praag.co.za

Onregmatige staatsbesteding verdubbel

Written by

praag

in

,

Dit gaan moeilik wees om te verduidelik hoekom sommiges in Suid-Afrika uitmergelende begrotingsbesnoeiings in die gesig staar, terwyl die presidensie skaamteloos vir ‘n verdriedubbeling van hul eie begroting ruimte laat in die mediumtermynbestedingsraamwerk, van R366 miljoen tot R1 miljard in 2017.

Daarbenewens het staatsdepartemente se onregmatige besteding die afgelope geldjaar meer as R62 miljard beloop.

Die ouditeur-generaal Kimi Makwetu wat die ouditverslae in die parlement bekendgemaak het, sê onregmatige besteding het meer as verdubbel vanaf R26 miljard in die 2011-2012 boekjaar.

Makwetu sê die departement van Onderwys in Limpopo het vier persent van die R62,7 miljard in die water gesmyt. Dit is ‘n bedrag van R2,2 miljard wat vermors is.

Die ANC gaan ook nie terugdeins van die skep van 750 nuwe poste om hul netwerk uit te brei nie.

Dit is duidelik dat regering vrees kiesers sal in ‘n ekonomiese krisis, wanneer hardwerkende mense hul werk verloor, nie meer vir die regerende party wil stem nie.

Behalwe die presidensie se uitspattigheid, is daar geen maatreëls om ‘n groeiende burokrasie terug te snoei nie. Dit het daartoe gelei dat die regering se besteding tot ‘n ongelooflike 45,9% van die BBP toegeneem het.

In 2012 het Ghana se regering die besluit geneem het om die openbare sektor lone met sowat 20% te verhoog. Dit het die salarisrekening laat styg sowat 47%, volgens die Internasionale Monetêre Fonds.

Teen die middel van verlede jaar was Ghana in ‘n fiskale krisis gedompel, met ‘n tekort van 12% en die regering se skuld meer as 60% van die bruto binnelandse produk (BBP).

Nigeria sukkel met oliepryse wat bly daal. Buitelandse reserwes het ‘n maand gelede gedaal met sowat $600 miljoen en met $1 miljard in vergelyking met drie maande gelede.

Buitelandse reserwes is ‘n kosbare fiskale buffer in Nigerië, en tree as ‘n stabiliseringsmaatstaf vir die naira op.

Dit is die soort probleme waarop Suid-Afrika binnekort gaan afstuur te midde van ‘n moeilike ekonomiese wêreldklimaat.

Comments

12 responses to “Onregmatige staatsbesteding verdubbel”

  1. Rooikop Avatar
    Rooikop

    Erens in die toekoms – “Eish baas, des klaar” – die verskil is egter dat ek en jy verantwoordelik gehou gaan word vir hulle spandabelrigheid en onvermoë om die geld behoorlik te bestuur. Ons dink hulle haat ons nou – dan gaan jy sien hoe gaan hulle ons haat.
    Hoe gouer ons ons eie land kry waar ons eie belasting vir ons eie heil aangewend word hoe beter. Of die wêreld ons egter gaan toelaat is ‘n ander vraag. Die dae van wonderwerke is egter nog nie verby nie.

    1. jan Avatar
      jan

      Rooikop – ons het klaar ons eie klein staat ou Vriend. !!
      Orana ! 9000 hektaar en R500000 se kapitaal ontwikkeling..
      Selfbestuur vrede en veiligheid. 100% wettig!!
      Ontwikkelingsbanke met beste rentes die lot.
      ———-
      Die Sovjet unie was voor sy einde soos ‘n magtige leer wat nêrens besonder oppad is nie maar slegs voordurend besig was om hul eie ongevalle te versorg.. Putin het weer Chrstelike doelgerigtheid {Warren] vir Rusland gegee sedert 2000

      Intussen is RSA tipies die troetel apie van die Westerse Ateisme ‘n rampgedrewe lewe : van een f-op na die volgende f-op tot f-all….. !!
      ———
      Dink net as elkeen wat vir Afrikaner kinders ‘n tuiste wil skep sy spaargeld in Orania belê
      die ontsaglike potensiaal van doelgerigte selfbeskikking.

      1. Rooikop Avatar
        Rooikop

        Ek stem saam dat Orania die begin van iets groots is maar totdat dit nie TOTAAL onafhanklik van ZA is, maar selfs wanneer dit gebeur is Orania ongelukkig ‘n teiken – Orania is van water afhanklik wat deur ZA vloei en ons weet hoe ZA met als, veral water omgaan.

        1. jan Avatar
          jan

          Water is nie ‘n kwessie nie Rooikop – ons het die grootste rivier in die land. Daar is baie baie ander probleme.

