Die Vryheidsfront Plus en die Inkatha Vryheidsparty het vandag 123 wysigings aan die Konsepwet op die Beskerming van Staatsinligting, in die parlement ter tafel gelê. Die konsepwet is deur die komitee na die Nasionale Vergadering verwys en kan nie na die komitee terugverwys word vir verdere bespreking nie tensy daar voorgestelde wysigings aan die konsepwet is.
Die IVP en die VF Plus is oortuig daarvan dat die debat oor die kontroversiële konsepwet alles behalwe gefinaliseer is en moet voortduur totdat ‘n nasionale konsensus bereik is.
Die IVP het ook die Speaker meegedeel dat die konsepwet buite orde is aangesien dit ook oor provinsiale argiewe handel wat ‘n kwessie is waaroor provinsies eksklusiewe wetgewende gesag het en wat beteken dat die konsepwet verkeerdelik geklassifiseer is en buite die wetgewende bevoegdheid van die parlement val.
Leave a Reply
You must be logged in to post a comment.