Die kortlys sluit Boeing se F-18 E/F Super Hornet, Dassault se Rafale en Saab se Gripen NG in en minister van Verdediging, Nelson Jobim, sê hulle het die drie gekies omdat dit ingenieurswese van die hoogste sofistikasie verteenwoordig. Brasilië gaan 36 nuwe vegvliegtuie aankoop om hulle Mirages te vervang.
Brasilië wil ook strategiese vennootskappe sluit om hulle weermag uit te bou na 'n moderne mag en die besluit sal afhang van wie bereid is om deel te neem daaraan, het Roberto Mangabeira Unger, minister van Strategiese Sake, vroeër die maand aan AP gesê. "Ons is nie sommer net kopers of kliënte nie, maar vennote," het hy gesê. "Enige ooreenkoms moet 'n aansienlike hoeveelheid navorsing en ontwikkeling in Brasilië ook insluit."
Dassault Rafale B
Frankryk het ingestem om Brasilië te help om die Scorpene aanvalsduikboot wat tans dieselaangedrewe is, in Latyns-Amerika se eerste kernduikboot te omskep. In die tagtigerjare was Brasilië een van die wêreld se grootste wapenuitvoerders in die agtste plek, maar met die einde van die Koue oorlog het die aanvraag verdwyn.
In 1990 het die land se twee grootste wapenvervaardigers, Engesa en Avibras, beskerming teen krediteure gevra nadat hulle skuld tot ongeveer $200 miljoen opgehoop het.
Leave a Reply
You must be logged in to post a comment.