praag.co.za

Tag: DA

  • Vryheidsfront verloor op Naboom teen DA weens verdeelde regse stem

    Die Vryheidsfront Plus het gister tydens ‘n tussenverkiesing in wyk 4 ‘n neerlaag teen die DA in ‘n konserwatiewe Noord-Transvaalse kiesafdeling op Naboomspruit teen die DA gely deur met 582 stemme teen die DA se 665 te verloor. Van die party se organiseerders blameer Afriforum wie se voorsitter op die dorp, mnr. Philip van Staden, as onafhanklike kandidaat gestaan het en 278 stemme behaal het. Die ANC het 104 stemme ontvang en Cope 3.

    Mnr. Philip van Staden van die Vryheidsfront, wat die dr. Ilse de Beer se veldtog namens die Vryheidsfront vanuit Centurion kom ondersteun het, het in ‘n epos gesê: “Kryt my uit en sê my asseblief sleg, maar ek is klaar met DA-liberaliste en Afriforum-rugstekers. Ek hoop hierdie boodskap bereik hul ore.”

    Die Gautengse leier en LPW van die party, mnr. Jaco Mulder, het egter die party vir sy poging op Naboospruit in ‘n mediaverklaring gister geloof:

    “Die VF Plus het vandag ‘n beduidende prestasie behaal deur sy steunbasis in die wyk 4 Naboomspruit tussenverkiesing te behou terwyl DA steun met 16 persent gedaal het.

    “Die DA se kandidaat mnr Charl van der Merwe het 665 stemme op hom verenig terwyl die VF Plus se dr Ilse de Beer 582 behaal het.  Die uitslag is tekenend van ‘n nuwe wending in oposisie-politiek met ‘n groeiende bewuswording van die noodsaak om minderheidsregte te bevorder op plaaslike vlak deur middel van die politieke platform van die VF Plus.”

    Volgens ander lede van die party, sou die Vryheidsfront gewen het indien dit nie vir die onafhanklike kandidaat was nie. ‘n Gebelgde Vryheidsfrontlid het gesê: “As jy die Afriforum-kandidaat se stemme by ons s’n tel, sou ons met daardie syfer gewen het. Selfs die DA stem saam met ons, Afriforum het gesorg dat ons verloor.”

  • ANC en DA ‘histeries’ oor Afrikanergemeenskap by Kleinfontein

    Sowel die ANC as die DA het gister in Johannesburg, volgens ‘n toehoorder by die Gauteng- provinsiale wetgewer, “histeries geraak” oor die bestaan van die Afrikanergemeenskap by Kleinfontein.

    ‘n Bedrag van R270 000 is reeds bestee aan ‘n “ondersoek oor Kleinfontein”, sonder dat daar nog ‘n verslag voortgebring is. Mnr. Jaco Mulder van die Vryheidsfront wou nie daarop kommentaar lewer nie, omdat “hy nog nie die verslag gesien het nie”. Volgens hom is die bedrag egter bestee vir ‘n enkele besoek van provinsiale amptenare wat glo in ‘n kavalkade met lyfwagte en “selfs ‘n ambulans” na die dorpie oos van Pretoria gery het.

    Die DA is sterk gekant teen die voortbestaan van Kleinfontein as Afrikanergemeenskap en het die voortou geneem met ‘n betoging van sy jeugliga onder leiding van Mbali Ntuli by die ingang van Kleinfontein. Sowel by die Gautengse wetgewer as die sogenaamde Tshwane-metro is die DA en die ANC besig om mekaar aan te hits om teen Kleinfontein op te tree.

    In Afrikanerkringe word daar kommer uitgespreek dat die twee grootste partye in die land wat teen die 1000 Afrikaners by Kleinfontein saamspan, tot polarisering, konfrontasie en selfs geweld mag lei. In die voormalige Joego-Slawië het optrede teen etniese minderheidsenklawes deur die meerderheid in daardie gebied tot burgeroorlog aanleiding gegee.

    PRAAG het ook die leidster van die DA, me. Helen Zille, met vrae genader oor die party se amptelike standpunt jeens Kleinfontein, wat tans afgewag word.


  • Politieke huwelik

    Die nuus dat die DA en die ID volgende jaar onder die DA-vaandel saam aan die landswye munisipale verkiesing gaan deelneem kom vir niemand as verrassing nie.

