praag.co.za

Chevron se vliegtuigbrandstoftekort veroorsaak vertragings

Written by

Karin Roodt

in

,

Crude_OilVlugte van die Kaapstadse Internasionale Lughawe is Maandag vertraag as gevolg van ‘n tekort aan brandstof.

‘n Woordvoerder van ACSA, Deidre Davids, sê vlugte van Comair het vertragings ondervind nadat die brandstofverskaffer nie aan die vraag kon voldoen nie.

Vlugte by die Kaapstadse Internasionale Lughawe wat weens die brandstoftekort is, is lugrederye wat deel is van Comair, is Kulula en British Airways.

Die Lughawensmaatskappy van Suid-Afrika het die verskaffer van vliegtuigbrandstof, Chevron, gevra om sy gekontrakteerde brandstofverpligtinge aan lughawens na te kom.

“Ander vlugte het voortgegaan om normaal te funksioneer,” het Davids gesê. “Daar is nogtans kommer oor brandstof-uitdagings op ‘n raffinaderyvlak.”

Sy sê die rederye behoort ‘n minimum van minstens drie dae se brandstofvoorraad te handhaaf.

Dit is nie duidelik hoe lank die vlugte vertraag is nie.

Suzanne Pullinger, Chevron se woordvoerder was nie beskikbaar vir kommentaar nie.

Comments

7 responses to “Chevron se vliegtuigbrandstoftekort veroorsaak vertragings”

  1. Rooikop Avatar
    Rooikop

    Hierdie raak ‘n baie kritiese ding in ZA aan. Vir baie jare (Ek het in 94 vir SASOL gewerk) is al gesê dat ZA sy raffineringskapasiteit en stoorkapasiteit vir brandstof moet verhoog – destyds het SASOL gesê dit was nie vir hulle die moeit werd nie aangesien hulle meer geld gemaak het met die chemikalieë wat hulle vervaardig. Ek weet nie wat die huidige stand is nie maar ek weet nie van een groot raffinadery wat gebou is in die laaste 20 jaar nie. In elk geval nie in ZA nie. Dit sou dus logies sin maak dat daar ‘n kritiese onderkapasiteit hierin bestaan net soos in die kragvoorsiening.

    Ek het ook ‘n paar jaar gelede verneem dat die ander groot oliemaatskappye nie hier wil belê nie (dis nou om nog ‘n aanleg te bou) aangesien daar te veel “footijies” betaalbaar is om toestemming te kry. Te veel BEEs wat om die heuningpot wil draai vir die leeu se deel. Te veel politieke onsekerheid.

    Dit beteken ook ons moet finale produkte invoer teen hoër pryse as ruolie. Ons kan seker wees daar is brandstoftekorte in ons toekoms.

  2. gas Avatar
    gas

    Hulle wat weet of nie weet nie sê mos die Portugese Angelier-Rewolusie en die gevolglike onttrekkiing van Portugal uit Mosambiek maar besonderlik Angola het maar as uiteindelike doelwit gehad Chevron se oliebelange in Angola se Kabinda-enklawe. Maw, ou PW, Pik en Magnus – ek bedoel nie hulle het dit voorbedag gedoen nie, hoe sou hulle die skaakspel verstaan? – (met Henry Kissinger wat in hul nekke blaas), het eintlik maar SA troepe Angola ingestuur om Cevron (en Amerika se korporatiewe elite) se oliebelange in Kabinda te “stabiliseer” tydens die verloop van die rewolusie daar. En toe die transformasie in Angola wel “stabiliseer” word alles opgedoek en ou vrinne (Savimbi en Unita) word deur hul eie voormalige wapenbroer (‘n getaakte groep uit die ou SAW), uitgeknikker. Nou wonder mens maar hoe sou Chevron se olie skielik opgedroog het.

    1. Riempies Avatar
      Riempies

      Gas ek sal jou gelyk gee dat FW nie heeltemal alles geweet het nie – maar Pik Botha en Roelf Meyer het saam met Kissenger geknoei en presies geweet wat die planne is – hulle moes dit implimenteer deur ons weermag aan Mkontuwe Siswe te oorhandig – nog voor ons die eenkeer kon ja of nee stem.

      Die groot rede vir ons val was om hulle hande op die olie te kon lê sonder enige vorm van teenstand.

      Jy gee die swartes te veel krediet – hulle wat toe pionne van die geldmag en is dit vandag nog deur die bank.

