die Boko Haram-militante groep.

    Die Nigeriese kommunikasie-kommissie het MTN met bykans R80-miljard rand beboet omdat hy nie die reëls vir simkaart-registrasie nagekom het nie.

    Buhari het gesê duisende ongeregistreerde simkaarte het in die hande van terreurgroepe beland.

    “Tussen 2009 en vandag, is ten minste 10,000 Nigeriërs vermoor deur Boko Haram. Dit was die rede waarom NCC gevra het dat MTN, Glo en die res van hulle hul selfone moet laat registreer. Ongelukkig was MTN baie, baie stadig en het bygedra tot die ongevalle”.

    Selfs al het die maatskappy onlangs ‘n betaling van $250 miljoen gemaak om ‘n skikking te fasiliteer, het Nigerië se president volgehou om die maatskappy verantwoordelik te hou.

    MTN bied diens aan meer as 200 miljoen mense in Afrika en die Midde-Ooste. Nigerië is na bewering die selfoon-reus se grootste mark.

  • Opposisie se verkiesingsfoefies lei tot niks

    Opposisie se verkiesingsfoefies lei tot niks

    Die mosie van wantroue in pres. Jacob Zuma wat deur Mmusi Maimane, DA-leier, ingedien is, het min kans op sukses gehad.

    Die ANC in die Nasionale Vergadering het Dinsdag bankvas agter hul leier gestaan, al was hy nie teenwoordig nie.

    Die mosie is met 225 teen 99 stemme verwerp, met 22 parlementslede wat buite stemming gebly het.

    Dit is die tweede keer dat die DA dié verkiesingsfoefie uithaal. ‘n Jaar gelede het Maimane ’n soortgelyke mosie van wantroue teen Zuma ingedien.

    Die mosie is toe met 221 stemme teen 113 verwerp nadat die EFF saam met die DA gestem het.

    Die EFF het nie die mosie gesteun nie. Hulle wag glo vir die Grondwethofuitspraak oor Nkandla, ‘n saak wat die EFF teen Zuma aanhangig gemaak het.

    Zuma se senioradvokaat het intussen gesê die Demokratiese Alliansie se poging om die besluit ongedaan te maak sodat hy vervolg kan word op aanklagte van korrupsie,”gaan nêrens heen nie, en is doodgebore en desperaat”.

    Kemp J. Kemp het aangevoer dat die Nasionale Vervolgingsgesag (NV) se weergawe van hoe die voormalige waarnemende nasionale direkteur van openbare vervolging (NDOV), Mokotedi Mpshe, by sy besluit in 2009 uitgekom het was nie irrasioneel nie en is nog nooit verkeerd bewys deur die DA nie.

    Hy het gesê die DA het dit aanvanklik as ‘n administratiewe uitdaging gesien, maar die party het besef hul argument is fundamenteel gebrekkig en is nou besig om ‘n laaste desperate posisie dat die besluit was “irrasioneel” was.

    Die DA het reeds R10 miljoen aan regskoste aan die saak bestee.

    Die DA se hersieningsaansoek word vandag in die Pretoriase Hooggeregshof afgesluit met betoë deur die DA.

  • ANC-hoofsweep bedank skielik

    ANC-hoofsweep bedank skielik

    Die ANC se hoofsweep in die Nasionale Vergadering, Stone Sizani het bevestig dat hy skielik bedank het uit die Parlement om sy nuwe pos as ambassadeur na Duitsland op te neem.

    Sizani beweer daar is niks onwelriekend aan sy skielike bedanking nie. Hy sê hy is verlede Donderdag skielik in kennis gestel van sy herontplooiing.

    Hy sê sy herontplooiing is nie die gevolg van swak prestasie nie.

    Die party se Moloto Mothapo sê: “Die feit is dat hy herontplooi is en hy moes bedank met onmiddellike effek, sodat hy sy nuwe posisie met onmiddellike effek kon betrek.”

    Die voormalige hoofsweep is aan die voorpunt van president Jacob Zuma se ondersteuners in die parlement te midde van klagtes oor staatsbesteding aan sy huis op Nkandla.

    In Januarie het Sizani gesê Suid-Afrika moet dieselfde wet implementeer as in Duitsland waar holocaust-ontkenners tronk toe gestuur word.

    “Rassiste moet tronk toe gestuur word,” het hy aan die politieke redakteur van die Sowetan, Moipone Malefane, gesê.

    Sizani, wat nege jaar lank op Robbeneiland deurgebring het, het gesê “die wittes wat ons land gesteel het, het die ekonomie vir hulself gevat en gebruik swartmense om te werk vir hulle en nog voel hulle nie dat hulle ons iets skuld nie”.

    “Dit laat my bloed kook. Hulle kan nie die haat in ons verstaan nie. Hierdie idee van hulle dat ons die ander wang moet draai, is verkeerd en moet tot ‘n einde kom.”

    Sizani se vrou, Portia “Pankie” Sizani, is verlede maand vrygespreek op vyf aanklagte van geldwassery in die Port Elizabeth se handelshof.

    Maar sy sal haar grootste wetsuitdaging in die gesig staar wanneer sy terugkeer na die hof op 26 Junie om die res van die bedrogaanklagte teen haar, te betwis.

    Sy word daarvan beskuldig dat sy die Oos-Kaapse Departement van Onderwys bedrieg het deur die skepping van spookonderwysers.

    Daar word beweer dat sy salarisse deur die bankrekeninge van sommige van die onderwysers gewas het voordat sy die kontant in haar eie sak gesteek het.