praag.co.za

Category: Leef

  • Lus vir olywe?

    Lus vir olywe?

    {jathumbnail off}

    Nog ‘n bietjie van daardie vinkel oor? Hier is nog ‘n lekker resep. Die vinkel kan ook vervang word met selderystingels.

    Die slaai hou goed vir ‘n dag of twee in die yskas, sonder die tamatie natuurlik. Voeg tamatie by net voor opdiening om te verseker dat die slaai vars is.

    OLYF-EN-RYSSLAAI

    Meng ‘n ‘n eetlepel of twee wilde rys met ‘n koppie witrys en kook gaar in groente- of hoenderaftreksel en laat afkoel.
    Rooster intussen ‘n kleinerige eiervrug, so groot soos ‘n appel, in blokkies gesny tot gaar.
    Sny 2 murgpampoentjies, 2 vinkelstingels en ‘n paar grasuie in dun skyfies en voeg saam met die eiervrug by die rys.
    Voeg dan 10 tot 15 groen olywe en eweveel swart olywe by.
    Voeg 10 tot 15 gehalveerde kersietamaties by en meng.

    Maak ‘n slaaisous van gekapte vars pietersielie, knoffel en basiliekruid met olyfolie en suurlemoensap en giet oor die slaai.

    Meng goed en versier met gekapte dillekruid.

    Heerlik saam met koue vleis!

    купить липецк аргонодуговая сваркаАлександр Фильчаков

  • Vinkel, ‘n Italiaanse kinkel

    Vinkel, ‘n Italiaanse kinkel

    {jathumbnail off}

     

    Hier is nog ‘n maklike slaai met ‘n Italiaanse kinkel. Die vinkel onttrek die skadelike en potensieel toksiese anti-oksidante wat dikwels in verwerkte kosse aangetref word en is ‘n interessante smaakbyvoeging. Die slaai werk ook sonder die vinkel

    BEET, LEMOEN en VINKELSLAAI

    Kook ‘n klein bossie vars beet tot sag en laat afkoel. Of gebruik sommer gaar beet, verkieslik dié wat nie in asyn ingelê is nie. Skil en sny in skywe.
    Rangskik op ‘n mooi bord.
    Sny die skil van twee lemoene af en wikkel die segmente uit die vlies en rangskik oor die beet.
    Sny ‘n vinkelbol in baie dun skywe en plaas op die beet en lemoen.

    Maak ‘n slaaisous van ‘n teelepel olyfolie, vars tiemieblare en twee eetlepels lemoensap.

    Bedrup die slaai en bedien saam met skywe gebraaide Haloumikaas en ‘n kraakvars warm Franse brood.

    Mmm, smaaklik!

    free 10 noлобановский александр компромат

  • Somer is slaaityd!

    Somer is slaaityd!

    Somer is nie die beste tyd om voor die warm kospotte deur te bring nie. Dis defnitief die lekkerste tyd om te smul aan iets kraakvars en gesond.

    Waatlemoenskywe in blokkies gesny met ‘n paar vars, soet perskesnippers daarby, is mos hoogsomersmulkos!

    Praag het ‘n paar besonderse somerresepte gaan uitsnuffel wat minder as 20 minute neem om aanmekaar te slaan en nie ure se geswoeg voor ‘n stoof beteken nie. Elke dag of wat gaan ons die smaakkliere ‘n bietjie prikkel met iets nuuts.

    Nie elke item hoef van die duurste kwaliteit te wees nie, maar ryp, smaaklik en sappig is ononderhandelbaar!

    Die resepte gebruik dikwels sout want dit verbeter die smaak. Peper, vars gemaal, is na gelang van elke smaak.

    Ons eerste somerslaairesep gebruik nie eens olyfolie nie, dus is dit uitstekend vir die figuur en boonop goedkoop.

     

    KOMKOMMERSLAAI met ‘n wortel-en-gemmer slaaisous

    Wortel-en-gemmer slaaisous

    Gooi ‘n duimpuntjie gemmer, gekap, en ‘n koppie wortelsap in ‘n kastrolletjie en kook vir 5 minute.
    Laat afkoel en versap met ‘n eetlepel druiwepitolie. Voeg ‘n eetlepel appelasyn by en meng goed.
    Versoet met suiker indien verlang.

