praag.co.za

OVK-voorsitter bedank

Written by

praag

in

,

Die voormalige voorsitter van die Onafhanklike Verkiesingskommissie, Pansy Tlakula, het die handdoek ingegooi, nadat sy glo by onregmatige besteding en korrupsie betrokke was.

Die ANC het Tklakula vir haar bydrae bedank tydens haar ampstermyn by die kommissie.

Tlakula het bedank nadat sy haar stryd in die Grondwethof verloor het om ‘n uitspraak om te keer dat sy die pos moet ontruim.

Sy is in ‘n verslag van die Openbare Beskermer en die Tesourie oor die kole gehaal weens ‘n huurtransaksie van 320 miljoen rand vir die OVK se hoofkwartier wat volgens hulle onreëlmatig was.

‘n ANC-woordvoerder, Moloto Mothapo, sê haar bedanking bring ‘n einde aan ‘n moeilike tyd vir haar asook die instelling waarvan sy voorsitter was.

Moloto sê hulle is vol vertroue dat die OVK weer sy reputasie sal herstel as ‘n instelling wat oor ‘n regverdige, deursigtige en geloofwaardige verkiesing toesig kan hou.

Comments

5 responses to “OVK-voorsitter bedank”

  1. Rooikop Avatar
    Rooikop

    Hulle het vir Tlakula bedank – dankie dat jy jou deel ook gedoen het om die kaders te verryk. (Met so ‘n klad teen haar naam, kan mens die verkiesingsuitslae glo? – My persoonlike opinie het ek ook nie die natte se uitslae geglo nie)

    1. Rifrug Avatar
      Rifrug

      Ons weet nie wie verkiesings-bedrog uitgedink het nie, maar die Nasionale Party het daarop verbeter, en die ANC het dit vervolmaak.

      1. Gas Avatar
        Gas

        Die DA het hulle rol gespeel in die afronding. Hulle het die stemme vir kleiner partye by hul eie stemme gestel want hulle het die kaders by die lokale vertel dis hoe die wiskunde werk. Dit het ‘n ANC Joef met sy eie bek vir my verduidelik. Die verkiesing was ‘n totale klug. Die DA het heeltemal uit die bus geval want die EFFers het hulle stemme gevat. Die uitslag was bekook. Pansy se borg is die voorsitter van Abcon

        1. Johan DeWet Avatar
          Johan DeWet

          Ja, siende dat almal “betaal” word om tydens die verkiesing te werk, weet hulle seker goed wat hulle moet doen as die stemme getel word.

          1. Ratel Avatar
            Ratel

            Dis wat ek nog altyd se: dis nie hoeveel kruisies getrek word nie, dis hoeveel kruisies getel word.

Leave a Reply

More posts