Die Airbus-stigting sal met die Internasionale Federasie van die Rooikruis en Rooikruisverenigings (IFRC) asook Airlink saamwerk om hulp aan arm lande te versprei.
Andrea Debbane, uitvoerende direkteur van die Airbus Foundation, het in die Dublin, Ierland ‘n beroep gedoen op wêreld se grootste lugrederye om noodvoorrade te help vervoer na geteisterde gebiede.
Sy het gesê rederye sal versoek word tydens die Wêreldlugvaartberaad en algemene jaarvergadering van die Internasionale Lugvaartvereniging (Iata) wat tans in Dublin plaasvind, om by noodlenigingswerk betrokke te raak.
Sy sê dié stigting het reeds in samewerking met die Rooikruis, nie-regeringsorganisasies en van Airbus se redery-kliënte die wêreld se armstes bygestaan deur miljoene euro se noodvoorrade na hulle te vervoer.
Airbus Foundation se program behels die vervoer van noodvoorrade wanneer nuwe, leë vliegtuie afgelewer word.
Hulle wil medisyne, watersuiwerings- en sanitasietoerusting, asook kos en klere vervoer na gebiede waar mense in dringende nood verkeer.
“Ons doen dus nou ’n beroep op ons kliënte en ander groot lugrederye om toekomstige inisiatiewe te ondersteun en te wys die lugvaartbedryf kan ’n kragtige vennoot in noodleniging wees,” het Debbane gesê.
Leave a Reply
You must be logged in to post a comment.