    Onlangse meningspeilings het effektief die doodsklok vir die ID gelui, en daarmee saam het die persoonlike euforie wat Patricia de Lille sedert haar bedanking uit die PAC gevolg het, verdamp. Dit het na ‘n ewigheid gelede geklink sedert iemand soos Rhoda Kadalie verklaar het dat sy graag De Lille as die land se eerste vrouepresident wou sien.

    Ten spyte van hewige verliese tydens elke oorloopperiode, het die party met elke verkiesing weer danksy haar charisma veld teruggewen. Nou het die boom uit die meningspeilings getuimel.

    Ook nou verklaar die twee partye dat hulle beleid en beginsels deel, en daarom een behoort te wees. Die ID was egter wat beleidloosheid betref, Cope ‘n paar jare voor, voordat die ID homself uiteindelik tot ‘n sosiaal-demokratiese partye verklaar het.

    Verder word verklaar dat die twee partye nou al in verskeie munisipaliteite goed saamgewerk het, dat eenwording dus nie ‘n probleem is nie. Ook hier klink dit opportunisties aangesien die ID-raadslede onlangs nog met die ANC-raadslede saamgespan het om ‘n DA-munisipale bewind in die stof te laat byt. Veral in die Suid-Kaap en die Overberggebied is dit nie ongewoon dat die ID en die DA in rade haaks is nie.

    In die politiek is een plus een nie altyd twee nie, soos verskeie koalisiepogings ook al geblyk het. Die DA self is egter op hierdie gebied ‘n uitsondering, en dié party sal stellig voel dat dit die resep gevind het en steeds sal kan gebruik.

    Tog is sake vir die DA nie heeltemal eenvoudig nie. Die krimp van die ID beteken dat daar baie huidige en aspirerende ID-verteenwoordigers is wat sal hoop om via die DA op sagte kussings te beland. Baie dikwels gaan die nominasiestryde nou sterk rasselyne volg en sake baie kompleks maak.

    Hoewel die DA op nasionale vlak nie baie verbaal oor plaasaanvalle was nie, is wel in sommige provinsies voor in die koor gesing om dit te veroordeel. Nou begeef die DA hom in die politieke speelveld waar hierdie soort kwessies binne ‘n ander persepsie geanker is. Zille se onlangse voorstelle oor 50 % aandeelhouding tussen boere en hul werkers het juis ‘n groot onrustigheid in die DA losgemaak en ‘n spesiale memorandum moes omgestuur word om gemoedere te probeer kalmeer.

    Aan die ander kant het die Afrikanerbond in sy jongste elektroniese nuusbrief verskeie bladsye afgestaan aan ‘n nuwe erns om die minderheidsregte van die Afrikaner aan te spreek. Die AB het ook ‘n gesprek met die VF Plus oor die kwessie gevoer.

    Dit is dus ‘n billike vraag dat nou vrae gevra word oor die DA se vermoë om sy wye spektrum steun onder dieselfde kombers te kan toemaak. Die vraag is veral relevant teen die agtergrond van, soos Rapport dit al uitgedruk het, die probleem van regse Afrikaners in die party. Dié vraag sal moontlik nog meer relevant word wanneer die pogings verskerp word om beduidende swart steun te ontgin.

    Soos sake nou staan, reik die DA reeds bykans nooit meer mediaverklarings in iets anders as Engels uit nie.

    Die potensiaal is dus daar dat die DA deur ‘n kortbroekskuif verras kan word, waar die NNP by die ANC aangesluit het maar gevind het die oorgrote meerderheid lede het in die DA agtergebly. Dit is juis hierdie groep wat deur Rapport as probleem geïdentifiseer is.

    to advertiseтопкарго кидалы

  • DA dien honderde klagtes by MRK in

    Die Demokratiese Alliansie beplan om 351 klagtes teen die ANC-Jeugleier, Julius Malema by die Menseregtekomissie (MRK) in te dien, omdat hy ‘skiet die boere’ gesing het.

    Die name van die 351 boere is deur die DA in die Noordwes versamel. Hulle klagtes sal na verwagting Donderdag aan die MRK oorhandig word.

    “Die mense wat in die landbou sektor werk en hulself met die term ‘boere’ identifiseer, is nie rêrig geïnterreseerd in politiek nie. Dis hoekom dit so ongereeld is om só ‘n heftige reaksie van hulle te kry,” het Leandi Erasmus, die DA se provinsiale direkteur gesê.

    “Ons word oorval met oproepe deur boere wat vrees vir hul plase en families.”

    Teen Woensdagmiddag het altesaam 351 boere klagtes teen Malema ingedien.

