praag.co.za

Skoonste hotelkamers is in Tokio, maar Londen is vuil!

Written by

praag

in

,

Die stereotipe dat Japannese baie skoon mense is, is gestand gedoen deur ‘n wêreldwye opname oor hotelkamers in groot stede. Tokio het die hoogste punt behaal met 8,93/10.

Ander stede wat hoë punte behaal het op die webblad hotel.info, is Warskou in Pole met ‘n gemiddelde punt van 8,76, ‘n kortkop voor ‘n ander Oosterse stad, Seoel in Suid-Korea. Bratislawa in Slowakye het ook baie goed gedoen op 8,54, gelykop met Sofia in Bulgarye.

Afrikaners se gereelde klagtes dat Wes-Europeërs nie danig skoon mense is nie, word bevestig deur die lae punte wat Wes-Europese hotelle aangeteken het: Londen, Engeland (7,52), Oslo, Noorweë (7,53), Amsterdam, Nederland (7,58) en Kopenhagen, Denemarke (7,60).

Die groot stad met die vuilste hotelle is egter Rio de Janeiro wat slegs 7,29/10 behaal het.

Die stad ter wêreld wat die meeste besoekers jaarliks lok, Parys in Frankryk, het net effens beter as die vuil man van Europa, Londen, gevaar met 7,63.

Hotel.info het die graderings van hotelle se netheid gegrond op inligting wat deur meer as 6 miljoen van sy gebruikers verskaf is.

Comments

One response to “Skoonste hotelkamers is in Tokio, maar Londen is vuil!”

  1. Rooikop Avatar
    Rooikop

    Europa se hotelle is peperduur – ek het in 2004/5 110 Euro per nag betaal (R880 op daardie starium) vir ‘n 3 ster hotel in Strassbourg wat se matte deurgeloop was en die beddens hol geslaap was. Die plek was egter silwerskoon. In daardie selfde tydperk was ek in Sjina en het daar het ek in ‘n 5 ster gebly (dit is al waar daar plek was) in uitmuntende kondisie vir 450RMB (Ongeveer R450) per nag.

    Ek wonder of die hotelle in Londen so vuil is omdat dit Suid-Afrikaners is wat daar skoonmaak – baie van ons jongmense gaan mos oor vir handearbeid daar maar is hier selfs te lui om hulle eie beddens op te maak.

Leave a Reply

More posts