      1. gas Avatar
        gas

        My “PW” vir “FW” aangesien, Riempies. Ek bedoel nie FW en sy kabouters nie. Dit was ‘n ander klompie kabouters wat saam met PW gewerk het. PW het wel die spel van die Amerikaners agtergekom, maar toe was dit te laat (sien sy Rubikon-toespraak). Maar dan kry weer ‘n teenstydigheid, PW wat in 1986 (sowat ‘n jaar na sy Rubikon-toespraak) ten aanhore van almal op die ou SAUK-TV-nuus in ‘n telefoongesprek met Reagan bieg dat Amerika sy leier is.
        Die gedagte agter my reaksie is dat jy altyd katvoet moet loop wat mynbou- en nywerheidsproduksie betref (of die gebrek daaraan) in tye soos hierdie. Die vraag is wat die eintlike rede is vir die brandstoftekort. Rooikop bied ‘n verklaring, maar hy hak dit aan ‘n meer algemene toestand. Wat spesdifiek gebeur by Chevron?
        Is nie so goed ingelig oor Chevron se bedrywighede destyds in Angola nie. Dit lyk of ‘n mens kan aanvaar die produksie het ongestoord voortgegaan, burgeroorlog of nie.
        Dis baie dieselfde situasie as tydens die Tweede Vryheidsoorlog en waarom daar so vele vrae geleef het in Boere-harte oor Louis Botha en of hy ‘n “verrader” was. Terwyl sy magte aan die oostelike grens ontplooi is het die steenkoolmyne voortgegaan met produksie. Die Witwatersrand se goudmyne het in die Tweede Vryheidsoorlog oor met mynboubedrywighede aangegaan.
        As ons ernstig beang stel in die land se politieke toestand hoort ons hierdie sake te oorweeg.
        Die oënskynlike rede vir die stakings in die platinummyne is is salariskwessies. Maar waarom is daar nie so ‘n ernstige stakingsprobleem in die goudmyne nie. Een van die verklarings wat verneem word is dat ‘n platinummyn vir ‘n onbepaalde tyd dormant kan wees sonder besonders groot insxette wat die hervatting van produksie betref. Wat die goudmyne betref is dit ‘n perd van ‘n ander kleur. Daar is baie ingewikkelder diepmynbouprosesse betrokke en jy kan nie net sommer vat en los nie.

        1. Rooikop Avatar
          Rooikop

          Gas – my persoonlike opinie vir die platinummyn stakings gaan oor die nasionalisering daarvan – lees eerder die plasing van die myne in die hande van die Sjinese. (Die volk glo mos die Sjinese gaan hulle van die blanke kom red – ha ha, hulle ken nie die kort nasie nie)

          Goud is kosbaar ja, maar platinum groep metale is baie meer strategies, gesien dat dit as katalis in menige chemiese reaksies optree – vir my as chemie-leek is dit amper soos ‘n towerstokkie om sekere reaksies te laat plaasvind. Enige iemand wat groot produksie wil pleeg sal graag sy hande daarop wil lê.

    2. Rooikop Avatar
      Rooikop

      Hier is jy reg – die olie in Angola is nog laaaank nie op nie. Ek was daar in Kabinda in 98 en daar was nog olie vir omtrent 40 jaar teen die tempo wat hulle ontgin het – ja die gasdrukke in die boorgate was besig om af te neem maar al wat dit doen is om die ontginning bietjie duurder te maak. Wat meer as ‘n skreiende skande was, was die fakkels wat vir meer as 20 jaar gebrand het – die gas wat die olie boontoe dra is net verbrand – bitter min daarvan is aangewend. DIT is vermorsing op sy beste,

      Die oorlog waar ons vir die VSA gehelp het was eintlik gou oor en ek het stories gehoor dat die oomblik toe die ontginningsooreenkoms tussen VSA en Angola onderteken was, het die VSA vir ZA se troepe wat toe net buite Luanda was gedreig met ‘n aanval vanaf ‘n vliegdekskip wat net buite die hawe gelê het – hoekom ons toe nog 20 jaar geld in hierdie oorlog gepomp het verstaan ek nie heeltemal nie.

      Hulle het egter vir Angola in oorlog gedompel gehou – op daardie manier kan hulle die hulpbronne daar uithaal sonder teenstand want die mense op die grond se koppe is besig met ander dinge.

  3. Willy Avatar
    Willy

    Klink soos by Wonderboom lughawe. Hier is dit die verskaffer wat die kontrak gekry het se powere bestuur.

Leave a Reply

More posts