Motoriste word aangeraai om Albertina Sisulu-weg langs die Princess plakkers wes van Johannesburg te vermy na kligooiery Donderdagaand.
Daar was vroeër steeds rommel, klippe en gebrande buitebande in die pad. Dit is nog nie duidelik waaroor gemeenskapslede oproer pleeg het nie, maar daar was al in die verlede verskeie betogings in die gebied oor behuising.
Die DA het gister in ‘n verklaring die Gautengse regering daarvan beskuldig dat hulle versuim het om meer as honderd huise met lopende water en elektrisiteit aan die gemeenskap te verskaf.
‘n Woordvoerder van die Johannesburgse Metropolisie, Wayne Minnaar, sê motoriste moet eerder die N12 en Ontdekkersweg as alternatiewe roetes gebruik.
Leave a Reply
You must be logged in to post a comment.