    Die DA beplan om 351 individuele klagtes te lê. Elke klag sal gaan oor die feit dat Malema gesê het ‘boere’ moet geskiet word omdat hulle ‘verkragters’ is. Só ‘n verklaring deur Malema stel baie mense se lewens in gevaar.

    Die Sowetan het berig dat Malema ‘skiet die boere’ gesing het, toe hy onlangs studente by die Universiteit van Johannesburg toegespreek het.

    Malema staar ook verskeie hofsake voor die gelykheidshof in die gesig omdat hy die liedjie gesing het.

    Die ANC sowel as die Jeugliga en AfriForum was verlede week in ‘n woordewisseling betrokke omdat AfriForum probeer het om ‘n lys met 1600 name van mense wat in plaasaanvalle gesterf het, aan Malema te oorhandig.

    play cluedo onlineФільчаков Олександр Васильович

  • DA probeer opposisiepartye insluk

    “Indien die naweek se poging in Kaapstad om ‘n verenigde opposisie-front teen die ANC daar te stel opreg is, sal dit nie beperk word tot ‘n eksklusiewe groep van slegs vier partye nie. Dan sou dit werklik inklusief wees, tensy daar ‘n verskuilde agenda is ingevolge waarvan net sekere partye wat die DA hoop om in te sluk betrek word. Die voorgestelde resep is duidelik ‘n verkeerde resep,” het dr. Corné Mulder, VF Plus-hoofsweep gesê.

    Dr. Mulder se reaksie volg  op die besluit van die OD, DA, COPE en UDM om hierdie naweek ‘n nasionale konferensie wat deur die OD byeengeroep is in die Kaapstadse Internasionale Konferensiesentrum (Kiks) te hou om oor nouer samewerking te beraadslaag.

    “Daar moet verder kennis geneem word dat die breë Afrikaanse en Christelike gemeenskappe nie welkom is in die voorgestelde nuwe front wat die DA hoop om met COPE, die ID en die UDM te vorm nie. Dit is belangrik om daarop te let dat die DA by monde van sy provinsiale leier, mnr. Theuns Botha, daarop aandring dat die VF Plus nie hierby betrek mag word nie omdat die VF Plus se pro-Afrikaanse en Christelike benadering vir die DA onaanvaarbaar is. Netso word die ACDP wat ‘n Christelike party is ook deur die DA die deur gewys,” het dr. Mulder bygevoeg.

    Die naweek se poging om ‘n verenigde front van opposisiepartye teen die ANC daar te stel, is te eksklusief en uitsluitend om werklik ‘n verskil te maak. Die verskuilde agenda van die DA om sekere opposisiepartye in die proses in te sluk, sal kiesers nie net weer frustreer nie, maar dit sal ook onsuksesvol wees.

    “Daar is geen rede hoekom die proses nie inklusief kan wees nie. Die proporsionele kiesstelsel maak dit juis moontlik. Dit is duidelik dat die DA hier met ‘n poging besig is om die ID, die UDM en COPE te probeer insluk in ‘n vergrote DA,” het dr. Mulder bygevoeg.

    feathered frenzyлобановский класс харьков

  • DA vra spesiale oudit vir Malema

    Die DA het die ouditeurgeneraal se streekkantoor in Polokwane gevra vir ‘n spesiale oudit van alle tenders wat aan maatskappye waarby Julius Malema betrokke is, toegeken is .

    Dit volg op berigte dat Malema se SGL Engineering Projects twee nuwe kontrakte ter waarde van R2,2 miljoen by die Polokwane-munisipaliteit gekry het, het DA-woordvoerder Mark Steele Donderdag gesê.

    “Dit blyk daar is duidelike bewyse dat Malema se maatskappye onwettig optree,” het Steele gesê.

    “Maatskappy moet by die konstruksiebedryf se ontwikkelingsraad, die CIDB, geregistreer wees en belastingsertifikate kan toon om by sulke tenders betrokke te wees.

    “Dis duidelik dat Malema se maatskappye nie aan een van hierdie vereistes voldoen nie.”

    Volgens Steele het die voormalige premier van Limpopo, Sello Moloto, gesê die kontrakte is aan SGL toegeken omdat burgemeesters en munisipale bestuurders in die area gedreig is.

    Die beamptes is glo vertel hulle sou hulle werke verloor as die kontrakte nie aan Malema gegee word nie.

    игры барби жизнь в доме мечтыФильчаков прокуратура харьков

  • Die staat en morele standaarde

    Die Christen-Demokratiese Party (CDP) het met teleurstelling gereageer op die DA se standpunt dat moraliteit nie die staat se saak is nie.