          Maar wat ons het wat ander begeer is veiligheid en sekuriteit. Deure word nie gesluit nie geen diefwering.
          Ons het kapitaalgroei veiligheid in ‘n aandlele blok maatskappy. Beter as trusteiendom van meenthuis komplekse van elders.
          Ons het alles in plek vir hervestiging van Afrikaners wat belangstel in ‘n tuiste vir hul kinders.

          Ons is middel in die ekonomiese sentrum van SA sodat al die markte werksgeleenthede ewe naby is… terwyl ons families veilig woon.

          Kom kuier Rooikop en geniet die wonderlikste verrassing denkbaar.

          Dinge ontplof op Orania.

          1. Rooikop Avatar
            Rooikop

            Ek is baie opgewonde oor Orania – wys net wat ‘n paar boere kan doen. Die punt wat ek probeer maak is dat Orania ongelukkig baie kwesbaar is:

            Solank die kapitaal en grond binne ZA is, is dit nie veilig nie – dis spul maak ‘n wet en vat dit net weer als.

            Al is Orania buite ZA is water diee groot kwessie – die oorsprong van die rivier lê nie binne Orania nie. ZA besoedel die rivier of dam dit op dan is Orania geskroef. Alternatiewelik dam hulle die rivier op en laat als eensklaps vry wat Orania van die landkaart afwas. Of meer nog, die bestaande damme word nie onderhou nie en maak moeilikheid. Ek sien egter besoedeling as die grootste risiko, veral noudat die spul met skaliegas in die karoo wil speel.

          2. jan Avatar
            jan

            Oor die belangrike waterkwessie kan ek jou gerus inlig.
            Die benede Oranje is die rykste landbougebied in SA.
            Die water kom van die Lesotho hooglandskema af. Die Katse dam se wal is 180 meter hoog en voorsien skoon winter sneeuwater aan die die grootste stad in die wêreld wat nie by ‘n rivier gelee is nie. Johannesburg Metro.
            Dit gaan met 2 tonnels via ‘n ondergrondse kragstasie wat krag aan Lesotho verskaf. Katse loop omtrent gedurig oor. Die dam word in Johannesburg bedryf / bestuur. Ek het daar gewerk
            Die Verwoerd dam Gariep stabiliseer die vloede en wek krag op EN daarna die PK le Roux net bokant Orania.wat ‘n kanaal aan die noordekant het tot by Jakobsdal.
            Maar die beste grond is suid van die rivier. Nog ‘n dam is beplan by Douglas om die vloede te beheer en kragstasies.
            By Prieska is gevind dat antieke loop van die rivier deur die kloof tussen die twee Prieska koppies gegaan het en die hele Verneukpan oorstroom het en onderkant die Augrabies weer by die bestaande rivier aangesluit het.
            Dis glad nie onmoontlik om die loop van die rivier by Prieska weer oop te maak nie !!! Maar dis nie op die agenda nie.
            Die punt is dat Orania eintlik uiters beskermd gunstig gelee is vir water en gelee is aan die suidekant waar die beste landbougrond in die land is.
            Water is die laaste ding om oor te kommer En gelukkig is daar ook nie diamante en goud en sulke skatte wat skurke hondsegedagtes gee nie.

            Maar ek dink Orania is uiters geskik gelee vir ‘n korrelbed kernreaktor wat NIE van water gebruik maak nie maar van gas.!!!

            Dink net die potensiaal!!

          3. Rooikop Avatar
            Rooikop

            Johan daardie dinge is pragtig – die tegnologie is ongelooflik. My probleem is juis dat dit vanuit Johannesburg gereguleer en beheer word. Kom ons sê Orania word ‘n onafhanlike staat. Ter enige oomblik kan die ZA regering “malicious intent” ontwikkel en die water toevoer toedraai, of erger nog besoedel sodat die water onbruikbaar raak. Oor die lang termyn is so iets natuurlik moeilik maar dit is doenbaar. Verder weet ons wat die vlak van onderhoud van die land se infrastruktuur is. As dit sleg gaan met die onderhoud van die elektrisiteit is dieselfde nie ook waar vir die damme nie?

            Met swak onderhoud van die sluise en toerusting mag dit nie werk wanneer nodig in ‘n noodgeval nie, wat dan? Daar is vele damme in afrika wat lewensgevaarlik is a.g.v. krake ens wat vorm maar nooit aangespreek word nie. Is dieselfde nie aan die gebeur en/of moontlik vir ZA en Lesotho se infrastruktuur nie?

            Teen die vloede kan mens plan maak. Jy kan omlei kanale bou ens. maar grootskaalse besoedeling bevoeter tot jy ondergrondse water bronne.
            Ek gaan haal moontlik die bobbejaan agter die bult maar ek maak die aaname dat afrika verval, en as jy nie by die primêre bron van die water is nie, dan is jy altyd kwesbaar.

