Dan Roodt, Author at praag.co.za

SA-Infanterieskool heet Kremlin

Daar kan nie meer enige twyfel wees oor die ANC se gehegtheid aan hulle geskiedenis nie.

“Deur die hoofkwartier by die Infanterieskool se naam ‘The Kremlin’ te noem, word die weermag verpolitiseer en moet dadelik verwyder word. Daar is nie plek vir politiek in die weermag nie en die verslag van die Interim Nasionale Weermag Dienstekommissie het verpolitisering van die weermag as een van die kritieke probleme in die Suid-Afrikaanse Nasionale Weermag uitgewys,” sê mnr. Pieter Groenewald (LP), hoofwoordvoerder van Verdediging vir die Vryheidsfront Plus.

“Om die eenheid se konferensiekamer die ‘Sentrale Komitee’ te noem getuig van ‘n gesagsprobleem. Dit wil voorkom asof senior offisiere hulself as opperbevelhebbers beskou om sodoende gesag af te dwing. Dit is dan ook geen wonder dat daar reeds drie soldate gesterf het in die eenheid nie. Ek sal die saak direk met die minister opneem, asook in die parlement,” het Groenewald gesê.

Nie alleen die Infanterieskool het probleme nie, maar die veterane wat tydens die ANC se eeufeesvieringe in Bloemfontein deelgeneem het, het ook ou terroriste-uniforms gedra, terwyl van hulle dienende soldate is.

Фільчаков прокурор

PRAAG loods petisie vir Afrikaanse skole in Gauteng

Praag het enkele dae gelede ‘n petisie ten gunste van die behoud van Afrikaanse skole in Gauteng geloods. Die petisie is op Dr. Dan Roodt se persoonlike woernaal te vinde:

Petisie

Die petisie neem bloot sekondes om in te vul en slegs die naam, van en e-pos van ondertekenaars word vereis.

Hy sal dit aan me. Barbary Greecy, LUR vir onderwys in Gauteng oorhandig en dit baie duidelik aan haar maak dat verdere aanvalle of ondermyning van Afrikaanse skole nie geduld sal word nie.

“Die ANC in die provinsie is besig om etniese en taalspanning verder op te jaag. Die vertrapping van Afrikaanse taal- en menseregte is eenvoudig verregaande,” het hy gesê.

PRAAG beplan ook om hierdie skending van regte onder die aandag van die EU, die VSA en die Verenigde Nasies te bring.

Данильченко Харьков

Zuma, VSA se bondgenoot in Afrika?

Daar was dié week weer ‘n vrag vol mooiklinkende beloftes: Afrika-ontwikkeling, integrasie, veiligheid en volhoubaarheid om swaargewig Nskosazana Dlamini-Zuma se kandidatuur as hoof van die Afrika-Unie se Kommissie ‘n hupstoot te gee.

Suid-Afrika se ambisieuse plan om Afrika se toekoms te bepaal, is Woensdagmiddag onthul in ‘n konferensiekamer van die Bela Bela-munisipaliteit waar vyf topkabinetsministers sowel as ‘n adjunkminister die media toegespreek het.

Dit was nie ‘n gewone perskonferensienie nie, want die wedloop tussen die VSA en China in Afrika tel stoom op en dis baantjies vir boeties, of liewer, sussies. Dlamini-Zuma wil Jean Ping as voorsitter van die Afrika-unie se Kommissie vervang. Ping, van Gaboen, is half-Chinees en praat Mandaryns vlot, ‘n natuurlike Chinese bondgenoot.

Ping was een van die belangrikste figure wat gehelp het om die besoek aan Gaboen in 2004 van die Chinese president Hu Jintao te reël. Die Chinese president het in die hoofstad Libreville sy grensverskuiwende toespraak gemaak waarin hy ‘n nuwe tydvak in China se verbintenis met Afrika belowe het, naamlik hulp “sonder politieke voorskrifte”.

Franssprekende Afrika is reeds verdeel deur Suid-Afrika se vele beloftes en sal nie meer as ‘n blok vir Ping stem nie, maar individueel.

