praag.co.za

Tag: konsert

  • Engelsman van Kaapstad wil Steve Hofmeyr stilmaak

    Engelsman van Kaapstad wil Steve Hofmeyr stilmaak

    ‘n Engelsman wat soos Steve Hofmeyr op Greykollege in Bloemfontein was, Des Bailes, wil hê dat die sanger geheel en al verbied moet word. Hy het vir die Wes-Kaapse Onderwysdepartement geskryf en gevra dat Steve se konsert by Laerskool Overberg in Caledon op 20 April verbied word.

    Bailes beweer dat Steve Hofmeyr ‘n “rassis” is omdat hy in Afrikaans sing en die Afrikanersaak by sy gehore bevorder. Blykbaar het hy ook beswaar daarteen dat Hofmeyr nie eerbiedig genoeg teenoor Winnie Mandela was nie.

    “Mnr. Hofmeyr is berug vir sy openlike rassisme, met verklarings soos ‘swartmense was die argitekte van apartheid’ en ‘sekere aspekte van apartheid was briljant’,” het Bailes gister in ‘n brief aan die LUR vir onderwys in die Wes-Kaap, Debbie Schäfer, geskryf.

    “Hoe is die swart leerders veronderstel om te voel as dié afstootlike Afrikaner met rassistiese sienings die ou volkslied sing en die apartheidsvlae begin waai? Daar is vele meer geskikte sale in Caledon waar mnr. Hofmeyr sy afstootlike tipe Afrikanerrassisme kan beoefen.”

    “Dit het niks te make met spraakvryheid nie maar slegs met respek en gelykheid vir alle lede van die gemeenskap,” het Bailes gesê en ‘n beroep op die Demokratiese Alliansie gedoen om die geleentheid aan te gryp om standpunt teen “rassisme en blanke bevoorregting” in te neem.

    Bailes het ook ‘n paar dae gelede aan die munisipale raadslede van Kraaifontein geskryf om hulle te vra om hom nie toe te laat om in die stadsaal te sing nie.

    “Ek doen ‘n beroep om die onmiddellike kansellering van dié konsert en die afdanking van diegene wat daarvoor verantwoordelik is dat hierdie beskamende rassistiese byeenkoms toegelaat word,” het Bailes in sy brief gesê.

    Steve het in ‘n twiet na ‘n berig hieroor in Netwerk24 verwys en dit ‘n “swak artikel” genoem.

  • Swart ‘bloedbad’ teen Steve Hofmeyr-konsert op Ermelo met kulpamflet aangehits

    Swart ‘bloedbad’ teen Steve Hofmeyr-konsert op Ermelo met kulpamflet aangehits

    ‘n Kulpamflet waarin vertel word dat Steve Hofmeyr konserte afstel as hy swart gesigte in die skare sien, is op Ermelo en ander plekke versprei om swart geweld teen sy konsert gisteraard op dié dorp aan te hits. Die “inligting” op die pamflet is afkomstig van ‘n Suid-Afrikaanse webblad wat bekendstaan as “satirenews”. In ‘n Engelse twiet het Steve Hofmeyr “satirenews” as ‘n “derde mag” mag beskryf wat daarop uit is om ‘n “bloedbad” te ontketen.

    Blykbaar is die pamflet ‘n week voor Steve se konsert op Ermelo onder swartes versprei in die hoop dat die konsert deur betogings en geweld ontwrig sou word. Op sy amptelike Facebookblad het Hofmeyr vertel wat gisteraand gebeur het:

    Wat het toe Saterdagaand in Ermelo gebeur na ‘n week se anti-Steve protes? BOGGEROL. Tussen die manne en dames van Interactive Security en verskeie vrywillige Ermelo sekuriteitsfirmas, die skou self en die SAPS was Ermelo Saterdagaand die veiligste dorp in Suid Afrika. Soveel trots en vreesloosheid in een dorp is ‘n moeilike kombinasie. Soveel vasbeslotenheid om Die Stem te sing en op te staan vir orde en erfenis, is ‘n riem onder die hart. Dankie Ermelo. Daai skou was uitgepak.

    Hy het insgelyks op Facebook na “satirenews” as ‘n “derde mag” verwys wat geweld in die land aanstig.

