Category: Sokker

Oranje onoorwonne na tweede rondte

Nederland het reeds voor gisteraand se groepfase-wedstryd teen Kameroen na die volgende rondte deurgedring. Die span het egter steeds met genoeg ywer gespeel om Kameroen 2-1 te troef.

Vir die Nederlanders was dit goeie nuus dat Arjen Robben, hul beseerde ster, vir die eerste keer in die toernooi speelkans gekry het. Robben is laat in die tweede helfte opgestuur, en het sommer dadelik sy stempel afgedruk. Hy was ook instrumenteel in die aanteken van die wendoel.

Intussen hét Italië toe, soos verwag is, die kous oor die kop gekry en die toernooi word nou verder sonder die verdedigende kampioen gespeel. Italië se teenspoed volg kort op dié van Frankryk, die ander grote wat reeds uitgeknikker is. Vandag kan dieselfde lot Spanje te beurt val.

Die Italianers kan, soos die Franse, ‘n baie stief ontvangs tuis te wagte wees. In Italië is sokker gewilder as die pous, en sokkermal Italianers is bekend dat hulle erg emosioneel is oor dié spel.

Nog sokkernuus is dat Kaliforniese windtonneltoetse toe onomstootlik bewys het – die Jabulani se vlug is onvoorspelbaar. Hierdie bal is spesiaal vir die toernooi ontwerp, en het vanuit die staanspoor die argwaan van spelers en afrigters op die lyf geloop omdat dit by tye kompleet lyk of die tokkelossie met hom doenig is.

установка topcargo

25 June 2010
Oranje deur na tweede rondte

Die Nederlandse sokkerspan, bekend as Oranje, het die eerste span in vanjaar se wêreldbekertoernooi geword wat van ‘n plek in die tweede rondte verseker is.

Die Nederlanders het reeds twee van hul drie wedstryde suksesvol agter die blad na die toernooi se oorpresteerders, Japan, ook in die slag gebly het. Kameroen, saam met Denemarke in die poel, het by die Dene slae gekry en dit is nou reeds seker dat dié span die eerste rondte nie oorleef het nie.

Dit gaan nou keer kos om die Oranjegolf te keer. Fifa en die SA Polisie se optrede teen die oranjerokbrigade, saam met sokkerkoors, blaas die Oranje-sentimente sterk aan.

Intussen bly dit ‘n toernooi van volop verrassings, met sterk spanne wat sukkel om op dreef te kom en aspoestertjiespanne onder die knie te kry. Een van die spanne wat teleurstel is Frankryk, wat boonop nou deur onderlinge twiste en stryd geteister word. Frankryk se probleme is egter nie nuut nie, en hierdie finaliste van die vorige wêreldbeker sou nie eens in die toernooi gewees het, as dit nie vir die berugte handbal teen Ierland was nie.

Nou agterhaal dié sonde die Franse blykbaar. Die groter prentjie is dat verskeie van Algerië se spelers, wat in Frankryk gebore is en trouens vir die Franse Onder 21-span uitgedraf het, verkies om eerder vir die ongeroemde Algeryne te speel as vir Frankryk, wat as sokkerreus gereken word.

Dit beteken egter nie dat Bafana-ondersteuners op ‘n verassing in Bloemfontein moet reken nie. Bafana, om nog by die gleufie in die agterdeur deur te glip, moet die Franse met minstens drie doele klop om Uruguay of Meksiko in die stof te laat byt. En selfs al ransel die Bafana Frankryk so erg af, sal dit alles tevergeefs wees as die twee Suid-Amerikaanse spanne gelykop sou speel, en ‘n ligapunt elk sou insamel. In die Bafana-kamp broei dit na berig word ook.

‘n Interessante vraag ontstaan nou. Voor die toernooi is die enigste wit speler in die Bafana-groep, Matthew Booth, dikwels as woordvoerder en ambassadeur ingespan. Hy het egter nog nie die uitsoekgroep gehaal nie, en sy stem by nuuskonferensies het stil geword. Booth het egter in die oefeninge die entoesiasme self gebly, is topfiks, en nie ‘n tipiese prima donna wat besluit wanneer hy gaan sweet of nie.

Boonop is die spelers wat wél die span haal, oor die algemeen maar aan die kort kant, soos veral in die oefenwedstryd teen Colombia geblyk het. Dit benadeel die span se vermoë om van hoek-inskoppe die telbord met kopskote aan die gesels te hou. Booth, ‘n hemelbesem, kan uiters waardevol wees in ‘n wedstryd waar die Bafana baie doele moet aanteken, of selfs met ‘n oorwinning en al in die slag te bly.

