Die Staatsveiligheidsagentskap het toegeslaan op buitelandse agente wat hulself voordoen as joernaliste asook nie-regeringsorgansiasies se verteenwoordigers in die parlement.
Die Sunday Times berig dat ‘n reeks vergaderings verlede week met intelligensiebeamptes gehou is om parlementêre personeel in te lig oor buitelandse agendas.
Tydens voorleggings aan parlementêre personeel, is joernaliste as een van die veiligheidsbedreigings vir Suid-Afrika uitgewys.
Die vergaderings is byeengeroep deur intelligensie-offisiere en intelligensie-amptenare het gesê hulle sal nie huiwer om kommunikasie soos Whatsapp, SMS’e en e-posse te keur nie.
Senuweeagtige personeel het verneem dat twee joernaliste, lede van die parlementêre persgalery, vir die Franse en Amerikaanse regerings spioeneer.
Lede van die personeel met dubbele burgerskap se sekerheidsklarings sal voortaan negatief daardeur beïnvloed word.
Personeel is gewaarsku dat indien hulle nie afsien van ‘n buitelandse paspoort nie, hulle die risiko loop om hul sekerheidsklarings te verloor.
Die opskerping van veiligheidsmaatreëls in die parlement kon nadat die EFF vroeër probeer het om verrigtinge te ontwrig.
“Die media word gesien as ‘n vyand. Hulle [intelligensie-amptenare] sê sommige media werk vir buitelandse regerings. Hulle voel ook dat sommige lede van die ANC in die parlement bestuurders gebruik om teen die ANC te werk,” het ‘n amptenaar wat ‘n sessie bygewoon het, aan die Times gesê.
Een aanbieder het ook spesifiek die Right2Know-veldtog gekoppel aan spioenasie vir ‘n buitelandse moondheid,” het ‘n amptenaar gesê.
Right2Know se Murray Hunter het gesê die organisasie bestaan uit “gewone Suid-Afrikaners” wat in diens van “vryheid van uitdrukking en toegang tot inligting optree om hul grondwetlike regte te beskerm”.
“Ons is woedend, maar nie verbaas nie, deur die paranoia en minagting wat die sekurokrate vir gewone mense en hul organisasies toon,” sê Hunter.
Die voormalige minister van intelligensie, Siyabonga Cwele, het reeds vakbonde soos Numsa en Amcu, Abahlali baseMjondolo en die Treatment Action Campaign, die Anti-Privatiseringsforum, die Anti-Eviction Campaign en die Landless People’s Beweging, asook Hunter se organisasie as buitelandse agente uitgesonder.
Leave a Reply
You must be logged in to post a comment.