praag.co.za

Hannes Engelbrecht aangewys as leier van Front Nasionaal

Written by

Dan Roodt

in

,
Embleem van die nuwe politieke party
Embleem van die nuwe politieke party

DUNNOTTAR – Die nuutverkose leier van Front Nasionaal, Hannes Engelbrecht, het in sy eerste openbare optrede Churchill se woorde aangehaal: “Ek is nie die leeu nie, maar die lot het op my geval om die leeu se brul te gee”. Hy is geen Moses wat as die groot Afrikaner- of Boereleier die volk uit die ellende kan lei nie, maar met ‘n sterk dagbestuur kan FN groei en uiting gee aan die mense se strewe.

Lede van die dagbestuur wat tydens ‘n vergadering op Dunnottar aan die Oos-Rand verkies is:

Leier: Hannes Engelbrecht
Onderleier: Dr Dan Roodt (met spesiale mag tot mediaskakeling)
Voorsitter: Gordon Fox
Sekretaris: David Spohr
Tesourier: Anell Fourie
Addisioneel: Jean Cilliers
Addisioneel: Berto Ramos (met spesiale mag tot regsverteenwoordiging)

Die volgende streeksleiers maak deel van die Hoofbestuur uit:

Vrystaat: Schalk van der Merwe
Noord-Kaap: Jannie Kuhn
Gauteng: Willie Cloete (oorkoepelend – Noord, Suid en Sentraal).
Gauteng-Suid: Hans Johansen
Gauteng-Noord: Trevor Stumpke

Hannes Engelbrecht
Hannes Engelbrecht

Engelbrecht het genoem dat veral die jongeres soveel ondervinding as moontlik moet opdoen sodat hulle oor twee of drie jaar die leisels kan oorneem, want dit is juis die jongeres wat ly onder regstellende aksie, kwotas en swart ekonomiese bemagtiging.

“Baie sal afhang van mense soos dr Dan Roodt om met mediaskakeling die party te bemark,” meen Engelbrecht.

Vroeër het die voorsitter, Gordon Fox, gese dat dit ‘n lang pad sal wees om selfbeskikking te verkry, maar dat dit iets is wat gedoen moet word, want die paadjie raak al styler in Suid Afrika.

Ná die vergadering het van die aanwesiges gekuier, is ruitplakkers uitgedeel en het verskeie boere en sakemanne van die omgewing lidmaatskapvorms ingevul.

Comments

32 responses to “Hannes Engelbrecht aangewys as leier van Front Nasionaal”

  1. Trippie Avatar
    Trippie

    BAIE GELUK Mnr Engelbrecht.

    Pragtige aanhaling ““Ek is nie die leeu nie, maar die lot het op my geval om die leeu se brul te gee”. Hy is geen Moses wat as die groot Afrikaner- of Boereleier die volk uit die ellende kan lei nie, maar met ‘n sterk dagbestuur kan FN groei en uiting gee aan die mense se strewe”

    Ek het darem nou al kennis gemaak met Dr Roodt, Willie Cloete, David Spohr en Schalk van der Merwe.

    1. Arnieann Avatar
      Arnieann

      Ek sien sy is êrens uitgeskop of verbied.
      Weet jy meer??

      1. Trippie Avatar
        Trippie

        Verwys na jou e-pos.

  2. Anon Avatar
    Anon

    Ek wil ook so aansoekvorm he!

  3. Willy Avatar
    Willy

    “Hy is geen Moses wat as die groot Afrikaner- of Boereleier die volk uit die ellende kan lei nie”, Dankie vir u eerlikheid mnr Engelbrecht. Ek sien hier is ‘n paar groot geeste in die dagbestuur. Het van ons einde ten laaste ‘n politieke tuiste gevind?
    Baie sterkte aan al die lede en in die besonder aan Dr Roodt, om die party te bemark

  4. Leana Avatar
    Leana

    Sal dit gepas wees om te se “Hef aan le voor”. Sterkte, daar is baie werk om te doen !

    1. Riempies Avatar
      Riempies

      Daarvan kan jy seker wees – al het ons nie verteenwoordiging in die Wes kaap nie gaan ek onder my adres in Noord Wes n posstem uitbring.

      1. phm6452 Avatar
        phm6452

        !!

  5. Götterdammerung Avatar
    Götterdammerung

    FN sal moet leer om hulle vergaderings beter te skeduleer. Kon weereens nie bywoon nie want ek was in die buiteland. Ai tog….

    1. ThysH Avatar
      ThysH

      En dit seklfs nadat jy hulle laat weet het dat jy oorsee gaan?!

      1. Götterdammerung Avatar
        Götterdammerung

        Nee Thys – ek het dit bedoel as tong in die kies

    2. Arnieann Avatar
      Arnieann

      Hierdie gerondritsery moet ent kry.
      Watter kleur was jou “Pilot” gewees.???