Met die Afrika-karakter wat die organiseerders en die regering op die toernooi afdruk, is dit egter onseker of gewaag sal word om ‘n swart speler vir ‘n wit speler op te offer, veral na die eerstekeusedoelwagter Itumeleng Khune (swart) weens ‘n rooi kaart nie sal kan speel nie en deur ‘n bruin speler vervang gaan word.

Intussen berig Siya-nuus dat daar onmin in die Bafana-kamp is, en luidens dié berig steek daar waarheid in wat lankal vermoed word – dat afrigter Carlos Alberto Parreira sommige spelers as onaantasbaar beskou, en dat dit juis hulle is wat die span teen Meksiko in die steek gelaat het, en toe teen Uruguay nog erger verbrou het. Gerugte wil dit hê dat Parreira onder geweldige druk is om so veel as moontlik “etniese swart” spelers in te span, wat beteken dat Steven Pienaar nie behoorlik sy voete kan vind nie, en boonop uit sy gunstelingposisies ingespan word. Dit is egter ook moontlik dat hierdie storie sy oorsprong het in die berigte dat minister Makhenkesi Stofile en oud-minister Ngconde Balfour “oorvalle” sou kry as Makaya Ntini se plek in die Proteaspan in die gedrang sou kom, ongeag vorm.

лего

21 June 2010
‘Net ‘n tydelike terugslag vir Bafana’- minister

Die Bafana Bafana verkeer op die punt om geskiedenis te maak deur die eerste span van ‘n gasheerheerland te word wat in die eerste rondte van ‘n wêreldsokkertoernooi uitgeskakel word. Maar volgens die minister van sport, Makhenkise Stofile, is dit net ‘n “tydelike terugslag” en moet “Suid-Afrikaners” nie “opgee oor Bafana Bafana” nie.

Tydens die swart Suid-Afrikaanse span se verpletterende neerlaag van 3-0 teen Uruguay het die doelwagter Itumeleng Khune insgelyks die geskiedenisboeke herskryf deur slegs die tweede doelwagter ooit te word wat ‘n rooi kaart tydens die toernooi ontvang.

Met Meksiko en Uruguay wat teen mekaar speel in die laaste wedstryd in die huidige rondte, hoef enigeen van dié twee spanne net gelykop te speel om tot die sestiende finaal deur te dring. Suid-Afrika speel teen Frankryk, maar selfs ‘n wen deur enigeen van dié spanne sal nie genoeg wees om sy uitskakeling op dié vroeë stadium te verhoed nie.

Frankryk het ‘n besonder vrot vertoning teen Meksiko gelewer, wat die voormalige wêreldkampioen met 0-2 laat verloor het.

Die plaasvervanger Javier Hernandez, wat aanstaande seisoen vir die Britse Manchester United sal speel, het Meksiko in in die 64ste minuut laat voorloop met ‘n doelskop.

Agterna het die Franse speler Eric Abidal Dablo Barrera naby die doelhok gepootjie, waarna Cuahtemoc Blanco die strafskop sekuur in die hoek van die net ingeskop het om Meksiko te laat wen.

Sowel die ANC-bewind as die plaaslike reëlingskomitee het “Suid-Afrikaners” aangemoedig om die wêreldsokkerbeker aan te hou ondersteun al gaan die Bafana binnekort van die toneel verdwyn.

casino game Фильчаков прокурор

18 June 2010
Diego Forlán kelder ‘nasiebou’

Skitterende spel deur die doelskieter van Uruguay, Diego Forlán, het die Bafana Bafana met 3-0 laat verloor. Terwyl Suid-Afrika oor die afgelope maande getrakteer is op die onoorwinlikheid van die plaaslike sokkerspan en die regeringsgesinde media oor “nasiebou” gepopel het, het Uruguay finaal die Afrosentriese seepbel geprik.

Forlán, wat ook in Mei twee doele vir sy Spaanse klub, Atlético Madrid, aagenteken het om aan hulle die Europese beker te besorg, het die amateuragtige Bafana behoorlik geteister. Sy manjifieke eerste doelskop wat van 30m af in ‘n sierlike boog oor die Bafana se koppe geseil het, het die rustydtelling op 1-0 te staan gebring.

Die tweede helfte van die wedstryd is ontsier deur geniepsige en selfs vuil spel deur die swart Suid-Afrikaanse spelers wat telkemale hul opponente gepootjie het. Die doelwagter Khune is met ‘n rooi kaart afgestuur en deur Josephs vervang. Die uiteindelike strafskop is deur Diego Forlán waargeneem en dié is foutloos aan die bokant van die doelhok ingeskop om die Suid-Amerikaanse volk van vier miljoen se voorsprong tot 2-0 te vergroot.

