President Robert Mugabe van Zimbabwe het bekendgemaak dat sy regering van nou af in besit van alle diamante in die land sal wees, het RSG berig.
Dit volg ‘n week nadat die land se ministerie van mynwese opdrag aan mynmaatskappye gegee het om hul bedrywighede te staak en die Marangevelde te verlaat.
Mugabe voer aan dat die mynmaatskappye die land van sy welvaart beroof het. Volgens Mugabe is diamante ter waarde van meer as 15 miljard dollar in die oorstelike myngebied gesteel.
Die Zimbabwiese president het tydens ‘n twee-uurlange onderhoud op staatstelevisie dit duidelik gestel dat die staat nou alle diamante in die land besit.
Verskeie buitelandse mynmaatskappy het reeds met regsoptrede teen die Zimbabwiese regering in die verband begin.
Zimbabwe is die agtste grootse diamantprodusent in die wêreld.
Leave a Reply
You must be logged in to post a comment.