    Komkommerslaai

    Was sorgvuldig en sny ‘n komkommer in dun skyfies; dit hoef nie geskil te wees nie.
    Sny ‘n rooi ui ook in dun skywe.
    Meng die komkommer en uie.
    Sny ‘n klein rooi soetrissie in dun skyfies.
    Rangskik die gesnyde groente op ‘n paar vars ysbergslaaiblare en ander jong groen blaartjies. Baba-spinasieblaartjies is heerlik.

    ‘n Volgraanbroodjie en roomkaas daarby maak ‘n voedsame maaltyd.

    Klik op die foto om te vergroot

    правило укладки ламинатаДанильченко Юрий Харьков

  • Grasmere, juweel van die Mere-distrik

    In die middel hiervan lê Grasmere, 'n klein dorpie, prentjiemooi en veral bekend vanweë die digter William Wordsworth (1770-1850), wat hier gewoon en gedig het. Hy het Grasmere die lieflikste plek wat ooit ontdek is genoem en dit treffend soos volg verewig:

    I wandered lonely as a cloud (1815)

    I wondered lonely as a cloud

    That floats high o’er vales and hills,

    When all at once I saw a crowd,

    A host of golden daffodils—

    Beside the lake, beneath the trees,

    Fluttering and dancing in the breeze.

    Ja, toegegee, vandag is Grasmere oorgegee aan die toerismenywerheid, en bestaan die dorpie hoofsaaklik uit geskenkwinkels, restaurante en gastehuise. Tog het dit, veral te danke aan die eenvormige boustyle met leiklip, die welige plantegroei en die afwesigheid van Amerikaanse kitskos en koffiewinkels, baie van sy sjarme oorgehou.

     ImageImage

    Verblyf is volop; daar is baie gastehuise en hotelle om van te kies. Reg in die middel van die dorp is die Red Lion Hotel, wat, indien jou begroting dit toelaat, glad nie 'n slegte keuse is nie.

    Onthou om jou stapskoene in te pak; hier is myle se staproetes wat deur toeriste van oor die hele wêreld deurkruis word. Mens sien veral families, wat met hul kinders hier kom stap as ontvlugting van die stad. Die area is baie stapvriendelik en oud en jonk geniet dit om die talle staproetes te ontdek tussen meer, boom en bos.

    Dit is nie te ver om vanaf die dorpie na die Grasmere-meer self te stap nie, en die ervaring is op sy beste vroeg in die oggend, terwyl die mistigheid orals om jou opstyg. By die meer aangekom kan jy ook 'm roeiboot tussen die maande van Maart tot November huur.

    Moenie Sarah Nelson se bekende gemmerbroodwinkel mis nie. Sarah het in 1850 begin om gemmerbrood te bak en die geheime resep het oor geslagte heen behoue gebly. Die winkel was oorspronklik 'n skool waar William en Dorothy Wordsworth skoolgehou het. 

    ImageImage

    Sarah Nelson se gemmerbroodwinkel, in 1860 en hoe dit nou daar uitsien.

    Dove Cottage is gerestoureer om mens 'n idee te gee van hoe dit gelyk het toe Wordsworth daar gebly het. Reg langsaan is ook die bekende Wordsworth-museum.

    Image
    Dove Cottage waar Wordsworth gewoon het.
    Image 
    Wordsworth se graf, een van die bekendste grafte van literêre figure.

    ukladka-parketaДанильченко Юрий Харьков

  • Withuis verander klerestyl

    Image

    Obama, die president sonder baadjie

    President Barack Obama is afgeneem in die Ovaalkantoor sonder sy pak se baadjie aan. Maar daar was 'n logiese verduideliking daarvoor: Obama wat nie van koue hou nie het die lugreëling se termostaat warmer gestel.

    "Hy is van Hawaii afkomstig, reg?" het Obama se senior adviseur David Axelrod gesê. "Hy hou van die hitte. Mens kan orgideë daar binne groei."

    Onder Bush se bewind was stiptelikheid belangrik. Vergaderings het vroeg begin – die voormalige president het eenkeer die minister van buitelandse sake, Colin Powell uit die Kabinetskamer gesluit toe Powell 'n paar minute laat was – en betyds geëindig. In die Obama-Withuis begin vergaderings op die regte tyd en eindig dikwels laat.