Tydens beseringstyd het Forlán weereens ‘n hoekskop waargeneem en nogmaals oor die koppe van die swart Suid-Afrikaanse verdedigers geskop, waarna Suarès dit weer teruggeskop het om aan ‘n derde spanmaat, Pereira, die kans te bied om die doel te behaal.

Dit wil voorkom asof Bafana se gelyktelling teen Meksiko in die openingswedstryd ‘n gelukskoot was want teen Uruguay het dit nooit gelyk asof hulle in staat is om ‘n doel aan te teken nie.

Op Facebook het honderde Afrikaners openlik kant gekies vir Uruguay en die assosiasie van die Bafana met die gewelddadige en korrupte bestel in Suid-Afrika is geredelik deur die meeste deelnemers verwoord.

Wat ‘n triomf vir Afrosentriese “nasiebou” en swart rassenasionalisme moes wees, is deur ‘n blou-oogman met lang blonde hare uit ‘n klein Suid-Amerikaanse land die doodskoot toegedien.

т 25

16 June 2010
Oranje lyk goed

Afrikaners se gunstelingsokkerspan, wat in Nederland kortweg as “Oranje” bekendstaan, gaan vandag twee keer by Wits-universiteit in Johannesburg oefen. Die pers is vanaf 11.30 welkom, maar die aandsessie is geslote.

Gister het die Nederlandse span ‘n oorwinning van 2-0 teenoor Denemarke behaal. In die volgende wedstryd sal die span Saterdag teen Japan te staan kom.

Michel Vorm ontbreek tydens beide sessies. Hy vlieg na Nederland om sy seuntjie wat Sondag gebore is te sien. Die doelwagter van FC Utrecht voeg hom waarskynlik Donderdag weer by die spankeuse van Oranje.

Oranje het Maandag met 2-0 teen Denemarke geseëvier. Simon Poulsen het vlak na rustyd die bal verby sy eie doelwagter laat rol vir ‘n eie doel en Dirk Kuijt het in die slotfase toegeslaan. Japan het in die ander groepswedstryd met 1-0 oor Kameroen baas gespeel.

Die oorwinning oor die Dene het vir die Nederlandse elftal ‘n gunstige bykomstigheid. Deur die sege het Arjen Robben meer tyd om weer wedstrydfiks te raak.

“Dit is een mooie uitgangspositie om Robben rustig aan zijn terugkeer te laten werken en hem rustig te brengen”, lê die afrigter Bert van Marwijk in De Telegraaf uit.

Die afrigter het teenoor die koerant bevestig dat ook die goeie spel van Eljero Elia die druk om Robben vroegtydig in te bring, verlig het.

Die Nederlandse elftal tree komende Saterdag aan teen Japan. Die daaropvolgende Donderdag wag Kameroen as laaste teenstander in die groep. By ‘n goeie resultaat teen die Japanners lyk dit nie of Van Marwijk ‘n beroep op Robben sal hoef te doen voor de agtste finaal nie.

освещением лестницы

15 June 2010
BBC wil sokker sonder foefoezelas uitsaai

Die Britse uitsaaikorporasie, die BBC, ondersoek tans die moontlikheid om ‘n “foefoezelavrye” weergawe van sy sokkerwêreldbekerdekking uit te saai ná ‘n stortvloed klagtes van kykers oor die omstrede plastiekbeuls, berig ‘n koerant vandag.

Die Britse uitsaaier het 220 klagtes oor die lawaaierige eentonige trompette ontvang en na bewering kyk die organisasie na metodes om ‘n “skoon” toevoer te verskaf met die skare se lawaai wat uitgefiltreer is, sê die Londense Guardian.

Kykers van wedstryde wat deur die BBC uitgesaai word en wat deur die foefoezelas geïrriteer word, gaan die opsie hê om die skaregeluid af te skakel. Aldus die koerant.

Die nuus is bekendgemaak te midde van omstredenheid oor die plastiekbeuls, wat ook deur ander uitsaaiers en sekere spelers gekritiseer is.

Maar in weerwil van die aanhoudende omstredenheid rondom foefoezelas, raak hulle ook in Brittanje gewild. ‘n Groot aantal is in die aanloop tot Engeland se eerste wêreldbekerkragmeting Saterdag teen die Verenigde State verkoop.

Vlieg van die rakke af

Die Sainsbury-supermark het 22 000 foefoezelas binne 12 ure voor die wedstryd verkoop en die aanlynwinkel Amazon het gesê dat verkope met 1 000% gestyg het, berig die Guardian.

