Boer naby Harrismith vermoor

Spies het twee keer gaan ondersoek instel. Die tweede keer het sy vrou, wat in die huis gewag het, twee verdagtes buite in die erf gewaar. Sy het later skote gehoor. Skielik het haar man die huis binnegestap gekom, erg aan die bloei. Spies is noodlottig in die bors en linkerarm gewond en die ambulans wat 'n uur later opgedaag het, was te laat om sy lewe te red. Die plaaswag, polisie en bure het hulle na Spies se plaas, Gravellot, gehaas om te help.

'n Polisiehelikopter asook 'n privaathelikopter is intussen ingespan om die moordenaars te help soek. Die plaaswag het 'n motor met vier insittendes voorgekeer oppad na die plaas toe, maar drie van passasiers het uitgespring en in die bosse verdwyn. Een 27-jarige verdagte is gearresteer en sy voertuig gekonfiskeer. Hy sal later in die Harrismithse landdroshof verskyn.