‘n Werknemer van Kruger Nasionale Park is doodgetrap deur ‘n olifant, terwyl ‘n ander ernstig beseer is nadat ‘n groep van SANParke se werknemers aangeval is deur ‘n trop Maandagmiddag.
Die voorval het by die Mooiplaas-afdeling van die park, naby Mopanikamp voorgekom. Die omstandighede rondom die voorval word ondersoek.
Volgens Kruger Nasionale Park woordvoerder William Mabaso, is die polisie en medici na die toneel ontbied. Daar kon egter niks gedoen word vir een van die werknemers wat op die toneel gesterf het nie. Die beseerde werknemer is inderhaas na ‘n hospitaal in Tzaneen geneem.
“Namens die SANParke bestuur en personeel wil ons graag ons innige meegevoel aan die familie, vriende en familie van die oorledene betuig, en aan die ander kollega wat tans in die hospitaal is ‘n spoedige herstel toewens,” het Mabaso gesê.
Leave a Reply
You must be logged in to post a comment.