Spekulasie dat die beuls, waarvan die lawaai met ‘n perdebynes vergelyk is, by die toernooi verbied kan word, is Maandag deur die Fifa-president Sepp Blatter die nek ingeslaan toe hy dit as buite die kwessie beskryf het.

“Ek sien nie hoe mens die musiektradisies van sokkerondersteuners in hul eie land kan verbied nie. Sou u ‘n verbod op ondersteunertradisies in u land wou sien?” het Blatter op die mikrowoernaalblad Twitter geskryf.

“Ek het nog altyd gesê dat Afrika ‘n ander ritme, ‘n ander klank het.”

кухня ігри

15 June 2010
Swartmagvuis oor die kalbasstadion

Die openingseremonie van die wêreldsokkerbeker in Johannesburg het beklemtoon dat Suid-Afrika ‘n swart land met ‘n Afrikakultuur is. Op die televisie is ‘n gebalde swartmagvuis herhaaldelik getoon om die politieke boodskap van die wêreldbeker oor te dra, naamlik swart oorheersing.

Enige sprake dat die Westerse en Afrikanerkultuur ook bygedra het om Suid-Afrika te skep, was beperk tot die onsigbare wiskundige formules wat op die ingenieurs se rekenaars en tekenborde agtergebly het wat die kalbasstadion van Soccer City moontlik gemaak het.

Pryssangers en dansers in die Afrikastyl het ‘n pantomime uitgebeeld wat die glorie van die Afrikontinent besing het, asook die ses deelnemende Afrikalande: Nigerië, Suid-Afrika, Ivoorkus, Algerië, Kameroen en Ghana.

Reusevideobeelde van Nelson Mandela is ook by die stadion op die groot skerm vertoon om die sokkerwêreldbeker as die uiteindelike propaganda-oorwinning oor die Afrikaner in Suid-Afrika voor te stel.

Hugh Masekela en ander swart kunstenaars het om die beurt populêre liedjies gesing wat deur die dansers met ritmiese bewegings gevolg is. ‘n Reusekaart van Afrika en van die wêreld is ook deur die dansspan wat net hier en daar ‘n verlore blanke gesig bevat het, met stukke materiaal uitgebeeld.

wedding necklaces лобановский класс

11 June 2010
Op die oorkantste pawiljoen

Vanoggend, met iemand wat knaend ‘n fufuzela iewers in die omgewing blaas, aanhoudend en irriterend blaas, het ek al twee e-posse gekry waarin ek aangespreek word oor my negatiewe nuuskommentaar van vanoggend.

Ek moet my swaarmoedigheid los, en saam fees vier. Die land verdien dit, en so aan.

My gedagtes gaan terug na my kleintydse ervarings van atletiekbyeenkomste op Coetzenburg in Stellenbosch. Dicky Broberg, Danie Malan, Marcello Fiasconaro en Div Lampbrecht was almal manne wat skares getrek het.

Op die pawiljoen oorkant sit die bruin mense.

“Pa, hoekom bly sit hulle as ons die volkslied sing?” My hars bars amper uit my hempie soos dit van trots swel, en ek kiertsregop op aandag staan soos ons by die kadette en Voortrekkers geleer het.

In alle eerlikheid kan ek nie my pa se woorde onthou nie. Dit was iets soos hulle voel nie deel van Suid-Afrika nie, hulle het nie stemreg nie.

Van toe af het ek min of meer vrede daarmee, ook as dié manne amper uit Nuweland se suidpawiljoen geval het as besoekende spanne soos die All Blacks agter die doellyn gaan kuier. Was dit “Province” wat teen ‘n oorsese span op die veld is, was die lojaliteit meer verdeeld.

Toe kom die nuwe Suid-Afrika en ‘n bekende minister bly ‘n All Black-ondersteuner. Tot onlangs, minstens. Al lewer daai einste land van die silwer varing Maori-spanne op wat nie in Suid-Afrika welkom is nie omdat dit rassaamgestelde spanne is.

Toe kom speel ‘n Taiwanese span hier vlugbal, en die plaaslike toeskouers, bykans almal van Chinese herkoms, juig die besoekers toe. Dis volledig hul span. Niemand sê hulle is dislojaal.

Toe kom die krieketspanne van “die subkontinent” hier aan, en op velde soos dié van Durban, Johannesburg en selfs Pretoria klink dit kompleet of hulle voor ‘n tuiskare speel. Niemand sê hulle is dislojale Suid-Afrikaners nie.

