Nuus Archives - Page 1039 of 1583

SA moet kennis neem van nuwe Yslandse wetgewing

“Ons doen ‘n dringende beroep op die ANC om kennis te neem van die nuwe mediawetgewing in Ysland,” vra ds. Theunis Botha, leier van die Christen-Demokratiese Party (CDP) en waarnemende voorsitter van die Christen-Demokratiese alliansie.

“Ysland het die teenoorgestelde koers ingeslaan as wat die ANC nou in die parlement probeer inslaan. Deur die nuwe Yslandse wetgewing, wat deur die ModerneYslandse Media-inisiatief gedryf is, sal die bronne van ondersoekende joernaliste effektief beskerm word en skoon adminitrasie verseker word. Die media beskryf hierdie wetgewing as ‘n gids vir persvryheid.

“Selfs voor die jongste verwikkelings het Ysland reeds die 9de plek op Verslaggewers Sonder Grense se persvryheidsindeks beklee, en Suid-Afrika die 33ste – na lande soos Ghana en Mali.

“‘n Land se posisie op die persvryheidsindeks beïnvloed die land se posisie op die korrupsiepersepsie-indeks en beïnvloed so weer beleggersertroue.”

Bulgevegverbod beklemtoon Katalonië se eie identiteit

Die plaaslike parlement in Katalonië sal Woensdag stem oor die verbod op bulgevegte in dié noord-oostelike streek van Spanje.

Katalonië is die tuiste van Barcelona, Spanje se tweede grootste stad.

Die parlement stem oor dié kwessie nadat diereregte-aktiviste ‘n veldtog geloods het en 180 000 handtekeninge in Katalonië met ‘n petisie ingesamel het.

Daar is onlangs aangedui dat ‘n meerderheid van 135 wetgewers saamstem dat Katalonië se wet oor dierebeskerming verbeter word sodat bulle tydens die gevegte nie mishandel of doodgemaak word nie.

Indien dit goedgekeur word, sal Katalonië die eerste streek in die land, buite die Kanariese Eilande, word om bulgevegte te verbied.

Bulgevegte is in 1991 in die Kanariese Eilande onwettig verklaar.

Alhoewel die argumente wat die verbod ondersteun op dierebeskerming fokus, glo talle in die res van Spanje dat die behoefte om dit te verbied, verband hou met Katalonië se begeerte om hul eie identiteit te beklemtoon.

Werkloosheid styg

Die amptelike werkloosheidskoers het van 25,2% in die eerste kwartaal tot 25,3% in die tweede kwartaal gestyg met 61 000 werkgeleenthede wat verlore is.

Suid-Afrika het volgens Statistieke Suid-Afrika (SSA) se arbeidsmagpeiling altesaam 1,102 miljoen poste verloor sedert begin verlede jaar – 870 000 in 2009, ‘n bykomende 171 000 in die eerste kwartaal en die jongste 61 000 poste in die tweede kwartaal.

Die werklike werkloosheidskoers het in die tweede kwartaal egter gestyg van net onder 40% tot 41%, volgens die Buro vir Marknavorsing aan Unisa. Die Buro gebruik uitsetsyfers in die verskillende ekonomiese sektore om werkloosheid te meet.

Prof. Carel van Aardt, direkteur van die Buro sê die Amps-syfers (wat deur die advertensiebedryf vir bemarking gebruik word) wys dat die werkloosheidsyfer nóg hoër is, op 63%.

Veral werkloosheid onder jeugdiges het in dié kwartaal tot meer as 50% gestyg na 51,3% in die ouderdomsgroep 15 tot 24 jaar.

Alhoewel die formele sektor 129 000 poste verloor het , het die informele sektor 5,7% meer mense in diens geneem, wat 115 000 poste beteken.

Landbou het met 32 000 werkgeleenthede prysgegee en werkgeleenthede in privaathuishoudings het met 14 000 gedaal.

Van Aardt het aan Sake24 gesê die groei in die informele sektor is eintlik net mense wat ‘n ekonomiese aktiwiteit noodgedwonge moet aanpak om te probeer oorleef.

бра интернет

Fifa-amptenaar geskiet

Die hoof- finansiële amptenaar van Fifa se plaaslike komitee is buite sy huis in Sandton, Johannesburg, geskiet.

Farouk Seedat (52) is na ‘n hospitaal gehaas nadat hy rondom 22:00 Dinsdagaand by sy huis deur gewapende mans aangeval is.

Dit is nie bekend of enigiets tydens die aanval gesteel is nie maar Kym Cloete, polisiewoordvoerder, sê ‘n saak van poging tot moord en huisbraak is gemaak.

Volgens ‘n woordvoerder vir die hospitaal waar Seedat opgeneem is, verkeer hy in ‘n stabiele toestand.

Wit ANC-stryder sterf aan kanker

Cheryl Gillwald, ‘n getroue wit ANC-veteraan, is die naweek aan kanker dood, het die ANC se vroueliga (ANCWL) Dinsdag gesê.

Edna Molewa, ANCWL-woordvoerder, het Gillwald ” ‘n heldin van ons stryd vir vryheid” genoem.

Volgens Molewa was Gillward ‘n “dapper” vrou wat ‘n prominente rol in die vryheidstryd gespeel het.