    "Ek sal nooit vergeet nie, ek het een Saterdagoggend werk toe gegaan en is ingeroep Ovaalkantoor toe omdat hy ongelukkig was oor iets," het Dan Bartlett, 'n adviseur vir Bush gesê. "Ek het kakieklere aangehad en 'n hemp waarvan die kraag nie toegeknoop was nie, ek moes by die deur staan en is vir 15 minute uitgevreet en is nie toegelaat om oor die drumpel te tree nie."

    Obama het ook 'n meer ontspanne gevoel in sy openbare verskynings. David Gergen, 'n adviseur vir beide Republikeinse en Demokratiese presidente, het gesê dat Obama 'n soort van "Aloha Zen" uitstraal, 'n soort van gemaklike kalmte, wat Gergen gesê het 'n man weerspieël wat "gemakliker is, en nie so vol van homself nie".

    тамбов стендлобановский александр харьков

  • Neute kan hartsiektes verminder

    Spaanse navorsers het bevind dat dit beter werk om neute in kos te sit as om die kos met olyfolie te besprinkel, soos wat baie in Mediterreense diëte gedoen word. Beide metodes help om hartrisiko's, bekend as metaboliese sindroom, te verminder in meer mense as wat 'n lae-vetdieet doen.

    "Wat baie verrassend is, is dat hulle substansiële metaboliese voordele gevind het in vermindering van kalorieë en gewigsverlies," het dr. JoAnn Manson, hoof van voorkomende medisyne by Harvard se Brigham en Vrouehospitaal gesê.

    In die studie, wat Maandag verskyn het in die Archives of Internal Medicine, is die mense wat die meeste verbeter het aangesê om ongeveer drie okkerneute, sewe of agt haselneute of sewe of agt heel amandels te eet. Hulle het nie gewig verloor nie, maar meer van hulle was suksesvol daarmee om maagvet te verloor en hulle cholesterol- en bloeddrukvlakke te verbeter.

    lots of slotsОлександр Васильович Фільчаков

  • Raak wyn polities onkorrek?

    In ‘n poging om drankvergrype onder Franse tieners te probeer hokslaan, het die regering verlede week voorgestel dat die ouderdom waarop tieners drank mag koop van 16 tot 18 verhoog word. Die regering wil ook alkoholverkope by vulstasies verbied en die “drink soveel jy kan”-op kroegaande by skole beëindig.

    Die Franse laat-maar-gaanhouding is oor die laaste 4 jaar getoets met ‘n 50%-verhoging van tieners onder 15-jarige ouderdom wat in die hospitaal beland het weens dronkenskap, het die ministerie van gesondheid berig.

    “Drankvergrype is nie net meer ‘n Angel-Saksiese probleem nie”, het Alain Rigaud, president van ANPAA, ‘n anti-alkoholgroep, gesê.

    Die wynnywerheid het gesê dat die beoogde maatreëls van die regering min gaan doen om die probleem op te los, en gaan ‘n industrie wat reeds swaar trek verder skade aandoen. Franse tieners beskou wyn as iets wat deur hulle ouers gedrink word, en as hulle wil dronk word, gebruik hulle eerder bier of hardehout.

    Terwyl bier- en hardehoutgebruik effe gestyg het in Frankryk in onlangse jare, het die inname van wyn gedaal tot ‘n gemiddeld van 56 liter per persoon per jaar, van ‘n hoogtepunt van 100 liter in 1960, volgens die nasionale statistiekburo. Vir totale wyninname, blyk dit dat Amerika Frankryk gaan verbysteek, volgens ‘n studie wat vir Vinexpo, ‘n wynskou in Bordeaux, gedoen is, hoewel Frankryk voor bly op ‘n perkapitavlak.

    Franse wynproduksie het gedaal, en ‘n verdere daling word verwag met die inkorting van subsidies van die EU. Om dinge vir wynmakers nog moeiliker te maak, is die president, Nicolas Sarkozy, ‘n geheelonthouer. 

    леґотопкарго отзыв

  • As manne sag vat

    Die Bybel, wat die man as die hoof van die huis uitwys, het steeds vir my ‘n groot krag en waarheid.  Ek glo nie aan die onderdrukking van die vrou nie, glad nie!  Mans wat hul vroue woordeliks of liggaamlik skade berokken het tot die laagste van laagtepunte gedaal. 'n Man wat sy vroulike metgesel met deernis behandel, maak my vrouehart week en verkry onmiddellik my hoogste agting.