Toe kom die Indiese president die parlement besoek, en die destydse speaker, Frene Ginwala loop byna bo-op die president soos sy as sy lofpryser optree.

Maar niemand sê sy is ‘n dislojale Suid-Afrikaner nie.

Intussen het twee van my familie in afsonderlike plaasaanvalle deurgeloop. Oom Wimmie is met ‘n mes gesteek, en lê die hele nag met doringdraad vasgebind voor hy die volgende oggend loskom, en omdat sy bakkie gesteel is, hy met ‘n trekker moet gaan hulp soek.

Oom Wimmie was daarna nie weer dieselfde nie.

Vandag sit hy in ‘n versorgingsoord na ‘n beroerte en wil met alle geweld terug plaas toe.

Of die buurseun met die hartletsel – wat klein grootgeword het. Toe gaan boer hy, en hy en sy swaer word met masjiengewere afgemaai – asof daai klein deurboorde lyfie enige noemenswaardige weerstand sou kon bied.

Die een sokkerstadion word vernoem na Peter Mokaba, die man wat “Kill the Boer, Kill the farmer” bekend gemaak het. Iets wat eers na ‘n appèl tot haatspraak verklaar is. Toe sit Julius Malema vers twee in met “Skiet die Boere” en die regering skop vas, gaan appelleer teen ‘n bevinding dat dit haatspraak is.

My oudste maak DV vanjaar klaar met sy landboustudies. Heel moontlik is hy oor net meer as ‘n halfjaar ook op ‘n plaas. Op ‘n plaas in ‘n land waar die regering dink ‘n mens is “onopgevoed” om ongelukkig te wees oor “Skiet die Boer” gesing word.

‘n Paar jaar gelede werk ek as vrywilliger by die Krieketwêreldbeker. Ek kom ontnugter daar uit oor alles wat verkeerd gegaan en as “sukses” beskryf is.

Miskien gaan dit nou beter, maar vanoggend voel dit al so half of die wind nog Wes waai.

Vandag, terwyl ‘n *&^%sem iewers hier in die omgewing elke nou en dan op sy fufuzela blaas, voel ek al te veel of ek op daai oorkantste pawiljoen sit. En hoe meer ek aangespreek word oor ek nie die euforie deel nie, hoe meer voel ek soos die mense op die oorkantste pawiljoen wanneer dit Volkslied-tyd is.

Ja, ek doen ook sokkerberiggewing vir ‘n Engelstalige publikasie. Om den brode want ‘n dikbek en sy gesin moet ook eet. Van iewers moet ‘n man die euforie aangeskakel kry. Afrikaanstalige publikasies is maar taai in die bek om iemand wat vroeg in die nuwe SA “oorbodig” geraak het ‘n tweede kans te gee.

“Ons almal hier in die (media-)kantoor) deel in die euforie,” lui die een e-pos waarin ek aangespreek word.

Ek voel lus en antwoord met: “Ja, maar hulle het nog nie die valbyl beleef – om in ‘n pos te sit wat vir ‘n maatjie geoormerk is nie. Weliswaar ‘n blanke, Afrikaansprekende man wat van klerk in die voetuigpoel tot adjunkdirekteur ekonomiese ontwikkeling “bevorder” is en later ANC-parlementsil geword het. En soos mens aan die Vrystaat se ekonomie kan agterkom het hy ‘n reuse sukses daarvan gemaak.

Dieselfde een wat my so aanspreek het al tevore by my gekla oor ‘n klomp ervare manlike (wit) joernaliste wat by verskillende media moes die pad vat.

Maar die mense wat al sedert hul aankoms in die land besteel en beroof is? Sommiges al meer as een keer. Voel hulle nie maar ‘n bietjie soos Volksblad se spotprent vandag nie?: “Steal it, it is here.”

Los my vandag op die oorkantste pawiljoen. Môre voel ek dalk anders, as ek die euforie weer moet aanskakel om oor die Bafana se eerste wedstryd verslag te doen. In Engels.сауна оборудование

11 June 2010
Lang foefoezelas kry Fifa-teenspoed

Foefoezelas, “de beruchte blaastoeter” is by Fifa se “voetbaltempels” verbied, lui ‘n berig in Trouw. Is die raserige stoornisse egter minder as ‘n meter lank, kan hulle ingeneem word. Trouw het gereageer op ‘n lys van verbode voorwerpe wat Fifa gepubliseer het.

Die langer weergawe is saam met vuurwapens, diere, motorfietshelms, “koedoezelas” (blaashorings van dierehorings), en T-hemde met rassistiese bewoordings mag nie die stadions ingeneem word nie.