Die posisie van voorsitter is ‘n sleutelrol in die argitektuur van Afrika-diplomasie, want die toon en styl van die Afrika-Unie se interaksies en ingrypings het enorme politieke implikasies vir die kontinent. En soos ons almal weet is politiek en sake een en dieselfde ding. Dit is dus ‘n gesogte rol, en Suid-Afrika en hul ondersteuners is vol moed dat hulle die pyp gaan rook.

Volgens die minister van internasionale betrekkinge Maite Nkoana-Mashabane, wat die inligtingsessie gelei het, het Suid-Afrikaanse verteenwoordigers al kruis en dwars oor die vasteland gereis om ondersteuning vir die kandidatuur te werf. Al 53 Afrika-lande is besoek en president Zuma het persoonlik met byna elke Afrikastaatshoof ontmoet. “Ons het dit hard gedryf,” het sy gesê.

Die hele poging is gelei deur ‘n hoëvlakspan wat insluit die minister van staatsveiligheid Siyabonga Cwele, justisie en grondwetlike ontwikkeling Jeff Radebe, korrektiewe dienste Nosiviwe Mapisa-Nqakula en adjunkminister in die presidensie, Obed Bapela.

Daarom is president Jacob Zuma se BBP-straler, die Inkwasi, nie net versien nie, maar uit vrees word dit nou klaarblyklik op lang vlugte deur ‘n ander straler vergesel. Duidelik word niks aan die toeval oorgelaat nie.

Sowel dié vliegtuig as Zuma s’n gebruik die presidentsroepsein, het www.defenceweb.co.za berig. Dit lyk beslis asof sekere belangegroepe versigtig is vir ‘n herhaling van Samora Machel se onverwagte einde.

Verkiesings sal aan die einde van Januarie by die Afrika-Unie se beraad in Addis Abeba plaasvind. Elke Afrikaland kry ‘n stem en die suksesvolle kandidaat moet ‘n tweederdemeerderheid behaal. Jean Ping is ‘n suksesvolle en gewilde voorsitter, maar Nkoana-Mashabane is vol moed: “Ons is baie, baie vol vertroue dat ons die nodige ondersteuning het.”

Die Britte is maar taamlik bekaf oor die veldtog waarin hulle nie geken is nie. Tuis in Suid-Afrika moet hulle vir hulle paaltjies keer met die klagtes oor rassisme in krieket wat ondersoek word. Die Statebond sukkel ook maar met dieselfde lot. En daar is nie Afrikaners wat hulle kan blameer vir rassisme nie.

Die DA het ook probeer om vlieë af te vang oor die koste van die twee stralers, maar sonder veel sukses. Op Amerikaanse steun kan hulle nie reken nie; die Amerikaanse invalshoek is swart en links en onbeskaamd so.

Binnekort sal Brittanje seker op die Afrikaners aangewese wees om enige invloed op die kontinent te kan monster. Dit is seker waarom Tim du Plessis in Beeld meen Afrikaners het ‘n Tahrirplein nodig en FW de Klerk intussen ontpop het as ‘n taalstryder. Dié nuwe ywer is ongetwyfeld toe te skryf aan Britse frustrasie met hul toenemende onmag in Afrika.

Jean Ping het nog net een termyn in die amp gedien en sal sy stoel moet verlaat na sy tweede. Maar Suid-Afrika en die VSA wil nie wag nie. Noudat Sirië sukkel en Libië en die Ivoorkus nie groot suksesse was nie, is die Amerikaners bekommerd en wil hulle vinnig beweeg. In elk geval lyk Zuma se tweede termyn as president, op voorwaarde dat die AU-stoel gewen word, asof dit ‘n gegewe gaan wees met só ‘n bondgenoot.

Vir Zuma om ‘n wesenlike impak te maak in Afrika, het hy kennelik besluit dat hy Amerikaanse belange sal moet oorweeg. Die farmaseutiese maatskappye is reeds dankbaar vir die feit dat hy hulle toegelaat het om tot die MIV-mark toe te tree.

Wat ook al aan die einde van hierdie maand in Addis Abeba gebeur, sal dit ‘n taai stryd wees.

ANC vat Weskusmunisipaliteit

Die ANC in die Wes-Kaap is besig om in te beweeg in DA-beheerde gebiede en het een van sy munisipaliteite in die provinsie verower nadat kragte saamgesnoer is met klein burgerlike organisasies deur middel van ‘n koalisie.

