Die Japanse maatskappy, Hitachi, sal ‘n skikkingsbedrag van $19 miljoen Amerikaanse dollar betaal nadat onbehoorlike betalings aan die lig gekom het.
Dit hou verband met kontrakte vir die multi-miljard randse Medupi-kragaanleg.
Dié maatskappy het geld aan ‘n frontmaatskappy met ANC-bande oorbetaal, om die lukratiewe energiekontrak in Suid-Afrika te verseker. Die frontmaatskappy is Chancellor House.
Hitachi het ingestem om die $19 miljoen te betaal om die saak te skik. Hitachi wou egter nie die aanklagte erken of ontken nie.
Die Amerikaanse owerheid wat toesig hou oor Sekuriteite en Markte, die US Securities and Exchange Commission (SEC), het Hitachi aangekla van beweerde onbehoorlike betalings aan die maatskappy en onakkurate rekordhouding.
Die SEC sê Hitachi het Amerikaanse Buitelandse Korrupsie-wetgewing oortree toe hy ses-miljoen dollar se betalings aangedui het as konsultasiefooie en ander wettige betalings.
Leave a Reply
You must be logged in to post a comment.