Terwyl die hoof van Pretoria High School for Girls, Karen du Toit, intussen voor die aanslag gekapituleer het en “alle haarreëls opgeskort het”, het dit aan die lig gekom dat ‘n skakelmaatskappy genaamd Powerhouse Public Relations en die geselsradio 702 agter die opsweping van swart gemoedere rondom die skool sit. Op haar Facebook het Lebo Madiba Lokotwayo, besturende direktrise van Powerhouse, triomfantelik gesê:
Powerhouse Public Relations word op die maatskappy se webblad beskryf as ‘n
…leidende openbarebetrekkingeagentskap in Suid-Afrika, met die vaardighede en kliëntebasis van ‘n globale agentskap. Ons verstaan dat ons kliënte sake doen, en ons mik vir niks meer as om hulle te help om hul sakedoelwitte te behaal nie. Ons kommunikasie-inisiatiewe is daarop gemik om die reputasies van kliënte te verbeter en te bestuur.
Behalwe dat die maatskappy in dié geval sy vaardighede gebruik het om ‘n niksvermoedende openbare skool se naam deur die modder te sleep en van rassisme te beskuldig…
Lebo Madiba, soos sy ook bekendstaan, is blykbaar insgelyks die “voog” van Zuleikha Patel, die meisie van gemengde Indiese en swart afkoms wie se hare “onbeheerbaar” regop staan. Die openbarebetrekkingekonsultant het self ‘n dogter in graad 8 by die skool wat ‘n skoolopstel in ‘n politieke traktaat omskep het waarin sy teen blankes en apartheid uitvaar. Dit is juis haar anti-blanke politieke standpunte wat haar in botsing met onderwysers en die hoof gebring het, waarna haarstyle insgelyks ‘n kwessie geraak het.
Die prokureur Tracey Lomax wat ‘n hele span advokate, waaronder Steven Budlender, seun van die ANC-aktivis Geoff Budlender, teen Steve Hofmeyr en dr. Dan Roodt in die Randburgse Landdroshof gemonster het toe dit oor Conrad Koch se boikotaksies en dreigemente teen Hofmeyr gegaan het, is ook op Facebook met Lebo Madiba bevriend.
Leave a Reply
You must be logged in to post a comment.