Songezo Mjongile, die provinsiale sekretaris van die Wes-Kaapse ANC, het gister bekend gemaak in Kaapstad dat sy party nou die Weskus Plaaslike Munisipaliteit van Matzikama sal regeer nadat ‘n koalisie met The People’s Independent Civic Organisation en die New Generation Party aangegaan is.

Die Matzikama-munisipaliteit sluit die Weskus-dorpe van Vrendenal, Lutzville en Doringbaai in.

Verlede jaar se verkiesings vir plaaslike regering het versuim om ‘n volstrekte wenner van die munisipaliteit aan te wys en die twee organisasies het die balans in die DA se guns geswaai deur middel van ‘n medebestuursooreenkoms. Maar hulle het nou die Wes-Kaapse regerende party vaarwel geroep, en beskuldig van “arrogansie en elitisme”.

Die klein munisipaliteit het 15 plekke, met die ANC wat ses hou, die DA sewe terwyl TPICO en NGP een elk het.

“Die ANC, TPICO en NGP se koalisie sal dienste neem na die mense wat dit die meeste nodig het en hulle die prioriteit wat hulle verdien gee,” sê Mjongile.

Dit bring die getal tot agt van munisipaliteite wat beheer word deur die ANC in die Wes-Kaap deur middel van koalisies met kleiner partye, terwyl die DA die volstrekte beheer van 17 behou.

Александр Фильчаков

‘Massiewe daling’ in MIV-gevalle in SA verwag

Suid-Afrika, die tuiste van die hoogste aantal MIV-gevalle in die wêreld, behoort ‘n massiewe daling teen die einde van die dekade te sien na ‘n verandering in die regering se beleid, het ‘n UNAIDS-amptenaar Donderdag gesê.

“Daar is nou meer mense met MIV-infeksies hier as enige land in die wêreld, met 5,6 miljoen. Dit is agv ‘n gebrek aan politieke verbintenis voorheen,” sê Sheila Tlou, UNAIDS se plaaslike direkteur vir Oos-en Suider-Afrika.

“Daar is egter ‘n ommekeer in die nuwe regering onder president (Jacob) Zuma wat daartoe verbind is,” in sy stryd teen MIV en vigs, het sy gesê.

“Teen 2020 sal daar massiewe daling in Suid-Afrika wees.”

Zuma, wat Suid-Afrika se Vigs-behandelingprogram dramaties uitgebrei het sedert 2009, het verlede maand ‘n plan onthul om die getal MIV-infeksies oor die volgende vyf jaar te halveer.

Die vyf-jaar plan is eers opgestel na 2008 toe president Thabo Mbeki en sy minister van gesondheid, Manto Tshabalala-Msimang, bekend as dr Beet, uitgeskop is. Laasgenoemde wou vrugte eerder as medikasie gebruik om vigs te behandel.

Tlou het gesê Oos-en Suider-Afrika is bekend as die “die hart van die epidemie” want van die 34 miljoen mense wat met MIV leef, woon byna ‘n 3/4 van die wêreld se gevalle in die streek.

“Een van ons doelwitte is om nuwe infeksies met 50 persent te verminder,” teen 2015, het sy aan ‘n perskonferensie in Genève gesê.

Maar Tlou het opgemerk dat die onlangse skugterheid in die verbintenis van die Globale Vigsfonds, om vigs, tuberkulose en malaria te help beveg, UNAIDS kan kortwiek in die stryd teen die siekte.

“Daar is nogal baie vordering sedert 1997 met ‘n 25 persent vermindering in nuwe infeksies in ons streek,” sê Tlou,’ n verpleegkunde-professor en ‘n voormalige minister van Gesondheid van Botswana wat tans in Johannesburg woon.

Steve Kraus, UNAIDS-direkteur vir Asië en die Stille Oseaan, het gesê belangrike vordering is gemaak in groot lande soos China, Indië en Indonesië en in kleiner lande soos Fidji en Samoa.

Kraus het gesê China het ‘n beleid van zero toleransie oor MIV aangeneem. Dit is later oorgeneem deur die 10 ASEAN-lande.

