praag.co.za

Steve Hofmeyr woon Kerkstraatbomherdenking op 20 Mei by

Kerstraatbomtoneel

Written by

praag

in

,

Die sanger en aktivis Steve Hofmeyr het vanoggend getwiet dat hy eerskomende Woensdagoggend die herdenking van die Kerkstraatbom in Pretoria gaan bywoon. PRAAG het reeds in 2003 begin om dié grusame terreuraanval wat op 20 Mei 1983 plaasgevind het, te herdenk, soortgelyk aan die Amerikaners wat jaarliks op 9 September die terreuraanval op die World Trade Centre in New York gedenk. Sedertdien het ander organisasies, waaronder die GHA en Front Nasionaal, insgelyks begin om jaarliks op dié dag kranse by die plek te lê waar die bom destyds afgegaan het. Aboobaker Ismail en Joe Slovo het die terreuraanval namens die ANC beplan en uitgevoer. Biskop Desmond Tutu het albei van vervolging in Suid-Afrika kwytgeskeld deur middel van sy boendoehof, die Waarheids- en versoeningskommissie.

Steve Hofmeyr het die volgende getwiet:

Dr. Dan Roodt van PRAAG sal ook tydens die byeenkoms van ‘n aantal Afrikaanse organisasies ‘n krans lê en ‘n toespraak lewer. Alle PRAAG-lesers en -ondersteuners is welkom om dit by te woon. Terwyl soortgelyke voorvalle in oorsese lande, soos byvoorbeeld die Lockerbie-vliegtuigbom, tot jare lange hofsake en siviele eise lei, is geen van die slagoffers van die Kerkstraatbom nog ooit vergoed nie.

Comments

15 responses to “Steve Hofmeyr woon Kerkstraatbomherdenking op 20 Mei by”

  1. RSA PATRIOT Avatar
    RSA PATRIOT

    Baie dankie.

  2. leonlemmer Avatar
    leonlemmer

    Die Reitz-video is misbruik om die Institute for Reconciliation and Social Justice aan die Universiteit Vrystaat te vestig. Andre Keet is die direkteur en Leon Wessel is ‘n “affiliated” professor. Hulle het graag afgesit na Worcester toe die bomontploffing aldaar jaarliks herdenk is, want ‘n blanke was in daardie uitsonderlike geval vir die misdaad verantwoordelik. By geleentheid is ‘n hele groep “benadeelde” inwoners van Worcester gatis per trein na Pretoria geneem om die bomplanter in die tronk te ontmoet. Dit het egter glad nie by hierdie mense opgekom dat hulle die toneel van die Kerkstraat-ontploffing behoort te besoek as hulle dan so verontwaardig oor bomontploffings is nie. Sal Keet en Wessels op 20 deser opdaag om die Kerkstraat-ontploffing te gedenk? Ek dink nie daar is ‘n kat se kans dat hulle so ‘n ewewigtige benadering sal openbaar nie.

  3. Christoff Avatar
    Christoff

    Steve se held Mandela het opdrag gegee dat die bom geplant moet word……

    1. Arnieann Avatar
      Arnieann

      Nou wat laat jou so ‘n uitlating maak? Steve se held !!!

      1. Christoff Avatar
        Christoff

        Hy het gerou toe Mandela dood is. En het gese hoe dankbaar hy is dat hy die geleentheid gehad het “om vir Madiba te kon ontmoet”.

        1. Dolk Avatar
          Dolk

          Skakelbronne asb.? Baie dankies.

          1. Christoff Avatar
            Christoff

            Kry dit nie op google se nuus soektog nie. Hy het iemand in die week na Mandela se oorlye nog publiek bedank dat sy (as ek die geslag reg onthou) hom wat Steve is die geleentheid gegee het om vir Mandela te kon ontmoet. Hy kan dit nie ontken nie. Buitendien het hy al met die reënboogvlag vir foto’s geposeer. Mandela se vlag. Die vlag van die Freedom Charter. As jy daai vlag kan eer, kan jy Nkosi ook sing.

  4. Karel Combrinck Avatar
    Karel Combrinck

    Eki sien iewers dat die Front Nasionaal Vir Rachid Abobakar Ismael genooi het om die herdenking van die Kerkstraat bomontploffing by te woon. Soos u berig heirbo vermeld, was Ismael een van die mense wat die bom geplant het. Die leiers van Front Nasionaal verklaar, volgens die berig, dat die uitnodiging geskied “in die gees van die ANC se beleid van vergiffenis en versoeing soos verkondig by die Waarheid- en Versoeningskomissie.” Dis moeilik om te glo dat die berig korrek is, maar as dit is, moet hierdie mense stapelgek wees.
    In elkgeval , dankie aan dr Roodt en Steve Hoffmeyr vir u betrokkenheid.