    “Ons is self om pragmatiese redes gekant daarteen dat pres. Jacob Zuma die leiding neem in so ‘n aksie, maar om te beweer dat die herstel van ‘n morele grondslag indruis teen die grondwetlike reg op onder meer spraakvryheid is om liberalisme baie ver te voer,” sê ds. Theunis Botha, leier van die CDP en waarnemende voorsitter van die Christen-Demokratiese Alliansie (CDA).

    “Die standpunt, soos oorgedra in ‘n mediaverklaring deur die DA-LP, Lindiwe Mazibuko, tas in die duister oor geldende reg. Die begrip contra bones mores (teen die openbare sedes) is diep in ons regstelsel gevestig, soms selfs meer as die begrip ultra vires.

    “Om hierdie reg uit te oefen en te beskerm is dit van selfsprekend dat die staat ‘n omlyning moet hê van wat die geldende openbare norm is. Die staat is ook nie by magte om dit aan die kerke te delegeer nie, onder meer omdat verskillende kerke en verskillende gelowe verskillende norme hieroor kan nastreef.

    “Die grondwet self stel beperkings aan aspekte soos spraakvryheid, onder meer omdat dit inbreuk maak op ander se reg op waardigheid. Kriminele laster is volgens ‘n onlangse uitspraak van die Appèlhof steeds ‘n misdaad en dit is uiteraard die openbare sedes wat die begrensing bepaal.

    “Dit is uitsprake soos dié van die DA wat veroorsaak dat dit baie moeilik is om te sien hoe daar algemene opposisiesamewerking kan wees. Die Christen-demokrasie – wat veral in Europa baie sterk en dikwels aan bewind is – aanvaar nie dat die staat sy skouers oor morele kwessies kan optrek nie. Hierdie lande neem byvoorbeeld sterk standpunt in teen kinderpornografie en blokkeer selfs die internet om dit uit hul lande te weer.

    “Die DA mag tevrede wees daarmee dat Suid-Afrikaanse nasieskap gedefinieer word aan die hand van eienskappe soos ‘n land wat vrede het daarmee dat honderde duisende ongebore babas doodgemaak word, waar pornografie vryelik beskikbaar is en niemand presies weet waar die grense van haatspraak lê nie. Net gister is berig dat die administrateur van die PAC se Facebook weier om ‘n bydrae van ene Ahmed El Saud wat lui “Kill the f***ing whites now!!!” te verwyder. Uiteraard verwag ‘n mens dat die regering op haatspraak soos daardie moet reageer.

    “Dit bly die DA se reg om te swyg hieroor maar dan moet die DA weet die Christen-demokratiese Partye staan buite enige opposisiesamewerking met daardie grondslag.

    “Dit is hierdie soort vaaghede wat veroorsaak dat die DA enkele jare gelede op dieselfde dag mediaverklarings kon uitreik – die een deur Dianne Kohler-Barnard waarin sy die destydse polisiekommissaris Jackie Selebe se voorstel oor die wettiging van prostitusie tydens die wêreldbekersokkertoernooi steun, en een deur die destydse Oos-Kaapse leier, Athol Trollip, waarin dit heftig teengestaan word.

    “Die CDA herbevestig sy verbintenis tot die saamgroepering en uitbou van die Christen-demokrasie in Suid-Afrika. Ons beoog egter om so gou as moontlik gesprek oor die DA se mediaverklaring met die DA-leier, Helen Zille, te voer.”

    готовые проекты баньФильчаков прокурор харьков

  • Dianne se gekruide parlementêre taal

    Dat politici nie op hul monde geval is nie, is nie ‘n geheim nie.

    Trouens, die Britse lords het gemeen hulle is sulke ysters as kommunikators dat hulle nie nodig het om kundiges met verkiesingsveldtogte te gebruik nie. Toe doen Margaret Thatcher se Tories dit, en uit die amperse bloute verskyn die ystervrou op die toneel.

    Nou het die DA se Dianne Kohler-Barnard in dingetjie in die parlement kwytgeraak wat haar vyf dae se skorsing deur haar eie party op die lyf laat loop het, en sy moet nog die parlement vir dié geturksvyde woorde om verskoning vra ook.

    Oud-Minister Hendrik Schoeman, indertyd Minister van landbou, is volgens oorlewering een nag wakkergebel deur ‘n boer wat kla oor die mieliepryse of iets. Volgens hierdie oorlewering het Hendrik vir die boer in geen onduidelike taal nie laat verstaan hy moet gaan &*&.