“China se befondsing vir die nasionale reaksie teen [MIV] neem toe en hulle het ‘n bykomende $1 miljard in 2011 bewillig. Thailand is ‘n ander land om dit te doen,” het hy gesê.

Gevra oor die betroubaarheid van Chinese data, het Kraus gesê: “In China is die data vandag beter as gister,” en bygevoeg dat die verbetering van ‘n konstante proses is. “Dit is soos om op soek te wees na die heilige graal om te bly verbeter.”

Jeugliga sal opmars na Pretoria oor inmenging

Die plasing van departemente onder administrasie instede daarvan om hulle te help het probleme vir die mense in Limpopo geskep, het die ANC-jeugliga in die provinsie gister gesê.

“As ‘n gevolg van die inmenging van die nasionale Kabinet, is dienslewering in Limpopo letterlik verlam,” het die liga in ‘n verklaring gesê.

“Vir die eerste keer sedert 1994 ondervind ons probleme.”

Daar word beweer dat skoolvoedingsprogramme en vervoer nie betaal is nie, medikasie in hospitale is nie verkry nie, onderwysbeurse is gevries en verskeie ander diensverskaffers is nog nie betaal nie.

Die nasionale regering het vyf Limpopodepartemente in Desember verlede jaar onder administrasie geplaas as gevolg van miljarde rande in verkwiste besteding wat die provinsie bankrot gelaat het.

Vyf departemente – finansies, onderwys, gesondheid en maatskaplike ontwikkeling, openbare werke, en opvoeding is onder die nasionale regering se beheer geplaas. Die oorblywende departemente word mbv die riglyne wat deur die nasionale regering gestel is, bestuur.

By ‘n mediakonferensie oor die Kabinet se aanvanklike bevindings tov die provinsie se finansiële krisis, het die Minister van Finansies, Pravin Gordhan, Donderdag gesê ‘n forensiese ondersoek na Limpopo se moontlike R2 miljard-tekort sal hierdie week begin.

Die ANC-jeugliga in die provinsie het gesê hulle gee die nasionale Kabinet sewe dae om “die situasie reg te stel”.

“As ons nie enige verandering sien nie, sal ons alle betrokke belanghebbendes mobiliseer en in Maart na Pretoria opruk want dit is die middelpunt van ons probleme.”

Die liga het gesê dit was ‘n “raaisel” dat die Limpopo se provinsiale regering geteiken word want dit is nie die “ergste” provinsie nie.

“Ander provinsies het oortrekkings van meer as die R1 miljard aangevra deur Limpopo versoek, maar tog word daardie provinsies is nie geteiken nie,” het die jeugliga gesê.

Vyf Marokkane steek hulself aan die brand

Vyf werklose Marokkaanse mans het hulself aan die brand gesteek in die hoofstad Rabat as deel van wydverspreide betogings in die land oor die gebrek aan werksgeleenthede, veral vir universiteit-gegradueerdes, het ‘n menseregte-aktivis gister gesê. Drie is erg verbrand en in die hospitaal.

Self-opoffering is ‘n taktiek van protes in die Midde-Ooste en Noord-Afrika sedert ‘n groente-verkoper in Tunisië homself aan die brand gesteek in Desember 2010 om protes aan te teken teen polisie-teistering. Dié gebaar word allerweë beskou as die eerste vonk wat gelei het tot soortgelyke bewegings elders in die streek om die Arabiese lente aan te kondig.

Die Marokkane is deel van die “werklose gegradueerdes” beweging, ‘n los versameling van verenigings regoor die land. Die betogings word dikwels met geweld deur die polisie onderdruk en in sommige dorpe en stede het dit gelei tot volgehoue botsings.

Terwyl die amptelike werkloosheidskoers slegs 9,1 persent nasionaal is, het dit gestyg tot sowat 16 persent vir gegradueerdes.

Ongeveer 160 lede van die beweging beset reeds ‘n administratiewe gebou van die ministerie van Hoër Onderwys vir die afgelope twee weke in Rabat as deel van hulle protes. Ondersteuners het vir hulle bring kos gebring tot twee dae gelede toe veiligheidsmagte hulle gestop het.

“Die owerhede het hulle verhinder om kos en water te kry en toe het vyf mense na buite gegaan om kos te kry en gedreig om hulself aan die brand te steek indien hulle voorgekeer word,” sê Youssef al-Rissouni van die Marokkaanse Vereniging vir Menseregte.