            Die korrelbed reaktor is ‘n goeie idee maar moet ook nie van Orania se son vermoë vergeet nie. Deur elke huis, elke gebou toe te rus met son toerusting kan mens ‘n network bou en met die regte berginstegnologie (bv waterstof brandstofselle) kan jy die energie met ‘n goeie rendement berg. Ja dit is nog duur maar die werk wat daarop gedoen word is ongelooflik. Ek lees die ander dag van koolstof nano-buise wat nou vir kapasitors gebruik word waarvan die energiedigtheid die van loodsuur battery ewenaar en binnekort kan oortref- dit leef nog net in die laborartorium maar hierdie dinge gaan ons nog binne ons leeftyd sien.

            Die een ding wat as ek die geld gehad het (kort so $2-3bn) in Orania sou opsit is ‘n halfgeleierfabriek. Hoë tegnologie wat maklik uitvoerbaar is en mens kan vinnig vinnig ‘n groot klomp mense in diens neem met so iets.

          4. jan Avatar
            jan

            OOR WATER stuur ‘n vriend my hierdie juweel wat ek ongelukkig sal moet plak:

            The U. S. S.. Constitution (Old Ironsides), as a combat vessel, carried
            48,600 gallons of fresh water for her crew of 475 officers and
            men. This was sufficient to last six months of sustained operations at sea.
            She carried no evaporators (i.e. fresh water distillers).
            However, let it be noted that according to her ship’s log,
            “On July 27, 1798, the U.S.S. Constitution sailed from Boston with a full complement of 475 officers and men, 48,600 gallons of fresh water,
            7,400 cannon shot,
            11,600 pounds of black powder and
            79,400 gallons of rum.”
            Her mission: “To destroy and harass English shipping.”

            Making Jamaica on 6 October, she took on
            826 pounds of flour and 68,300 gallons of rum.
            Then she headed for the Azores , arriving there 12 November..
            She provisioned with 550 pounds of beef and
            64,300 gallons of Portuguese wine.

            On 18 November, she set sail for England .
            In the ensuing days she defeated five British men-of-war ships,
            and captured and scuttled 12 English merchant ships,
            salvaging only the rum aboard each.

            By 26 January, her powder and shot were exhausted.
            Nevertheless, although unarmed she made a night raid up the Firth of Clyde in Scotland .
            Her landing party captured a whisky distillery and transferred
            40,000 gallons of single malt Scotch aboard by dawn.
            Then she headed home.
            The U. S. S. Constitution arrived in Boston on 20 February 1799,
            with no cannon shot,
            no food,
            no powder,
            no rum,
            no wine,
            no whisky,
            and 38,600 gallons of water.

            GO NAVY!

      2. Witbeer Avatar
        Witbeer

        Jan, ek en my familie is besig met die skuif, rekening klaar oopgemaak, ek moet my woorde sluk, ek het die eerste maal soontoe gegaan om te lag………….. ek het my woorde gesluk.
        ALLES WERK IN ORANIA………ALLES!!!!!!!!!
        Ons hard besig om na n plek te soek n het n paar gesien waarin ons belangstel.
        Met die internet en foefies is dit vir meer mense moontlik om daar vanaf die “huis” te werk. n Bankrekening oor die foon en internet oopgemaak in 15 minute, in my eie taal, deur mense wat WIL.
        n CVO skool wat werk en uitblink, kinders wat beleefd groet en lekker kaalvoet loop, sterre wat jy kan pluk uit die hemel uit, die eerste maal wat ons daar was het ons stadsjapies gedink dit is n ligvertoning, bokkies wat los op die lande loop, vir die wat lag en dink dit is verkramp….. gaan kyk eers, ek was een van hulle.

  2. Henrietta Avatar
    Henrietta

    En net vanaand oor KykNet se nuus word daar gesê hoe goed dit met die ekonomie gaan – – dis nou as mens net sover as jou tien vingers en tien tone kan tel!

    1. Rooikop Avatar
      Rooikop

      Hulle glo as hulle dit genoeg oorvertel dan gaan dit waar word. Propaganda so mooi uit die kommunistiese era.

  3. Andy Avatar
    Andy

    Hulle het nie die vaagste benul van wat ekonomiese bestuur van n land beteken nie.
    Ek stem saam met Rooikop, dat ons hoe gouer hoe beter op eie bene moet begin staan.
    Wat was die uiteinde van die vergadering wat gedurende Aug met die visie presedent plaasgevind het. Hoop iemand het eerstehandse insae daar.

Leave a Reply

More posts