    Kyk dié pamflet onder. Swartes versprei dit nou deur SA. Die Ermelo protes gaan oor hierdie ‘fake’ artikel wat op Satirenews verskyn het. As daar bloedvergieting in die strate was Saterdagaand of daardie week, sou dit Satirenews se skuld wees. Hulle is ‘n derde mag, misbruikers van vryspraak en hulle soek SA burgers se bloed in die strate.

    PRAAG het intussen vir “satirenews” om kommentaar genader oor waarom hulle die vals berig geplaas het, asook die rede vir die verspreiding van die pamflette.

    In die aanloop tot gisteraand se konsert het die ANC op Ermelo die Landbou-komitee gedreig dat hulle die konsert sou ontwrig om “die rassis Steve Hofmeyr” na die dorp uitgenooi is. ‘n Memorandum vol spelfoute is deur die ANC aan die komitee oorhandig (sien hier onder).

    ANC-memo_steve

    Op die tweede bladsy van die memorandum word gedreig dat Steve Hofmeyr met geweld na Orania geneem sal word.

    ANC-memo_steveb

    Lees ook: Onderhoud met Steve Hofmeyr oor dreigemente teen hom op Ermelo

  • Steve weer by AIG

    Suid-Afrika se gewildste sanger sal weer by een van die gewildste Afrikaanse musiekkonserte optree. AIG het verlede week op Facebook aangekondig dat Steve Hofmeyr weer sal deelneem.

    “AIG het gedoen wat geen ander instelling wat boikot, gedoen het nie. Hulle was eerbaar. Hulle het my gevra of ek rassisties is en ek het geantwoord,” het Hofmeyr aan Beeld gesê.

    “Hulle aanvaar nie ’n verhoor-deur-die-media nie en ook nie die woord van elke agterbakse komediant as evangelie nie. Uit die reaksie van my eie konserte sou ek raai dat AIG groter as ooit gaan wees,” het Hofmeyr gesê.

    Jaguar Land Rover Suid-Afrika en Pick n Pay het intussen aangedui dat hulle nie hul borgskappe gaan hernieu nie.

    Albei maatskappye het verlede jaar gesê hulle gaan die AIG-borgskap hersien na aanleiding van die sanger Steve Hofmeyr se “omstrede menings”. Dit sluit klaarblyklik in dat die sing van Die Stem, wat amptelik deel van die nuwe volkslied is, ook verbode is.

    Lesley Sutton, bestuurder van mediabetrekkinge van Jaguar Land Rover Suid-Afrika, sê hulle “internasionale vennootskap” met die Wêreldbeker-rugbytoernooi en ‘n vennootskap met die Bloodhound SSC-wêreldlandspoedrekordpoging gebeur op dieselfde tyd as die AIG-konserte.

    Land Rover het glo Bobby van Jaarsveld van ‘n ryding voorsien.

    Verlede jaar het Land Rover in ’n verklaring gesê: “Die goed gepubliseerde persoonlike menings van die gewilde Suid-Afrikaanse kunstenaar (Hofmeyr) het die Afrikaanse musiekbedryf en die reputasie van sy kollegas in die gedrang geplaas en so ook dié van die borge wat die konsert moontlik maak.”

    Hofmeyr het in Oktober verlede jaar swart rassisme aan apartheid verbind in ‘n twiet. Dié opmerking was waarskynlik vir sommiges te na aan die waarheid.

    ‘n Mislukte buikspreker het daarna die borge van die AIG-konserte genader in die hoop om swart punte aan te teken vir sy kwynende gewildheid met beskuldigings van “rassisme”, maar dit vinnig uitgebrei na alles wat met Afrikaners en Afrikaans verband hou.

    Die sukkelende wit komediant wou die borge dwing om hul “assosiasie” met ’n “apartheid-ontkenner” en “wit heerssugtige” te beëindig. Die sensuuroefening het tot ‘n onbedekte uitbarsting van Boerehaat op sosiale media en in die dooieboommedia gelei.

    Dr Dan Roodt het namens Hofmeyr, onsuksesvol probeer om ‘n tweede permanente beskermingsbevel teen die buikspreker Conrad Koch te kry om sy volgehoue haatveldtog te staak.

    Roodt het twee maande gelede reeds die redes skriftelik van die Indiër-landdros aangevra, maar sonder sukses.

    Die eerste aansoek om die buikspreker se anti-Afrikaanse en lasterlike veldtog teen Hofmeyr te keer, was egter suksesvol en het meegebring dat die AIG-konsert kon voortgaan.