10 June 2010
Sokker-idille aan skerwe

Die idilliese “suksesvolle-sokkerwêreldbeker-in-Afrika”-beeld wat die ANC-bewind, FIFA en die hoofstroommedia oor maande geskep het, is geprik met die nuus dat Portugese joernaliste by Hekpoort, wes van Johannesburg, gister in die vroeë oggendure onder ‘n gewapende roof deurgeloop het.

Boonop wil dit voorkom asof die rowers oor binne-inligting van hetsy die personeel van die Nutbush Boma-natuuroord, hetsy die polisie beskik het, want die rowers het presies geweet in watter kamer die meeste kamera- en rekenaartoerusting teenwoordig was. ‘n Beangste Portugese kameraman, mnr. Antonio Simoes, het – nadat hy vieruur die oggend deur geluide in sy kamer wakker gemaak is – ‘n pistool teen die kop ontvang met die woorde: “Kruip onder die komberse weg tensy jy wil hê ons moet jou doodskiet”. Die arme man het eers anderhalfuur later dit gewaag om sy kop onder die komberse uit te steek, lank ná sy aanvallers reeds met hul honderdduisende rande se TV-kameras, lense en skootrekenaars weggekom het.

“Dit lyk so rustig hier,” het een van die taamlik bedeesde Portugese gister aan my gesê, ná sy voorsmaak van inheemse, trots-Suid-Afrikaanse geweldsmisdaad en anargie.

En hy is reg: as ‘n mens teen laatmiddag, met die son wat agter die Magaliesberge neerdaal oor die Pierneefagtige landskap kyk, dan lyk dit “rustig”. Dis net die tweebeenfauna wat nie so rustig is nie en die arme besoekers vir die gekke aansien wat hulle is.

Terwyl die bestuur van Nutbush Boma trots is op hul “streng sekuriteit”, het ek en die Praag-kameraman geredelik tot in die eetsaal waar ‘n tiental Portugese mediamense werksaam was, gestap sonder dat ons een keer voorgekeer of om identiteit gevra is. Nutbush Boma is nie Zurich-lughawe waar jy omtrent moet uittrek en alles tot by jou naels ge-X-straal word voordat jy deurgelaat word nie. Ek het ‘n rugsakkie gedra wat ‘n hele paar handgranate, ‘n opvoubare masjiengeweer of enkele pistole met honderde rondtes kon bevat het. Nogtans het die drie gesette ousies in polisieuniforms by die deur vriendelik vir my geglimlag toe ons daar verbygeslenter het.

Of moontlik was die uitgevrete handhawers van wet en orde maar net skielik vriendelik nadat hulle blykbaar vroeër die dag ‘n joernalis van The Times, Charl du Plessis, ‘n uur lank vir ondervraging aangehou en die name van polisie-offisiere wat hy in sy notaboek neergeskryf het, doodgekrap is.

Volgens mnr. Reno Mauricio van die Suid-Afrikaanse Lugdiens se kantoor in Lissabon, wat ‘n wakende ogie oor die Portugese mediaspan hou, het die polisie “binne tien of vyftien minute opgedaag” nadat Simoes van die skok herstel en alarm gemaak het, ‘n uiters snelle reaksie, gegewe die gewone gebrek aan dringendheid waarmee die SAPD gewoonlik noodoproepe van die publiek hanteer.

“Was dit ‘n swart span, ‘n wit span of ‘n gemengde span?” het ek aan mnr. Mauricio gevra. “Nee, nee, ‘n gemengde span, swart en wit,” het hy geantwoord.

Anders as by gewone burgers wat sulke insidente aanmeld, het die polisie selfs ‘n forensiese span uitgestuur wat vingerafdrukke kom neem het. ‘n Berader is tot vir mnr. Simoes beskikbaar gestel om hom oor sy eeste kennismaking met die plaaslike kultuur en goeie maniere te help.

Nog twee kamers by die natuuroord is deur die rowers “gediens” met selfone en beursies wat vermis word, maar die slapende joernaliste het nie wakker geword nie. Volgens die verteenwoordiger van Reuters Portugal, mnr. Shrikesh Laxmidas, moes daar ‘n hele aantal rowers gewees het, want “dit was ‘n groot hoeveelheid toerusting wat hulle moes wegdra” en waarskynlik het iemand nog by hul voertuig ook gewag.

“Hoe word Suid-Afrika in Portugal gesien, met betrekking tot geweldsmisdaad?” vra ek aan die rysige mnr. Mauricio.

