Google se ‘Street View’ word goedgekeur

Google het voet by stuk gehou en gesê hulle het te alle tye binne die wetgewing van die lande waar hulle die tegnologie aanwend gewerk. Die tipe kamaras was vir die eerste keer verlede week in die VK opgemerk.

'n Mediaverslag vanaf die kommisariaat meld dat Google genoeg doen om enige risikos te verminder soos byvoorbeeld die uitvee van motorregistrasienommers.

Google maak gebruik van tegnologie wat gesigte en motorregistrasies uitvee en onherkenbaar maak. Hulle het trouens die tegnologie op die strate van Parys getoets en dit is moeilik om mense te herken. Dit bied verder ook aan individue die geleentheid om hulle beeld te laat verwyder indien hulle voel hulle is herkenbaar.

Die foto's word ook nie onmiddellik op die internet gelaai nie en dit maak dit moontlik om die foto's na te gaan voor publikasie.

Google word egter nog in die VSA gedagvaar deur 'n paartjie nadat 'n foto van hul huis geneem is en hulle van mening wasdat dit inbreuk maak op hul privaatheid.