praag.co.za

Tier byt wit vrou dood

Written by

praag

in

,

Die bestuur en werknemers by die Laohu Valley-reservaat by Philippolis in die Vrystaat is in rou gedompel nadat ‘n werknemer, wat verantwoordelik was vir die welstand van tiere, Saterdag deur ‘n tier doodgebyt is.

Die tierplaas sê in ‘n verklaring dat die 43-jarige Vivienne McKenzie sedert 2002 by die plaas gewerk het. McKenzie het onder meer haar lewe aan die versorging en beskerming van die bedreigde Suid-Chinese tiere gewy.

‘n Emosionele Heinrich Funck, bestuurder van die tierplaas, het aan OFM-nuus gesê dat ‘n projekspan en die owerhede tans besig is met ’n deeglike ondersoek om vas te stel wat gebeur het.

Daar word vermoed dat McKenzie vergeet het om die hok agter haar te sluit.

Funck het ook sy medelye met die familie van Mckenzie betoon en haar geloof vir haar passie en toegewydheid.

Polisiewoordvoerder, Maselela Langa, het die voorval bevestig.

Die vyfjarige tier, “Beta”, is intussen van kant gemaak.

Bron: OFM

Comments

4 responses to “Tier byt wit vrou dood”

  1. Jared van Niekerk Avatar
    Jared van Niekerk

    Dus word ‘n dier van kant gemaak omdat die vrou onnosel was. Pleks hulle skiet die eienaar deur die kop.

    1. Mattewis Kat Avatar
      Mattewis Kat

      Moet mense wat bokke jag of boere wat daagliks duisende varke/skape/beeste van kant maak sodat jy kan braaivleis eet, ook vermoor word? Jou moordpraatjies in ‘n land waar geweldsmisdaad hoogty vier, is goedkoop. Bid maar dat jy nie self die slagoffer word van jou ydele woorde nie!

  2. Riaan Slabbert Avatar
    Riaan Slabbert

    Rasistiese tier

  3. Suidpunt Avatar
    Suidpunt

    Dit bly ‘n etiese kwessie wat my pla.

    As ons die diere alleen laat, gaan hulle beslis uitsterf. Ek glo glad nie meer in Grzimek se gesanik: “O! Ons het die arme diere vir eeue van hul grond beroof, nou moet ons grond aan hulle afstaan en in vrede laat” nie. Ek is een van daardie wat ‘n kampioenaartappel in daardie ekoradikale groot monde “animals belongs in the wild!” wil druk. Ek is ook een van daardie wat eerder lanings bome sal aanplant voordat ek ons dorp in woestynsand sien verander. Daardie diere kan nie meer vir hulself omsien nie. Hulle is permanent onderworpe aan opportunistiese stropers, misdadigers en ander natuurelemente soos siektes, plae, droogtes, kosskaarstes, ander roofdiere, territoriumverkleining, ens. Naas orige toeriste wat permanent in hul auras wil inklim.
    Maar net die mens sal so slim wees om damme te grawe en windpompe in te span om water dwarsdeur die jaar te voorsien vir die diere. Diere kan nie sover dink nie – hulle migreer net waarheen hulle moet. En as daar heinings in die pad is, waarheen moet hulle gaan?

    Ek het in my boekrak aanwysings deur Joy Adamson (Queen of Shaba: The story of an African Leopard), Ann van Dyk (The Cheetahs of De Wildt), Gillian van Houten (The Way of the Leopard) en die onlangse Fransje van Riel (My life with leopards) hoe om luiperds en jagluiperds groot te maak. Almal het dit gedoen 1) omdat die diere deur die moeders verstoot of verwerp is en 2) die diere weer in die natuur vrygelaat sal word. Die vraag is nou of ons dit moet doen of nie: dis of die diere aan hulle eie lot oorlaat (moontlike uitsterwing), of voortteel in gevangenskap. Doen jy niks, is daar nog een dier minder. Doen jy iets, is jou lewe in gevaar.
    Gee jy geld vir die WWF, mors hulle jou geld uit op luukse hotelle om die beskermhere en geldskieters te pamperlang (lees: jou geld bereik nie sy bestemming nie). Ek het trouens ‘n baie interessante boek gelees, genaamd Schwarzbuch WWF ( https://af.wikipedia.org/wiki/Schwarzbuch_WWF ). En dierehabitat met duisende toeriste versteur. As jy nie natuurorganisasies met jou geld kan vertrou nie, moet jy liefs iets self doen. As die kolonialiste dit in die verlede kon regkry, kan ons dit vandag ook doen.

    Elkeen van die opsies het natuurlik gevolge: Op Gumtree en elders is daar seker meer Koningsluislange (Royal Pythons; Python regius) wat te koop is as wat daar seker in die hele Afrikareënwoud oor is. Elke week is daar nuwe advertensies met nuwe slange wat niemand meer wil hê nie. Dieselfde met Birmaanse en Indiese luislange: daar is vandag seker meer van sulke slange in aanhouding te vinde as in die natuur waar hulle geplunder word. Waar een deel van die mensdom roofdiere voor die voet doodmaak of in sakke stop om geld te maak, is daar ‘n ander deel wat diere sover moontlik vir die nageslag wil behou en vermeerder (dikwels ongelukkig in substandaard hokke ja).

    Die donker kant is egter die diere se gedrag: diere kan lieflik wees, hulle KAN afgerig word, maar hulle KAN NIE getem word NIE. Hulle bly roofdiere. Daar is party wat in hul hele lewe nie ‘n vlieg sal skade aandoen nie; maar hoe sal jy weet?

    So graag soos ek ‘n melanistiese luiperd (swartluiperd) wil hê vir ‘n troeteldier, so graag soos ek hom vir geselskap wil hê op die rusbank voor die TV… of langs my op die bed as kopkussing terwyl ek PRAAG lees en aan ‘n druiwetros peusel (ja, net soos die Griekse god Bacchus!) … of vir lewensgetroue beskerming in die aande terwyl die sterre en vuurvliegies flonker… of soggens om 07:00 onder die muskietnet wakkergelek word… Dit bly maar net ‘n utopiese, paradyslike droom.

    Dus: Damned if you do, damned if you don’t.

Leave a Reply

More posts