      1. Götterdammerung Avatar
        Götterdammerung

        Soontoe was ‘n Yank en ‘n Brit en terug was ‘n Brit en ‘n Boertjie

        1. Arnieann Avatar
          Arnieann

          Dankie tog !!!

          1. Götterdammerung Avatar
            Götterdammerung

            Arnieann ek vlieg nie Souf Efrican Aihways nie. Beide uit protes en goeie oordeel.

          2. Arnieann Avatar
            Arnieann

            Dit is wat ek wou hoor.

  6. Arnieann Avatar
    Arnieann

    En sommer met die intrapslag vererg ek my bloediglik.
    Geen verwysing na enige plek waar daar ‘n vorm is om te voltooi nie.
    Ek hoop nie daar gaan weer gesmeek moet word om te hoor hoe daar met wat gevorder word nie.
    En presies waarvoor alles staan hierdie nuwe party??? Of moet ons maar weer raai???
    Is ek gewoon weer oorhaastig, of het ek iets êrens gemis???
    Geluk met hierdie nuwe onderneming, en ook voorspoed vir die manne en vroue wat ‘n groot taak het.

    1. Leana Avatar
      Leana

      Mpumalanga is ook nerens genoem nie Arnie.
      Dan weer 139 partye waarvan 133 geregistreer is. Dis soos om die lotto te speel man !

      1. Arnieann Avatar
        Arnieann

        Ek het hierdie opgespoor Leana. Ek glo dat dit ook hier op Praag behoort.

        *********

        BELEID AANGENEEM 10 DESEMBER 2013:
        BELEID:

        FRONT NASIONAAL neem as amptelike partybeleid die resolusie aangeneem
        deur die Verenigde Nasies se algemene vergadering op 30 November 1970 en
        –
        1. aanvaar die legitimiteit van onderdrukte mense se reg tot
        selfbeskikking en om daardie reg na te jaag met enige middels tot hulle
        beskikking;
        2. erken die reg van onderdrukte mense om in die uitvoering van hulle
        reg tot selfbeskikking te vra vir morele en materiële ondersteuning in
        ooreenstemming met resolusies van die Verenigde Nasies en in die gees
        van die Handves van die Verenigde Nasies;
        3. doen ‘n beroep op alle
        regerings wat die reg tot selfbeskikking minag, om daardie reg te erken
        in ooreenstemming met internasionale strukture en die beginsels en gees
        van die VN Handves;
        4. erken dat die verkryging en onthouding van grondgebied vir selfbeskikking ‘n oortreding en minagting is van die Handves;
        5. veroordeel regerings wat die reg tot selfbeskikking weerhou van mense wat daartoe geregtig is.
        2. PROGRAM VAN BEGINSELS:
        1. Dat in ooreenstemming met Artikel 235 van die Suid Afrikaanse Grondwet ons die reg tot selfbeskikking opeis;

        2. Dat alle diskriminerende wetgewing en praktyke gerig op mense op
        grond van hulle ras, onwettig verklaar word, met spesiale verwysing na:
        2. Regstellende aksie
        2. Swart ekonomiese bemagtiging
        2. Kwotas in sport en onderwys
        2. Grondhervorming
        3. Dat die groep wat hulle reg tot selfbeskikking en uiteindelike onafhanklikheid opeis, as volg gedefinieër word:

        3.1 die etniese groep bekend onder die naam “Afrikaner” en/of “Boer” en
        alle persone van europese afkoms wat identifiseer met die groep;

        3.2 gebaseer op die westerse/europese lewensbeskouing en karakter wat
        betref taal, kultuur, gebruike en tradisies, godsdiens en geskiedenis;

        4. Dat meganismes geskep word waaronder die spesifieke groep in beheer
        geplaas word van hulle eie geskiedenis, taal, onderwys en kultuurlewe in
        ooreenstemming in in proporsie tot die hoeveelheid belasting wat betaal
        word deur die persone wat hulle met die spesifieke etniese groep
        identifiseer;
        5. Dat stappe geneem word om ‘n grondgebied/e te
        identifiseer binne die grense van die huidige Republiek van Suid Afrika
        in ooreenstemming met die geskiedenis, demografie en ander faktore; en
        dat volle onafhanklikheid toegestaan word nadat ‘n deeglike studie
        gedoen is oor grense.

        1. Leana Avatar
          Leana

          Baie dankie Arnie.

          1. Arnieann Avatar
            Arnieann

            ;>)

  7. Arnieann Avatar
    Arnieann

    Ek sit in spanning en wag op die VF+ se reaksie. Ek wed dat hierdie poging hulle gaan aanwakker om meer op die voorgrond te tree. Ek wil amper sê “Kaap”
    Ek het ook my oë droog gekyk of ek Jaap Kelder se naam êrens sien. Nog niks tot dusvêr nie. En dan wonder ek ook sommer net so terloops wat van Sunette geword het.

    1. Dieannerou Avatar
      Dieannerou

      Arnie kom ek gee jou my opinie ja die VF gaan dit probeer maar jy weet dit gaan vandag om brood en botter sake en dis waar veral blanke politieke partye uit die bus uitval. Jaap hou hom besig met sy NBU wat ook ‘n goeie ding is en Sunette is meer van ‘n aktivis as ‘n politikus.