    Dis reg, dis hoe my minister met my moet praat.

    Alles volgens oorlewering.

    Beloftes maak het ministers ook al reputasies en byname besorg, soos Piet Promises. Maar, so lyk dit ook, is Piet se “rekord” soos wyle Hendrik s’n, lankal verpletter. As hedendaagse “promises” nie donkievye geblyk te gewees het nie, smaak dit my sou daar nie meer ‘n arm mense in Afrika gewees het nie, en sou die strate en paaie al ‘n goudlagie gehad het. Nou het die paaie ‘n skrootlagie soos goed deur die slaggate uit die rygoed uitgeruk word.

    Politici wat groen blaartjies opsoek, is ook nie iets heeltemal nuuts nie. Maar ook hier, meen ek, is alle rekords ook nou al herskryf.

    Iemand wat natuurlik vir Dianne lesse sou kon gee oor parlementêre kwinkslae, was Neelsie Langenhoven. Maar ek het net ‘n spesmaas as iemand vandag iets sou herhaal wat Langenhoven volgens oorlewering kwytgeraak het, naamlik daai een dat die helfte van die lede ‘n klomp ape is, sal die poppe veel erger dans as destyds.

    Volgens oorlewering het Langenhoven daarmee weggekom toe hy die beswaarde agbare lede in sy terugtrekking verseker het die helfte van die lede is nié ‘n spul ape nie.

    Trouens, ‘n hele rits opmerkings, selfs onskuldig bedoel, sal waarskynlik veel meer as vyf skorsingsdae en ‘n terugtrekking tot gevolg hê. Om so ‘n paar te noem: “Dit lyk of Kaapstad se dieretuin verhuis het.” Of: “Die sirkus is in die stad.”

    ‘n Opmerking soos: “Die ooievaar sit op die dak,” kan dalk ook groot teenspoed beteken.

    So fyngevoelig is die mense in die praathuis nou dat gebaretaal onverwags teenspoed gekry het. ‘n ANC-lid het glo vir Zuma se prosessie op pad parlement toe gewuif, maar is gearresteer en van crimen injuria aangekla oor dié vingertaal. Hy het na bewering net met sy middelvinger gewaai.

    Ja-nee, dinge sal nooit weer dieselfde wees nie. Ek bedoel, nie lank gelede nie het Johnny de Lange nog ‘n gedoktorde NNP-lid binne die parlement so hard gemoker dat die agbare lid op sy agbare agterent beland het. So hard, hy is heeltemal binne-in die ANC ingemoker is.

    Ek meen, dié insident sal nou seker maak dat Dianne nou ook ‘n vurige kampvegter vir Afrikaans word. Het sy maar, soos ‘n bekende Afrikaanse tennisspeler vir die skeidsregter in Afrikaans gesê het is ‘n &8&huis, haar ding in Afrikaans gedoen, het sy weggekom daarmee.

    Hoewel, ek dink daai spesifieke woorde sou die agbare verontregde lid ook verstaan het al was dit in Afrikaans gebesig.

    Maar niemand sal stry nie. Dianne het as kommunikator soos min ontpop. Net twee woorde en sy het meer aandag op haar gevestig en is ernstiger opgeneem as ‘n prez met twee spietse.

    средство для полоскания рта при воспалении десенФильчаков прокурор харькова

  • Helen die Hoogheilige

    Helen die Hoogheilige

    Helen ZilleKyk, ‘n politikus, maak nie saak van welke party nie, is nou maar eenmaal ‘n skynheilige kreatuur. Hulle het een stel beginsels vir hulself, en heeltemal ‘n ander stel waar dit by hul opponente kom. Helen-die-Hoogheilige Zille is geen uitsondering nie.

    Antie Helen is al lankal op ‘n kruistog oor ons vreeslose (en kondoomlose) leier se seksuele gewoontes. Sy kla lankal oor Jacob Zuma wat glo sy vrouens aan vigs blootstel. Toe die nuutste skandes oor Irvin Khoza se dogter op die lappe gekom het, was antie Helen voor in die koor van diegene wat hom gekasty het vir wat sy as Zuma se onverantwoordelike gedrag bestempel het. Dit is hier te kort en daar te lank; Zuma is ‘n openbare figuur en sy privaatlewe is wel iets waarvan die publiek hoort kennis te dra, aldus me Zille.

