Oproeriges steek munisipale voertuig aan die brand

‘n Groep woedende inwoners van Letlhabile van Brits in Noordwes het ‘n munisipale voertuig aan die brand gesteek, het RSG berig.

‘n Polisielid op die toneel sê die groep het probeer om munisipale grond te beset om hutte op te rig toe hulle die voertuig aan die brand gesteek het.

Niemand is beseer nie.

Die groep se leier, Lefa Mohkele sê die inwoners eis grond om hutte op te bou omdat die munisipaliteit nie by sy belofte gehou het om laekostehuise vir hulle te bou nie.