praag.co.za

Tag: kommando

  • Annatjie Myburgh se vermeende kaper voor

    Annatjie Myburgh se vermeende kaper voor

    Die vermeende swart aanvaller wat verbind word met die moord op die sakevrou Annatjie Myburgh, verskyn vandag in die landdroshof op Witrivier in Mpumalanga.

    ‘n Polisiewoordvoerder sê die verdagte sal aangekla word van kaping en ontvoering.

    Haar lyk is in ‘n veld in die Numbi-area, onderweg na die wildtuin se Numbi-hek, gekry.

    Verdere klagtes sal waarskynlik bygevoeg word nadat ‘n nadoodse ondersoek op die vermoorde vrou uitgevoer is.

    Die ses-en-twintigjarige het vermoedelik nog drie helpers gehad.

    Die polisie het die liggaam van die 58-jarige Myburgh Sondagoggend opgespoor na ‘n uitgebreide soektog deur boere en veiligheidsinstansies.

    Haar seun Wendell het oor haar dood aan die Laevelder gesê: “Sy was so saggeaarde mens. Ek sal die Here tog wil vra as Hy voor my staan: Hoekom my ma?”

    Sy is Woensdag by haar kleinhoewe deur vier swartes gekaap en ontvoer.

    Intussen is ‘n tweede verdagte Sondag in verband met Myburgh se ontvoering en dood in hegtenis geneem.

    Ondersoekbeamptes en sekuriteitsmanne het nie gerus voordat hulle nié ook dié vermoedelik skuldige aan die pen laat ry het nie.

    Hoe hy met die misdaad verbind word, is nog nie duidelik nie.

    Hy sal na verwagting saam met ‘n verdagte (26) in die landdroshof op Witrivier verskyn.

    Laevelder het betroubaar verneem dat die swart verdagte wat weens haar dood in hegtenis geneem is, beweer sy het ‘n hartaanval gehad.

    Haar lyk het ‘n veld gelê. Haar handsak is glo naby haar gekry.

    Haar Pajero is in Kabokweni gevind waar dit naby beeskrale versteek was. Die wiele is almal na bewering afgesteel.

  • Die ANC het in 2003 ‘alternatief’ vir plaasveiligheid belowe

    Die oudste kommando in die land, Soutpansberg Kommando, is op 28 Augustus 2005 finaal ontbind tydens ‘n openbare parade.

    Dr. Phillip Venter het tydens die parade ook vir die laaste keer as Kapelaan van die kommando gepreek, waarna die vaandel neergelê is.

    In Februarie 2003 het die regering die eerste keer aankondiging dat die land se kommandostelsel afgeskaf gaan word. Daar is egter belowe dat dit nie sou gebeur alvorens daar ‘n “alternatief in plek is nie”. Selfs president Thabo Mbeki het bekommerde landbou- en gemeenskapsleiers gerusgestel dat die proses deeglik deurdink is, dat die gemeenskap nie onbeskerm gelaat sal word nie en dat daar ‘n nuwe beveiligingseenheid in plek sal kom.

    Gemeenskaps- en landbouleiers het samesprekinge met die regering gevoer om hulle daarop te wys dat die kommandos ‘n baie belangrike doel dien om die hele gemeenskap te beskerm. Uit die bron Geskiedenis vir SA blyk dit dat die Soutpansberg kommando die oudste in die land was. Hul ontstaan was aanvanklik te danke aan die Tweede Vryheidsoorlog. Onder leiding van Stephanus Schoeman, kommandant-generaal vir Soutpansberg, was hul pligte toe al, afgesien van die oorlog, om die veiligheid van die nedersetters in die uitgestrekte gebied van die Soutpansberg te beskerm. Met verloop van jare het die kommando gegroei. Sy struktuur het aangepas, maar sy wesenlike plig het altyd die beskerming “van huis en haard” gebly.

    Die kommando het die polisie, en soms die weermag, bygestaan in spesiale operasies en was ook baie ingestel op misdaadvoorkoming. Hulle het uitsonderlike werk verrig tydens natuurrampe en ander noodtoestande.

    Op Dinsdag, 24 Mei 2005 het Beeld ‘n artikel gehad waarin berig is dat 55 kommandos reeds vir alle praktiese doeleindes hul deure toegemaak het.

    Meer as tweederdes van die kommandolede was nie wit nie en volgens dr. Venter, meestal afhanklik van die kommando vir ‘n inkomste.

    Meeste van hierdie lede is steeds heeltemal sonder ‘n inkomste. Twee opsies is aan hulle gegee. Hulle kon aansluit by die SANW of by die SAPD as reserviste. Dit het egter nie gebeur nie want hulle kon nie as reserviste geakkommodeer word nie. Die kantore wat deur die kommando gebruik is, behoort aan die Kommando trust. Dit sal voortaan gebruik word as ‘n noodsentrum.

    “Die sluiting van die kommando was ‘n hartseer dag. In hierdie tyd wat verby is, lê groot boeretradisie en -geskiedenis,” sê Dr. Venter aan Zoutnet gesê. “Dit was deel van ons kultuur.”