praag.co.za

Koperdiefstal buite beheer

Written by

Karin Roodt

in

,

Verliese van koperdiefstal is op met 71% van ‘n jaar gelede, met maatskappye wat skade van R15.4 miljoen in Mei aangemeld het.

Syfers saamgestel deur die Suid-Afrikaanse Kamer van Koophandel en Nywerheid, wat data van lede – maar nie van munisipaliteite nie – insluit, wys 214 ton koper is verlede maand gesteel.

Dit kom neer op verliese vir die jaar van ten minste 824 ton ter waarde van R61 miljoen. Dit is byna 20% hoër as in dieselfde tydperk verlede jaar.

Verliese van koperdiefstal, insluitend verliese waar kragonderbrekings voorkom, is nog veel hoër as die data van nie-lede ook in berekening gebring word.

Uitvoere van koperskroot beloop byna R2 miljard in die eerste vier maande van die jaar, volgens statistiek van die Suid-Afrikaanse Inkomstediens.

Koperdraad is verantwoordelik vir slegs R51.5 miljoen, met allerlei ander items wat die grootste deel daarvan uitmaak.

Die meeste uitvoere is na China, Indië, Suid-Korea, die Midde-Ooste en Europa.

Omdat streng wette geld, moet handelaars gedetailleerde rekords van transaksies hou. Dit sluit in die registrasie van die identiteite van mense waarby materiaal aangekoop word en besonderhede van hoe die goedere verkry is.

Koperskroot haal tussen R53 en R62 per kilogram, afhangend van die graad.

Comments

2 responses to “Koperdiefstal buite beheer”

  1. Rooikop Avatar
    Rooikop

    Dit is nie net koper wat weggedra word nie- alles van metaal. Kyk maar na die veiligheidsreëlings van brue, die gebou wat op ‘n paar diewe geval het daar in Soweto ens.

    Daar is plekke waar hylle in mense se huise inbreek en die bedrading en koper pype steel – sonder om die water toe te draai! Dan word daar ook baie van die aardkabels in elektriese installasies gesteel – die probleem niemand kom hierdie agter totdat iemand doodgeskok word of beveiliging nie werk nie wat tot miljoene se addisionele skade ly.

    Hierdie is eintlik maar terrorisme op ‘n persoonlike skaal van die sogenaamde “honger massas”.

    Die artikel dink ek verwys ook na direkte kosteverliese – die indirekte verliese is 5-10 keer hoër.

  2. Andy Avatar
    Andy

    Kyk as ons moet gaan sit en somme maak, en bereken hoe veel skade hierdie land van ons lei deur , Bedrog veral deur staats amptenare en beteken van die president van die land tot onder , Renosterhoring stropings , Koperkabel diefstal, Boikotte, Stakings, ens is dit werklikwaar n wonderwerk dat ons nog staande bly en alles nie net in duie stort nie.
    Ek is egter bevrees dat dit wel gaan gebeur, die vraag is net wanneer, en dit is die miljoen dollar vraag.
    Ek besef weer al meer die waar woorde van Dr Dan Roodt tov die AFVROTTING VAN DIE STAATSDIENS.
    HOE LANK NOG

Leave a Reply

More posts