“Mense in Portugal dink Suid-Afrika is ‘n gevaarlike land. ‘n Gevaarlike land,” antwoord hy. Skielik bedink hy homself egter, want dit klink seker nie polities korrek te midde van die euforie oor “ons suksesvolle toernooi in Afrika” nie en voeg by: “Maar dit kan in enige land gebeur… dis misdaad, dit gebeur orals.”

“Maar in Suid-Afrika het ons vyftig moorde per dag, dis veel hoër as in enige land ter wêreld,” sê ek.

“Ja,” gee hy toe. “Dis baie hoog. Ek weet nie waarom dit so is nie.”

Volgens hom gaan die publisiteit in Portugal oor die rooftog wel ‘n negatiewe invloed op toekomstige toerisme na Suid-Afrika hê.

“Komende ná die moord op Terre’Blanche, is dit nie ‘n goeie ding nie,” sê hy.

Ons vra hom wat hy dink van Malema se vryheidsliedjies en “Skiet die Boere”.

“Dis baie sleg, want julle het nêrens om heen terug te keer nie. Die Nederlanders sal julle nie vat nie, die Britte ook nie. Portugal is ‘n land wat by Afrika betrokke is. Ons was die eerste Europeërs op die vasteland en die laastes om te vertrek…” antwoord hy.

“Nee, ons is die laastes om te vertrek,” korrigeer ek hom. “Daar is reeds ‘n miljoen van ons mense landuit om weg te kom van ‘Skiet die Boer’ en insidente soos dié.”

Hy stem saam met my: ons Afrikaners is die laastes om vanuit Afrika te vertrek, al het ons geen land om heen terug te keer nie.

My kameraman vra vir mnr. Mauricio: “Weet u dat Nelson Mandela ook liedjies in 1992 gesing het waarin hy ‘n oproep doen dat alle blankes doodgemaak moet word? Die BBC het dit opgeneem en dis op YouTube te siene. Gaan net op YouTube en tik in die soekblokkie: ‘Mandela killing whites’.”

Hy dink ‘n paar oomblikke na en sê dan huiwerig: “Ek sou sê: Ons maak almal foute.” Maar hy lyk ongemaklik. Dis darem Mandela waarvan hy nou praat.

In die eetkamer van die Nutbush Boma gesels ons verder met die Reuters-man, mnr. Shrikesh Laxmidas.

“Die rowers het reguit na die man met die meeste toerusting gegaan,” sê hy. “Ek dink dit was beplan; dis geen opportunistiese rooftog nie.”

Daar was twee mans in Simoes se kamer toe hy wakkerskrik, dus moes daar ten minste drie of vier rowers gewees het, vanweë die hoeveelheid toerusting wat hulle moes wegdra.

Hoe voel hy wat Laxmidas is ná so ‘n voorval? “Ek was geskok en verras. Ek het heel dag senuagtig gevoel. Ons wag nou om te hoor wat gaan gebeur. Dis nie seker of ons by hierdie plek gaan bly nie.”

Toe vertel hy egter ‘n paar interessante dinge. Die vorige “hooflyfwag van Nelson Mandela” se veiligheidsmaatskappy is blykbaar deur Reuters gekontrakteer om al hul buitelandse joernaliste te beskerm.

Van die joernaliste is voorsien van GPS- en satellietnavigasietoestelle wat geprogrammeer is om “gevaarlike buurte te vermy”. Daar is ook Blackberries met noodknoppies wat gedruk kan word, waarna hulp glo opdaag.

Ná die voorval by Nutbush Boma gaan Reuters blykbaar hul veiligheidsmaatreëls “opskerp”, ook elders in die land.

топкарго

10 June 2010
Stem in ons peiling: Moet Bafana wen of verloor?

Ons vra die vraag aan ons lesers: “Moet Bafana wen of verloor?” Stem onder regs op die voorblad of enige ander bladsy van praag.co.za.

play live casino online Александр Фильчаков

10 June 2010
FIFA lag stormloop af

FIFA is glad nie bekommerd dat ‘n herhaling van gister se stormloop deur ‘n skare swartes tydens ‘n opwarmingswedstryd tussen Nigerië en Noord-Korea by die Makhulongstadion naby Johannesburg mag plaasvind nie. Vyftien mense is in die stormloop beseer.

Die wedstryd is vir omtrent vyf minute vroeg in die tweede helfte onderbreek weens “die beserings en veiligheid van die toeskouers op die oorbevolkte hoofstadion” waar die heining verwyder is.

Volgens FIFA het die organisasie niks met die kaartjieverkope vir die wedstryd te doen gehad nie.

“FIFA wil beklemtoon dat hierdie vriendskaplike wedstryd geen verwantskap hoegenaamd het met die operasionele organisasie van die 2010-wêreldbeker, waaroor ons vol vertroue is, nie,” het die organisasie se verklaring gelui.