      1. Arnieann Avatar
        Arnieann

        Tog nie Dieannerou. Jaap en ‘n hele span manne werk aan een of ander wet wat eers in plek moet kom voordat Selfbeskikkings aansprake gemaak kan word. Jaap stuur gereeld verslaë uit aan mense wat op sy poslys is. Ek is een van hulle.
        Sunette se volgende opmars is vir 21 Maart in plek. Een van die hoof temas is Selfbeskikking.
        Daarom my vraag, of verwondering of ons nie weereens met ‘n “nuwe” poging hier temake het nie. Die ander organisasies is so stil soos ‘n oorlogskip wat betref hulle vordering met selfbeskikking.

        1. Riempies Avatar
          Riempies

          Arnie ek gaan weer van die standpunt uit wanneer Jaap hulle
          die nuwe regsbeginsels geskryf t.o.v. ons selfbeskikking het – dat ons oor iemand in die regering moet beskik wat instaat is om ons saak daar te stel en oor te onderhandel.

          Ek het eintlik klaar gepraat oor die Mulders van die Vf+ wat
          nooit hulle kant gebring het nie – dit is algemene kennis. Waar dr. Dan is het ek vertroue dat ons saak goed gestel en beskerm sal word. Dr. Dan het reeds n hele klompie jare terug al die onderwerp van selfbeskikking vir ons redelik
          goed uiteengesit.

          Dr. Dan as u hier lees wil u nie vir ons die skakel van die
          artikel hier heelbo plaas nie asseblief ek het nie meer n idee selfs in watter jaar u dit geskryf het nie. Ek het dit baie insiggewend gevind.

          1. Arnieann Avatar
            Arnieann

            Dankie Riempies. En ja, Jaap Kelder en sy span regskenners is nie van gister af bedrywig nie.
            En jy sal ook weet dat ek nog nooit die VF+ met selfbeskikking vertrou het nie. Eintlik met niks nie.
            Hierdie nuwe Front Nasionaal is iets wat my verbeelding aangryp.
            As ek iets oor hulle lees wat belangrik is, en dit is nie ook op Praag nie, dan gaan ek waarskynlik elke reël breek wat kommentaar betref.

  8. Karel Combrinck Avatar
    Karel Combrinck

    Ek sien Dr Roodt is mediaskakel. Hoop hy skakel spoedig en dikwels met Praag sodat ons kan weet wat aangaan!

  9. ThysH Avatar
    ThysH

    Gaan kyk op Facebook Front Nasionaal

  10. Karel Combrinck Avatar
    Karel Combrinck

    Die mees konkrete aanduiding tot dusver van wat die nuwe party behels, is die beleidstuk en program van beginsels wat Arnieann onder aanhaal. Ons wens die nuwe party alle sukses en sterkte toe, maar voorlopig tog die volgende opmerkings:

    a) Swart bemagtinging, regstellendae aksie en selfs kwotas in sport, al is lg.
    miskien ongeskrewe, is die mode wêreldwyd. Ons sal beslis moeite hê om die wêreld te oortuig dat dit hier by ons anders werk. Maar ons moet natuurlik probeer. Hier is dit ten slotte die swartes wat die meerderheid uitmaak, HULLE wat regeer en HULLE wat diskrimineer. Hulle kan tog nie in der ewigheid teer op vermeende onregte van die verlede nie, hoewel dit natuurlik ook mode is.

    b) Selfbeskikking en uiteindelike onafhanklikheid moet die hoofteiken wees. Daarom is die laaste punt (no. 5) die belangrikste: Grondgebied moet geïdentifiseer word in ooreenstemming met die geskiedenis en ander demografiese faktore en volle onafhanklikheid toegestaan word na ‘n deeglike studie gedoen is oor grense. Ja, dis die ideaal, maar dis darem nou al baie jare, dekades selfs, wat ons dit sê en waar is die grense en die gebiede? Mens wil graag positief wees oor ‘n lofwaardige saak, maar dit word darem nou tyd dat ons iets sien wat na ‘n werkbare plan lyk.

  11. Gas Avatar
    Gas

    Pieter Mulder is te slymerig en papbroekig en Flip Buys is te dom. Die ghrieskuif en die liegbek een-oog FW handlanger is ‘n lagwekkender as ‘n sirkus. Dink jy mense gaan weer vir die uitverkopers stem? Die definisie van malheid is om ‘n ander uitkoms te verwag as jy dieselfde foute begaan. Nie een van die twee agterryers is opgewasse nie

  12. Rutger Avatar
    Rutger

    Behalwe dat Orania nie lewensvatbaar blyk te wees nie, want dis myle van enige mark en die ekonomiese nodus

  13. AntiLies Avatar
    AntiLies

    ek het hoop vir die raad want Dan Roodt is daarop.

Leave a Reply

More posts