    Vir my is daar egter troos in die woorde: "Kom ons hoor wat sê Pa."  Dit beteken geensins dat ek nie 'n eie opinie oor die saak kan vorm nie, maar die laaste beslissing is meestal by Pa – wat ook die verantwoordelikheid van die besluit neem.  

    Dit laat my veilig en beskut voel.  Sy liefde en besorgdheid is ons hawe.  Maak dit sin? Vir my, ja. In hierdie wêreld wat so onseker is, is dit die enigste ding wat nog seker kan voel.  Elke groep het tog 'n leier, so is die gesin ook 'n besonderse groepie en moet dit ook 'n leier hê.

    Dit is nog vir my lekker as my man my hand vat as ons oor die straat stap.  As hy my help met 'n swaar pakkie of al sy krag gebruik om ‘n skroefbottel oop te draai.  Dit is vir my wonderlik as hy oor my besorgd lyk as ek moeg is en die werk uit my hande neem. Dames, wees nou eenmaal eerlik, ons is liggaamlik tog die swakker weergawe!  Die meeste van ons wil volkome vrou voel en so behandel word.  'n Onbekende skrywer sê die volgende: '”n Dame is iemand wat 'n man soos 'n ware heer laat optree.” (Vry vertaal.)

    Daar is plek vir sterk vroue in ons wêreld. Vroue wat die sakewêreld betree kan dieselfde skuiwe as haar manlike eweknie maak, sy kan dieselfde ure insit en sy moet ook dieselfde vergoedingspakket kry, maar die verskil is dat sy vanaand by die huis moet kom en die bestuur van  'n huishouding met Pappa moet deel en hom toelaat om haar te vertroetel en die verantwoordelikheid te neem  om die gesin kerngesond te hou.

    Daar is vroue wat nêrens manlike gesag duld nie. Hulle betoog, skryf versoekskrifte en hou konferensies oor vroueregte. Hulle ken nie die geheime wapen van vroue, dat  deur swak voor te kom, hulle eintlik die wêreld kan regeer nie.

    Om dan totaal geëmansipeerd te wees, is goed vir die vrou wat dit voorstaan, maar in die proses moet hulle bereid wees om sekere voorregte in te boet en bederf af te staan.  "As jy veg soos 'n man, moet jy bloei soos ‘n man."  Die sagte vat van die manne is vir die sagtes onder die vroue; oftewel vir diegene wat bereid is om dit te wíl wees.

    из италииОлександр Фільчаков прокурор

  • Agter elke man, staan ‘n ingeligte vrou

    Miskien moet ek 'n raps meer agtergrond oor manlief gee. Sy belangstellings in rolprente en aktrises is skraps. Hy slaap dwarsdeur tagtig persent van die flieks wat ons kyk en as hy wakker bly tot aan die einde is dit 'n teken dat die fliek aan te beveel is! Byna daagliks moet ek verduidelik wie  Tom Cruise en wie Brad Pitt is, hy verwar kronies die twee. Hy ken slegs 'n paar sterre op die naam, omtrent net Nicole Kidman (sy is vir hom baie mooi, maar nou te maer) en Jessica Simpson (al is sy dalk nie so slim nie, dink hy sy is oulik). O ja, en hy ken vir Paris Hilton as gevolg van haar oor-blootstelling deur die media. Nou, op die Saterdagoggend weet hy dadelik van wie ek praat as ek Kate Hudson se naam noem. Ongelooflik!

    Die Sondag kuier ons by vriende en ek vertel hoe ingelig hy is. “Wie is die vrou?” vra buurman. “Sy is 'n blonde model met 'n man wat met dwelms deurmekaar  is,” sê manlief dadelik. So kom ons toe agter hy is eintlik besig met Kate Moss, die model, en is toe glad nie so ingelig nie!  Na ons breedvoerig verduidelik het, sê hy: “Ag, miskien geld dieselfde kommentaar vir hulle ook: Hollywood is Hollywood, almal is op dwelms!”

    Die kennis van watter rolprente ons al gesien het en wat goed sal wees om te sien, moet ek altyd onthou. Sy gunstelingakteurs moet ek menigmaal uitwys. “Onthou jy,” sal ek sê, “dit is die ou wat in 'Beautiful minds' gespeel het.” En dan gaan daar gewoonlik darem 'n lig op. Ek is ook die een wat  die name van die flieks wat vir hom goed was, onthou. My wederhelf is nou maar eenmaal nie op die rolprentbedryf ingestel nie. Hy gee net te min om, om sy kosbare geheue daaraan te wy. Hy lees liewer graag 'n boek en kyk dokumentêre films oor dinge wat saak maak. As hy dan ook die dag positief oor 'n rolprent voel, is dit gewoonlik gebaseer op ware gebeure.