Van die drie wat gehospitaliseer is, is twee in ‘n ernstige toestand, terwyl die ander twee het net hul klere geskroei het, het hy bygevoeg.

Video’s van die voorval is op die internet versprei.

Marokkane het ‘n nuwe Islamitiese regering in November gekies.

Charles Taylor was ‘n CIA-agent

Charles Taylor van Liberië, die eerste Afrikastaatshoof wat vir oorlogsmisdade vervolg word deur ‘n internasionale geregshof, het vir die CIA gewerk, het die Boston Globe hierdie week berig.

Die verslag, wat gebaseer is op inligting wat beskikbaar gestel mag word na ses jaar, beweer dat Taylor vir jare lank ‘n verhouding met die Amerikaanse spioenasie-agentskap gehad het, alhoewel die besonderhede van wat hy eintlik gedoen het, onduidelik is.

“Die Pentagon se reaksie op die Globe was om te verklaar dat die besonderhede van Taylor se rol in die spioenasie-agentskap vervat is in dosyne geheime verslae – ten minste 48 afsonderlike dokumente – wat etlike dekades geduur het maar die presiese duur en omvang van die verhouding bly verborge,” het die dagblad gesê.

Die voormalige Liberiese president wag op die uitspraak in sy oorlogsmisdaadverhoor by die spesiale hof vir Sierra Leone in Nederland.

Hy staar 11 aanklagte van oorlogsmisdade en misdade teen die mensdom in die gesig nadat hy Sierra Leone se Rewolusionêre Verenigde Front (RUF) onwettig bewapen het in ruil vir die myn van sogenaamde “bloed diamante.”

Die Sierra Leone-burgeroorlog het na bewering sowat 120 000 lewens in die 10 jaar tot en met 2001, geëis. RUF-rebelle, wat beskryf word deur die vervolging as Taylor se “surrogaatweermag,” was verantwoordelik vir die verminking van duisende burgerlikes deur hulle ledemate af te kap.

Taylor het onskuldig gepleit op alle aanklagte.

Die Boston Globe se verslag word gerugsteun deur langdurige gerugte van Taylor se werk met die Central Intelligence Agency.

Volgens die verslag, het hy in die vroeë 1980’s vir die agentskap begin werk. Nadat hy aangekla is en die presidentstoel in 2003 verlaat het, het hy openlik in Nigerië geleef, ‘n land wat die Verenigde State as ‘n plaaslike bondgenoot beskou. Hy is uiteindelik in 2006 aan die internasionale hof oorhandig.

Limpopo sonder skoolboeke, bankrot

Skole in Limpopo sal binne die volgende paar dae hulle handboeke kry.

Die Minister van Basiese Onderwys, Angie Motshekga, het dit belowe by ‘n mediakonferensie in Limpopo wat deur die Minister van Finansies, Pravin Gordhan, toegespreek is.

Gordhan het verduidelik dat Limpopo bankkrot is en daarom onder administrasie geplaas is.

Talle skole in Limpopo het vandeesweek geopen sonder enige handboeke, omdat die provinsiale departement van Onderwys dit blykbaar nie bestel het nie.

Motshekga het die versekering gegee dat die betrokke uitgewers gereed is om die handboeke af te lewer.

Фильчаков

Terugkoopkoers onveranderd

Die Reserwebank se Monetêre Beleidskomitee het soos allerweë verwag is, die terugkoopkoers onveranderd op vyf komma vyf persent gehou.

Die president van die Reserwebank, Gill Marcus sê geadministreerde pryse bly ‘n bron van kommer.

Marcus het hoë elektrisiteitspryse genoem en ook gesê kospryse is ‘n belangrike faktor wat inflasie aanblaas.

Marcus sê plaaslike ekonomiese groei sal na verwagting vanjaar ‘n gemiddeld van twee komma agt persent wees en aanstaande jaar drie komma agt persent.

Marcus sê die internasionale ekonomiese voortuitsigte is wisselend met positiewe syfers oor werkskepping in die VSA en kommer oor die Europese skuldkrisis. Sy sê China behoort nie erg geraak te word nie.