Gillward, wat op die ouderdom van 53 dood is, was twaalf jaar lank ‘n parlementslid van 1994 tot 2006.

topcargo отзыв

UV-student sterf aan sianiedvergiftiging

‘n Student aan die Universiteit van die Vrystaat, Jaco Buys (23), is gister in een van die UV se laboratoriums dood aan sianiedvergiftiging.

Volgens die polisie is leë sianied-botteltjies is op Buys se lessenaar gevind, maar geen misdaad word vermoed nie.

Buys sou aan die einde van die jaar sy MA-graad in plantwetenskappe verwerf het.

Medestudente het gehoor Buys maak vreemde geluide en gesien skuim kom by sy mond uit. Hy is na die Medikliniek gehaas, maar is later die oggend dood verklaar.

Die polisie sal ‘n nadoodse ondersoek doen.

Swart seuns aangekla van seks met vermoordes se lyke

Twee swart tienerseuns, vriende van twee tienermeisies wie se lyke in Durban gevind is, het die meisies glo vermoor en daarna seks met hul gehad.

Sibusiso Khumalo en Mxolisi Ncoya het Maandag in die landroshof in Durban verskyn op twee aanklagtes van moord en twee aanklagte van verkragting.

Khumalo en Ncoya het glo vir Boniswa Zondo en Nombulelo Dlamini, albei 16, by ‘n kroeg uitgesleep, hul kele geskeur en toe met hulle seks gehad nadat die meisies reeds dood was.

Hulle het na bewering daarna die meisies in ‘n vlak graf in Durban begrawe. Twee mense het glo gesien hoe Khumalo en Ncoya dié toneel verlaat. Daar word gesê die mans het vermoed hul meisievriende het hulle met ander seuns verneuk.

Albei se aansoek om borgtog is afgekeur en die saak is tot 30 September vanjaar uitgestel.

игрушки купить киев

Volgende hoofstuk in Kebble-saak gehoor

Die verhoor van die veroordeelde dwelmsmokkelaar, Glen Agliotti, in verband met die moord op die mynmagnaat, Brett Kebble, sal vanoggend in die Suid-Gautengse Hooggeregshof in Johannesburg voortgaan.

Die Staat gaan sy volgende getuie, Stephen Mildenhall, roep.

Mildenhall het Woensdagoggend vanaf Engeland in die land aangekom om in die getuiebank te kom staan.

Gister het ‘n staatsgetuie en een van die sluipmoordenaars, Nigel McGurk, aan die hof vertel dat Agliotti die twee miljoen rand vir Kebble se gesteunde selfmoord verskaf het.

пескоструй купить в Фильчаков Харьков

Reitz-4 skuldig aan crimen injuria

Die vier studente van Reitzkamerwonings is Dinsdag skuldig bevind op ‘n aanklag van crimen injuria in die landdroshof in Bloemfontein.

Hooflanddros Mziwonke Hinxa, het die vier skuldig bevind nadat hul vroeër skuld beken het.

Die saak is deur die loop van die oggend effens vertraag en het eers om 14:00 amptelik begin.

Staatsaanklaer Johan Kruger het die pleitstuk asook die aanklag uitgelees.

Adv. Kemp J. Kemp SC, vir die studente, het gesê die vier het skuldig gepleit op die basis van sekere feite en omstandighede wat later in ‘n verklaring uiteengesit is.

Nadat die landdros die pleitstuk aanvaar het, het Kemp begin om die verklaring voor te lees. Daarna is ooreengestem dat die video in die hof vertoon sal word.

Hinxa het die saak uitgestel tot Woensdag 14:00 waartydens argumente vir vonnisoplegging aangehoor sal word.

Die vier het vyf swart werkers, vier vroue en een man, verneder deur hulle te laat deelneem aan ‘n ontgroeningseremonie in 2007 by die Reitz-koshuis aan die Universiteit van die Vrystaat.

Polisieman en medepligtiges vas vir moord

‘n Polisiekonstabel en twee ander staan tereg op aanklagte van moord nadat hulle glo ‘n 20-jarige man in Endlovini, Harare in die Wes-Kaap doodgeslaan het, het die onafhanklike klagtedirektoraat (ICD) Maandag gesê.

Die polisieman het glo na Asanda Dondolo se huis gegaan om hom in hegtenis te neem nadat hy glo Sondagoggend by die polisieman se motor ingebreek het, het Moses Dlamini, ICD-woordvoerder, gesê.

Volgens Dlamini het die polisieman glo ‘n vuurwapen op Dondolo gerig en sy hande geboei.

“Hy het hom daarna buite die huis geneem waar hy die slagoffer herdaaldelik met ‘n metaalstok en ‘n rottang aangeval het.”

Volgens Dlamini het die polisieman en twee van sy vriende later die man in Khali-straat, Harare aangeval.

Dondolo is na die polisiestasie geneem waar hy inmekaar gesak het.

Hy is deur paramedici op die toneel dood verklaar.

Die konstabel en sy twee vriende is in hegtenis geneem en van moord aangekla.

Hulle sal na verwagting Woensdag in die magistraatshof in Khayelitsha verskyn.

купить кухня киев