    Van wêreldsake weet manlief meer as ek. Die ekonomie maak vir hom definitief meer sin. In 'n gesprek oor oorlogvoering, rugby en krieket is hy altyd die fundi. Hy weet van pype, motors en huisplanne, maar iewers in die spektrum van alle kennis het ek ook 'n plekkie om te vul – agter sy blad staan ek stewig en kry my eie toekenning vir ingeligtheid, al is dit nou net vir 'n paar oomblikke se vermaak. Die vrou agter mý wederhelf is beslis 'n ingeligte fliekvlooi!

    санкт-петербургФільчаков Олександр Васильович прокурор

  • Alles gaan oor gereedskap

    Om 'n moeilike materiaal met 'n stomp skêr te probeer knip, kan senutergend wees. Lê 'n patroon uit met net 'n paar spelde of werk 'n soom in met 'n veels te groot naald. Nee, mens se gereedskap moet reg wees.

    Die waarheid is nie net waar as jy 'n naaldwerkster is nie. Probeer kook sonder die regte maatkoppies, lepels en  bakke. Resepte waar gesif word sonder sif. 'n Mengsel wat geklop word sonder spaan en probeer eiehandig 'n elektriese klitser se werk verrig. Nee, 'n mens se gereedskap moet reg wees, stem jy dan dadelik saam.

    Verwers moet die regte kwasse, skrapers en verwe hê. Die tuinier benodig sy graaf, sy vurk en sy kruiwa. Die nutsman is nutteloos sonder sy boor, sy hamer en saag. Ure se gesukkel kan in minute verby wees met daardie een stukkie gereedskap wat die ding kan doen.

    Wat my pa in sy wysheid egter nie gesê het nie, is dat gereedskap sonder kennis nutteloos is en dat daar mense is wie se handigheid enige gereedskap oorskadu. So sal ek my hande saamslaan oor die nuttigheid van sommige gebruiksartikels in die hande van 'n regte nutsman. Dit laat my altyd met die gevoel: Hoekom het ek so min inisiatief?

    'n Vriendin met 'n prentjiemooi huis en tuin, kleur tot haar eie verf om dit  te kry soos sy dit wil hê.  Sy het die waagmoed om selfs 'n bietjie koffie by haar verf te gooi met  skitterende resultate. Ek kyk wat sy vermag en weet dat ek  inderdaad iets in my sisteem kort, 'n besonderse stuk gereedskap waarmee ek myself tot 'n wen-idee moes motiveer.  Die Afrikaanse Tesourus van L.G. de Stadler noem 'n rits woorde wat met moed, durf of fut te make het: koenheid, dapperheidm, braafheid, onversaagdheid, ridderlikheid, vreesloosheid, overskrokkenheid, wagmoed, koerasie, kordaatheid, kloemoedigheid, stoutmoedigheid, daadkrag, sangfroid, pit, dryfkrag, ens. Dit klink soos karaktertrekke van 'n Voortrekkerleier, maar in hierdie moderne tyd kort ek ook 'n handvol daarvan.

    Dan is daar die derde groot, onweerlegbare waarheid: al die gereedskap ter wêreld en al die waagmoed in die heelal, bring jou nêrens sonder harde kontant nie! Die dekorboeke wat in groot letters uitspel: “Doen dit met wat jy het,” leef nie saam met dié waarheid nie. Hulle spin om jou 'n ragfyn kokon van: “Sê nou maar dit was moontlik”, want op die ou einde moet jy betaal of tot verhaal kom!

    So sit ek in my sitkamer en bekyk my mure: sê nou ons verf die mure 'n pampoenoranje? Sê nou maar ek het die kontant om te koop wat ek moet en iemand te kry om die verfwerk noukeurig te doen, sou die mense van my ook sê: “Sy het fut, durf en waagmoed. Sy is koel en sjiek en inpas! Haar huis is so oe-la-la en sjiek-boheems.  Of sal hulle bloot vra: “Wat het skeefgeloop?”

    погремушкиАлександр Фильчаков прокурор

  • Wie hou die pot aan die roer?

