Oor die afgelope week was daar twee gevalle van swartes wat video’s van hulself maak waarin hulle voorgee om geld “te eet”. In die eerste video wat rondom 30 Oktober die rondte begin doen het, verskyn twee metropolisiemanne van Ekurhuleni wat geld eet, asook hul gesigte met geldnote afvee asof dit servette is. So pas het twee swart aktrises ook ‘n video versprei waarin hulle by ‘n tafel in ‘n restaurant aansit om ‘n “maal” van geldnote te geniet.
Die polisie ondersoek albei gevalle van geldeet want in die eerste geval verteenwoordig dit waarskynlik omkoopgeld wat deur die metropolisie aanvaar is en in die tweede geval is daar vermoedelik ook misdaad by betrokke. Daar word vermoed dat die geldnote van die aktrises verband hou met ‘n tas vol valuta wat in ‘n ander video verskyn.
In die video van die twee aktrises wat sout en peper op die geld strooi en deur ‘n kelner sjampanje aangebied word, verskyn ook ‘n sak met geld van die veiligheidsmaatskappy Fidelity Security. Dit het die vermoede by die polisie laat ontstaan dat dit moontlik geroofde geld kan wees.
Volgens ‘n woordvoerder van die SAPD, Vuyo Mhaga, is die polisie “bewus van die beeldmateriaal en is ‘n ondersoek gelas”.
Leave a Reply
You must be logged in to post a comment.