‘n Woordvoerder vir die polisie Eugene Opperman het gesê 14 mense het geringe beserings opgedoen en ‘n polisieman is ernstig beseer.

Hy meen die stormloop het begin toe te veel toeskouers gepoog het om gratis kaartjies vir die wedstryd by die stadion se ingang te bekom.

Honderde Nigeriese sokkergeesdriftiges het die hek bo-op die polisieman omgestoot in hul pogings om by die stadion, wat sitplekke vir 10 000 mense bevat. in te kom.

Vervalste kaartjies

“Die polisieman is deur die hekke vergruis soos wat mense gestorm het om in te kom,” het nog ‘n polisiebeampte op die toneel aan die Reuters-nuusagentskap gesê.

Onder die beseerdes is twee kinders, volgens ‘n getuie.

Ongeveer 500 toeskouers het in gebied rondom die stadion agtergebly vir geruime tyd nadat die stormloop “vreedsaam geëindig het”. Aan die binnekant van die stadion was daar steeds vele leë sitplekke aangesien nie alle kaartjies verkoop is nie.

“Niemand kan hiervoor geblameer word nie. Ons het geen keuse van ‘n groter stadion gehad nie,” het ‘n lid van die Negeriese Sokkderfederasie, Taiwo Ogunjobi, gesê.

“Ons is net dankbaar dat niemand dood is nie. Die kaartjies was gratis en te veel mense het probeer inkom.” Die stadion in ‘n swart woonbuurt sal nie enige wêreldbekerwedstryde aanbied nie.

Tot dusver is daar geen nuus oor die toestand van die beseerde polisieman nie.

бачок расширительный

7 June 2010
Bees in Soccer City geslag om WB te seën

‘n Bees is Dinsdag by die Soccer City-stadion geslag om die land se stadions vir die die 2010 Wêreldbeker-sokkertoernooi te seën.

Zakhele Sigcawu (70), ‘n Xhoza-krygsman van die Tshawe-stam het die bees geslag deur ‘n spies in die nek tussen die horings te gooi.

“Hy is ‘n spesialis hiermee,” het Zolani Mkiva, hoof- uitvoerende beampte van die Xhosa-koninklike raad gesê. “Hy het al die pad van die Oos-Kaap gekom.”

Die seremonie wat met die slagtingsprosedure afgeskop het, is deur 2000 mense van verskeie kulture, geklee in tradisionele drag, bygewoon.

Mkhiva het gesê die stadion is deur sowat 300 sangomas geseën, insluitend ‘n wit sangoma en tradisionele geneeshere.

Terwyl die tradisionele krui, impepho gebrand het, het tradisonele geneeshere ‘n beroep op die voorvaders van Afrika gedoen om ‘n suksesvolle Wêreldbeker te verseker.

“Ons het die seremonie hier gedoen omdat die toernooi hier begin en eindig.”

In die Afrika-kultuur word dié stadion, waar die slagting plaasvind, gesien as ‘n huis en verteenwoordig ‘n kraal.

“Na dié prosedure loop die senior toordokters in die stadion in en seën die binnekant van die stadions met rituele,” het Mkhiva gesê.

“Ons stadions is nou amptelik geseën volgens ons kultuur.”

Die seremonie het die seëninge van alles wat met die toernooi te doen het, ingesluit.

линейный светильник

26 May 2010
Sokkerkaartjies verkoop nie

Minder as 100 000 kaartjies is aan aanhangers van die ses Afrika-lande wat aan die 2010 Wêreldbeker-sokkertoernooi gaan deelneem, verkoop, het die uitvoerende hoof van die plaaslike reëlingskomitee, Danny Jordaan, Dinsdag gesê.

Jordaan is ook bekommerd omdat min plaaslike aanhangers kaartjies vir Bafana Bafana se Groep A-wedstryde koop.

“Dit sal die eerste keer in Wêreldbekergeskiedenis wees wat die gasheerland nie bo aan die lys van kaartjieverkope is nie,” het hy by ‘n persverklaring in Johannesburg gesê.

“Ongelukkig is Bafana nie eers in die top 10 nie. Engeland sal in hierdie stadium meer ondersteuners by hul land se wedstryde hê as wat by Bafana-wedstryde sal wees.”

“Dit sal hartseer wees as hierdie verskynsel voortduur en ek versoek plaaslike ondersteuners om hulle land te kom ondersteun.”

Bafana gaan die toernooi by Soccer City op 11 Junie teen Meksiko afskop.

13 January 2010