    Slim vang egter toe sy baas, toe Helen se eie trawant, Lennit Max, gevang word daarmee dat hy glo verskeie katte in die donker geknyp het. Nou is dit glo niemand se besigheid nie. Ek haal die ge-Botoxde een aan: “An extra-marital affair between consenting adults in private is not a matter that can be regulated by a political party, the state or the media.” Dus: as een van haar eie, Lennit Max, buite-egtelike verhoudings aanknoop, is dit glo privaatsake, maar as Zuma so maak, dan skeur antie Helen haar klere en strooi as op haar hoof.

    Ek weet nie waarom sy so op die verdediging is nie. Die DA sien homself hoeka as ‘n multi-kulti party. Is Lennit Max en Zuma se optrede nie juis in pas met die meerderheid van die land se kultuur nie? As Helen bloot die moeite sou doen om haar bediende of tuinier uit te vra oor hoeveel kinders hulle het en wil hê, sou sy tot ander insigte gekom het. As Helen nou slim was, sou sy padgegee het en plek gemaak het vir Lennit Max as leier, want hy is immers ‘n uitstekende voorbeeld van die einste multikulturele waardestelsel waaroor die DA so hoog opgee.

    table ukФильчаков

  • Zille sê nasionalisering geniet nie steun

    Helen Zille, DA-leier, het tydens ’n mediakonferensie by die parlement teen die nasionalisering van die myne gewaarsku.

    Volgens haar is nasionalisering van die myne nie ‘n kwessie wat enige steun in die kabinet geniet nie.

    Sy het ook gesê dit kan Suid-Afrika 10 jaar terugsit. “Ons het uit die semi-staatsinstellings geleer dat dit nie baie doeltreffend is nie. Die laaste ding wat ons wil hê, is om nóg tien jaar te verloor deur hulpbronne in ondoeltreffende, yslike staatsondernemings te stort.

    “Dit kan hulpbronne wegneem van produktiewe beleggingsbesteding wat aansporings en meer ekonomiese aktiwiteit kan skep.

    Sy het gesê dit is die verkeerde soort debat en ‘n mors van tyd.

    Die grootste struikelblok in ekonomiese ontwikkeling is volgens die DA-leier is nie die eienaarskap van myne nie, maar die gebrek aan vaardighede in die onderwysstelsel.

    046-1 бланкпрокурор харьковской области

  • Duisende steun petisie teen verskuiwing

    Die VF Plus het die afgelope Saterdag ‘n petisie in die Wesmoot geloods om die verskuiwing van ± 15000 inwoners vanaf Atteridgeville na die Andeon plotte, wat deur die Pretoria/Tshwane Metroraad beplan word, te stuit.

    Die gemeenskap het in hulle duisende opgeruk om hierdie veldtog te ondersteun wat gehou was by die Claremont parkie op die h/v Market en Bremerstrate in Claremont.

    Die veldtog wat om 08:00 sou afskop moes inderhaas vervroeg word omrede mense reeds vanaf 07:00 by die parkie saamgedrom het. Reeds om 09:00 het lang toue mense gestaan en wag om by die petisietafel uit te kom en moes vrywilligers inderhaas met lyste tussen die toue inbeweeg om die mense nie te lank te laat wag nie. Net na 10:00 het petisielyste opgeraak en het die plaaslike laerskool gehelp om nog lyste af te rol. Gewone lede van die publiek het ook met die lyste die strate ingevaar en van huis na huis beweeg en boere van die landbouhoewes  het met die vorms van hoewe na hoewe beweeg. Die lang toue in die parkie het gelyk asof dit ‘n verkiesingsdag kon wees.

    Die VF Plus se verteenwoordiger in die gebied, Philip van Staden, het sy dank teenoor die gemeenskap uitgespreek vir die goeie opkoms en die lede van die publiek bedank vir die hulp wat vrywillig aangebied is. “ Vandag is net ‘n bewys dat die gemeenskap siek en sat daarvoor is dat daar op hulle getrap word en dat hulle demokratiese regte vertrap word. Ons rig ‘n dringende versoek aan die Metroraad en die Gauteng Provinsiale regering om hierdie planne dringend te laat vaar anders gaan daar nie verantwoordelikheid aanvaar word vir die gemeenskap se optrede indien daar met die planne voortgegaan sou word nie.”

    Die petisie stel dit duidelik dat die inwoners en die VF Plus beswaar maak teen die volgende:

    * Die oorweging van die Pretoria/Tshwane Metroraad om ± 15000 inwoners van Atteridgeville te verskuif na Andeon plotte;
    * Plakkers in Hjalmer/Theo Slabbertstraat Pretoria Tuine;
    * Plakkers op Andeon plotte;
    * Duisende plakkers wat regering verskuif het na Hornsnekweg.

