‘n Sterk aardbewing het talle geboue in Malawi vernietig en die dood van minstens drie mense veroorsaak.
Sowat 200 ander is beseer en 270 000 inwoners is gevra om hul huise te verlaat.
Die Karongadistrik in die noorde van die land benodig sowat 48 000 tente en mediese toerusting om mense te huisves en reddingswerk te vergemaklik.
Volgens Gasten Macheka, kommissaris vir dié distrik, is inwoners gevra om nie binnenshuis of dit naby huise te waag nie omdat die situasie nog onstabiel is.
“Ons vra die regering en internasionale gemeenskap om hulp met die saak,” het hy gesê.
Die aardbewing het 6.0 op die Richterskaal gemeet.
Leave a Reply
You must be logged in to post a comment.