    1. Kaylee van Yken Avatar
      Kaylee van Yken

      Ek het dit opgeneem met Front Nasionaal en dit is bevestig – Rachid Abobakar Ismael is indaardaad deur FN genooi in ‘n ope brief om die verrigtinge by te woon. Of hy aanvaar het, dit weet ek nie.

      1. Karl Combrinck Avatar
        Karl Combrinck

        Dankie Kaylee. Nou weet ons. Front Nasionaal het in die laaste algemene verkiesing iets soos 1% van die stemme gekry. Of was dit minder? In elkgeval was 1% was nog te veel. Ek hoop in die volgende verkiesing kry hulle 0%.

  5. Andy van Vuuren Avatar
    Andy van Vuuren

    Wat is die kans dat van ons ander politieke partye ook die geleentheid gaan bywoon, en dan dink ek ook onwillekeurig aan individue soos Meneer FW en Pik Botha ag en sommer ook ‘n paar ander tjommies.
    Ek sou persoonlik baie graag daar wou wees, maar nouja…………
    Ek sal in die gees daar wees.
    Wat is die moontlikheid dat dit lewendig uitgesaai kon word of gaan dit maar net gewone pers dekking kry.
    Vra maar net, want sou dit graag wou volg op TeeeeVeeee.

    1. Kaylee van Yken Avatar
      Kaylee van Yken

      Andy, net ‘n klein regstelling, of liewers, ‘n groot een (skuus, ek moet net).

      Mens kan geensins na fw en pik botha as “meneer” verwys nie. Sou beter op die oog val om te skryf, “ruggraatlose jellievisse”.

      Met my hele hart en siel sou ek self die 20ste daar teenwoordig wou wees, soos jy, sal ek ook in gees daar wees.

    2. Praat Saam Avatar
      Praat Saam

      Nee, ons gaan wel daarvan hoor, maar weer in ‘n negatiewe lig. Dit gaan nou weer uitgebeeld word as ekstreem en ver regs.

  6. Kaylee van Yken Avatar
    Kaylee van Yken

    Vir diegene wat nie FB-rekeninge het nie – deur SUNETTE BRIDGES

    Daar is EEN vraag wat niemand bereid is om te antwoord nie… EEN onderwerp wat ons nie mag bespreek nie…

    WIE pleeg hierdie moorde?

    Sy naam was nie Statistiek of Persentasie nie, sy naam was Jaap van Zyl
    Sy was nie net ‘n nommer nie, haar naam was Ans Vercuiel
    Hy was ‘n Pa, ‘n Man ‘n Vriend en sy was Gert se Vrou
    Maar volgens Stats Suid-Afrika moet ons ‘n bruggie bou
    Ons moordsyfers te laag vir kla, ons huise is mos luuks
    En more moor hul nog ‘n Pa en versteek dit agter truuks
    Op telrame en Excel sheets en slim verdraaide woorde
    Die vraag wat NIEMAND atwoord nie is: “WIE pleeg hierdie moorde!”

    Hy was nie in ‘n kroeg, betrokke in ‘n vuisgeveg
    Sy was nie laat die aand in Proesstraat of Mandelaweg
    Hy was tevrede tuis en op sy skoot sy kinders
    Sy was in die tuin, die grond nog aan haar vingers
    Hy was nie doodgeskiet nie – gemartel en verag
    Vir haar was dood ‘n panga, maar eers is sy verkrag
    Sy bloed sit teen die mure en hare vlek die grond
    Maar op die staat se spreadsheets is al die syfers rond

    Dis “Kill the Boer, the Farmer” en wittes moet hier weg
    Die Haatspraak wat hul pleeg is hul geboortereg
    Ons teken maar die name op, die lys word al hoe langer
    Ons bou ons mure ses voet hoog en word net al hoe banger
    Die slimmes noem ons paranoid, die stats is aan ons kant
    En ons moet ook mos offers bring aan die vervloekte land
    Maar steeds wil niemand antwoord nie en struikel oor hul woorde
    En tergend bly die vraag steeds hang: “Wie pleeg hierdie moorde?”

  7. Oom Kosie Avatar
    Oom Kosie

    Ek dink dit is goeie ding dat daar prominensie verleen word aan binnelandse terreurdade van die ANC, volgende moet wees Sanlam Sentrum Amanzimtoti, Maggoos Bar Durban, Wimpy Bar Benoni, St James Kerk Kaapstad en King williams Town Gholfklub.

    Hierdie is ‘n fenomenale poging om ook die ander kant van die geskiedenis uit te lig en die ANC/PAC aan die kaak te stel vir wat hulle was/is. Dit moet momentum kry en behou, net soos die Afrikanerverraaiers.

Leave a Reply

More posts