    Die inwoners en die VF Plus dring daarop aan dat:

    * die betrokke partye (in die geval die inwoners van Wesmoot) geraadpleeg word alvorens die besluit oor die verskuiwing van inwoners, vanaf Atteridgeville na Andeon plotte, finaal geneem word op die Raadsvergadering van 25 Februarie 2010; en
    * daar daadwerklik opgetree word om alle plakkers uit die Wesmoot te verwyder.

    Daar word op Saterdag 13 Februarie 2010 weer geleentheid vir inwoners gegun,wat nog nie die petisie onderteken het nie, om die petisie te kom onderteken.

    Met sluiting om 16:00 die afgelope Saterdag het reeds 4000 inwoners die petisie onderteken terwyl nog 500 vorms in die strate beweeg het. Die finale syfer sal eers teen 13 Februarie 2010 om 18:00 bekend wees.

    Die plaaslike wyksraadslid van die DA, Mev Suzette Fourie, en die ANC raadslid van wyk 07 het egter nie die veldtog kom ondersteun nie.

    feathered frenzyданильченко юрій броніславович компромат

  • ANC verwerp kwytskeldingsvoorstel

    Die kantoor van die ANC-hoofsweep het Donderdag gesê hulle sal die voorgestelde wetgewing op presidensiële kwytskelding, wat deur die Demokratiese Alliansie voorgestel is, “verwerp”

    Die DA het die wetsontwerp Woensdag ingedien nadat die presidensie bevestig het dat ‘n versoek om kwytskelding van Schabir Shaik ontvang is.

    Shaik is president Jacob Zuma se voormalige finansiële raadgewer, en is in 2005 skuldig bevind op aanklagte van bedrog en korrupsie.

    “Die wetsontwerp van die Demokratiese Alliansie het geen wetlike of feitelike basis nie, en grens aan ‘n voorgestelde hersiening van die Grondwet,” het ‘n vrystelling van die ANC-hoofsweep se kantoor Donderdag gesê.

    “Die voorstel is dus óf ‘n produk van powere regsadvies, óf die werk van ‘n onkundige, publisiteitshonger parlementslid.”

    Die wetsontwerp stel onder andere voor dat strenger maatreëls ingestel behoort te word om die redelike toekenning van presidensiële kwytskeldings te verseker.

    Pierre de Vos, ‘n kenner in Grondwetlike Reg, sê dié kwytskeldings is volgens die huidige Grondwet slegs onderhewig aan die prerogatiewe mag van die president, en is slegs beperk deur die bepaling dat dit in goedertrou toegeken sal word.

     

    free spins noлобановский александр интервью

  • Die keiser is kaal en die kroonprins ween

    Pas het beide die DA en die VF+ hul regeringsevalusie gedoen. Die benadering het effens verskil – waar die VF+ punte – meestal druippunte – aan spesifieke velde soos misdaadbekamping en ekonomiese sake toegeken het, het die DA rapporte aan ministers uitgedeel. Ook hier was druippunte aan die orde van die dag en het die Kabinet ‘n gemiddeld van minder as 5 uit tien behaal.

    Wat die oog die meeste tref is dat die DA aan pres. Jacob Zuma ‘n besonder lae punt toeken, maar die een uit tien wat hy vir respek vir die grondwet kry, is skokkend. Op die VF+ se rapport het Justisie ook ‘n baie lae drie uit tien gekry.

    Hierteenoor het TNS bevind dat Zuma se gewildheid weer ‘n hoë 58 persent behaal het, maar die Instituut vir Geregtigheid en Versoening het weer uiters negatiewe syfers oor Suid-Afrikaners se persepsies op die tafel geplaas.

    Zuma kan slegs homself blameer vir die druippunte wat hy en sy administrasie op verskeie terreine op die lyf loop. Traagheid om daad by die woord te voeg, is een. Uitsprake oor hoe korrupsie vasgevat gaan word terwyl Suid-Afrika nog verder op die internasionale korrupsie-persepsie-indeks terugsak, is ‘n verdoemende voorbeeld.

    In sommige gevalle, soos die Maroga – Chuene – aangeleenthede, is eventueel toegelaat dat die onvermydelike gebeur, maar wanneer dit by Julius Malema kom, word halsstarrig vasgeskop en selfs stroomop beweeg.

