Die Universiteit van Johannesburg gaan appelleer teen Maandag se uitspraak van die Hooggeregshof van Johannesburg wat aan vyf geskorste studente toegang tot die universiteit gegee het.
Die universiteitsbestuur sê hy het ‘n plig om studente en personeel te beskerm teen geweld en sabotasie en te verseker dat alle studente regverdig behandel word.
Die vyf studente is onder die 17 wat in Augustus deur die universiteit geskors is omdat hulle na bewering betrokke was by brandstigting in die Sanlam-ouditorium (foto) vroeër vanjaar, het RSG berig.
Hulle is toegang tot die universiteit geweier totdat hulle tugverhore afgehandel is.
Leave a Reply
You must be logged in to post a comment.