    Êrens tussen gister en vandag het dinge egter verander.  Nadat sy aangesê is  om die klitser te kry en die sous te roer,  merk my dogter (reeds 8 maande op haar eie) verbaas op : “O, is dít wat mens met dit maak, ek kon nog nooit 'n rede kry om myne te gebruik nie!” Ek kon haar maar net stom aankyk!

    Nog erger, 'n bekende, 33 jaar oud, het baie beslis haar kastrolle by haar ma op die plaas gaan aflaai; dit staan net haar kaste vol, het sy onomwonde verklaar.

    'n Ander jong dame is bekommerd, sy sal  die samoesas wat sy vir 'n geselligheid wil voorsit nie kan braai nie, want sy het nie 'n elektriese diepbraaier nie! Vele mammas sal nou in 'n koor sê: “maar julle moes hulle geleer het!” Feit is ons het probeer, maar anders as by ons, was die belangstelling nie daar nie!

    Jamie Oliver, die befaamde “kaal kok”, vertel dat hy van kleins af in sy pa se restaurantkombuis in Claving, Essex geboer het en toe hy 11 jaar was, was hy al gemaklik met heelwat kombuistake. Op sestien was sy belangstelling in so 'n mate geprikkel, hy wou net 'n sjef word! Dít is spontane belangstelling!

    Met groot blydskap sien ek 'n kookboek van Jamie Oliver, op my seun Lourens se sewentiende verjaardagwenslysie. Sy meisie koop dit toe ook vir hom. ('n Baie slim skuif van enige meisie, want sê nou maar die kys hou!)  Tot ons bittere spyt was kosmaak egter net 'n fase in sy tienerlewe!

    Geskiedenis vertel dat die eerste professionele sjefs vir die weermagte, asook konings, gekook het. Die eerste ou wat wat as die vader van die professionele kombuis gesien word, was Auguste Escoffier. Hy het die weermagkombuis in 'n gestruktureerde organisasie verander. Vroue het egter nie in die prentjie gepas nie. Dit is nou volgens Ann Cooper, skryster van A Woman’s Place in the Kitchen: The Evolution of Women Chefs.

    Nou kom die groot vraag: Is die manne regtig beter met kosmaak as ons vroue? Daar is darem wel manne wat soos Jamie Oliver en sy eweknieë die maak van kos tot  kuns en vermaak veredel het. Daar is egter baie vroue wat met kos kan “toor.” Nie noodwendig dié wat kos vir 'n regiment kan maak nie, maar ook die miljoene vroue wat, sonder vertoon, elke dag 'n smaaklike bord kos voor 'n familie neersit. Van altyd af was die vrou in die kombuis, voor die stoof en lepel in die hand aan die roer. Tong in die kies wil ek sê: miskien hou manne maar net van die ophef wat gemaak word as hulle die dag agter die potte inskuif. Hy maak dan nie net kos nie; hy is 'n sjef!

    ресивер для компрессора этоданильченко юрій Харків

  • Franse modekoning sterf

    Die ontwerper se dood kom ná 'n lang siekbed en 'n lewenslange stryd teen depressie.

    Hy word beskou as die laaste ontwerper in 'n generasie wat mense soos Christian Dior en Coco Chanel ingesluit het en wat van Parys die wêreld se modehoofstad gemaak het.

    насосные станции джамбоФильчаков прокурор харьков

  • Nieu-Seeland is w?reld se beste vakansieplek

    Kaapstad staan op nommer twaalf en is ook die gewildste bestemming in Afrika. Ander gewilde Afrikatoerismeaantreklikhede is, in volgorde: Aboe Simbel (Egipte), Luxor (Egipte), Knysna (Suid-Afrika), Victoria-waterval (Zimbabwe), Giza (Egipte), Kaïro (Egipte), Victoria-waterval (Zambië), Franschhoek (Suid-Afrika), Aswan (Egipte) en Stellebosch (Suid-Afrika).

    Wat opval aangaande die lys van gewildste bestemmings in Suid-Afrika, is dat al vier in die Weskaap is met geen Natalse oorde wat selfs onder die eerste vyf-en-twintig in Afrika verskyn nie.

    In Europa is die Griekse eiland Rhodos die gewildste vakansiebestemming en wêreldwyd beklee dit die vyfde plek. Cayo Largo in Kuba is nommer vier en Salzburg in Oostenryk wen Kaapstad net-net met sy elfde posisie.

    play casino onlineтопкарго отзывы