    Nou is die teerling gewerp. Die stout seun het by die SAKP se spesiale kongres opgedaag, is uitgejou, en toe hy op ‘n spreekbeurt aandring, is dit geweier.

    Na berig word het Bitterbang Bibberbeentjies Malema uitgestorm en gesê hy gaan Zuma vra om die SAKP te betig.

    Terwyl ‘n sug van verligting deur ‘n groot deel van die bevolking geslaak word dat Malema uiteindelik, al is dit net tydelik, sy rieme iewers in die alliansie vasgeloop het, het die SAKP ook genoeg gedoen om te bevestig dat dit steeds nie weet hoe die vurk met belangrike grondwetlike sake in die hef steek nie. Solidariteit en Afriforum – wat beide moeite doen om in pas met die beste internasionale praktyk van grondwetlikheid en die volkereg op te tree – is oor die kole gehaal oor hulle glo die kleed van omgekeerde rassisme oor die SAKP hang.

    Die blote gebruik van die term “omgekeerde” dui op ‘n versteurde persepsie van begrippe soos rassisme en diskriminasie. Dis nie maar iets wat soos ‘n Volla op die hoek omgekeer kan word nie. Rassisme bly rassisme en diskriminasie bly diskriminasie ongeag aan watter voet hierdie sokkie getrek word.

    Of anders gestel, deur sommige vorme van rassisme en rasgebaseerde diskriminasie te regverdig kom maar net weer op ‘n beheptheid met rassediskriminasie uit, en die blote feit dat dit aan ‘n ander voet pryk, het niks omgekeer nie.

    Trouens, eintlik was die aanvalle op Solidariteit en Afriforum regstegnies voortydig omdat die hofuitspraak oor ‘n belangrike faset afgewag word en kan Gwede Mantashe se aanval as minstens disrespekvol teenoor die regspraak vertolk word.

    Waar die gemeenskap wél rede tot kommer oor diskriminasie het, is die lot van mense met gestremdhede. Op die DA se telkaart het die minister wat met hierdie verantwoordelikheid toevertrou is, Noluthando Mayende-Sibiya, ‘n skamele 2,5 persent gekry.

     

    насосные станции ценыЛобановский

  • Afrikaners is slawe van DA-propaganda

    Afrikaners is slawe van DA-propaganda

    Gister was daar, waar ek woon, ‘n munisipale tussenverkiesing. Deur die moderne toepassing van die wetenskaplike metode te gebruik, kon ek waarneem, ‘n teorie vorm en die teorie bewys deur veronderstellings.

    Die demografie in die wyk is seker 70% blanke Afrikaanssprekendes, 25% blanke Engelsprekendes en 5% swart Sothosprekendes. 3 Partye het deelgeneem: die ANC, die DA en die VF+. Die uitslag is nog nie bekend nie.

    Die ANC het ‘n paar lamppale versier. Die DA het baie lamppale versier, uit Kaapstad gebel en op Engels gevra of hulle op my kan staatmaak en ‘n pamflet versprei oor hoe sleg die VF+ is. Die VF+ het vir die eerste keer in mense heugenis groot moeite gedoen om steun te verwerf. Daar was ‘n vergadering waar Pieter Mulder en Jaco Mulder ‘n klein groepie toegespreek het, daar was elke dag SMS-boodskappe in Afrikaans, daar was pamflette oor onbehoorlikhede in die DA beheerde stadsraad en daar was baie versierde lamppale.

    Ek hoor toe van blanke Afrikaanssprekendes wat sê dat hulle DA stem want almal wat hulle ken, stem DA. ‘n Skolier (leerder) meen die VF+ is rassiste.

    Hieruit kan ons nou aflei dat die moderne Afrikaanssprekende blanke:

    (a) nie vir homself kan dink nie,

    (b) te lui is om self inligting te bekom,

    (c) ‘n gewillige slaaf van propaganda is.

    Ons kan ook aflei dat enigeen wat ‘n boodskap aan hierdie moderne blanke Afrikaanssprekende wil oorbring:

    (a) ‘n sterk plaaslike struktuur moet oprig,

    (b) die boodskap deur tot deur moet oordra,

    (c) dalk ‘n dop-en-tjop-geleentheid moet reël met Casper de Vries en Joost van der Westhuizen as gaskustenaars.

    Een ding wat ek nog nie kon uitvind nie is: waarvoor staan DA nou eintlik? Is dit vir Dom Astrant, Destroy Afrikaners of het dit te doen met die “da” wat een van die Staal Burger-karakters altyd gebruik het.

    99spravokФильчаков прокуратура харьков