Prof Sydney Rosen van die Boston-universiteit het heelwat navorsing vir hierdie artikel in Afrika suid van die Sahara gedoen – veral in Suid-Afrika, wat die wêreld se meeste vigs-pasiënte het. In Afrika, het Rosen en sy kollegas uitgevind, begin mense eers op ’n gevorderde stadium van die siekte met antiretrovirale middels in vergelyking met Westerlinge, wat met ander woorde die hoë sterftesyfer in Afrika verklaar.
Meer en kleiner gesondheidsklinieke moet opgerig word, volgens die organisasie Dokters sonder Grense. Dikwels wil mense nie ure toustaan nie en kry hulle gevolglik nie hulle medisyne nie. Sommige is ook te siek en verswak om kliniek toe te stap en vervoer is nie altyd beskikbaar nie.
Vroeër vanjaar het navorsing bewys dat manlike besnydenis die risiko van MIV-besmetting met tot 60% kan verminder. Dit kan moontlik die aantal vigs-pasiënte uiteindelik verminder. So nie, gaan gesondheidswerkers nie kan voorbly om almal te behandel nie.
Leave a Reply
You must be logged in to post a comment.