‘n Vlieënier is dood nadat sy vegvliegtuig Saterdagmiddag by ‘n lugskou in Bredasdorp in die Wes-Kaap se Overberg-distrik neergestort het en toe aan die brand geslaan het.
Volgens lt. Marius van den Heever is die dood van die vlieënier bevestig. Hy is glo uitgeken as Dave Stock (46).
Volgens ‘n ooggetuie was die vlieënier in die middel van sy vlug toe hy noodoproepe gemaak het. Hy het glo uitgeskiet voor die vliegtuig die grond getref het en ‘n soektog was onderweg om hom op te spoor.
“Geen ander sterftes of beserings is aangemeld nie,” het van der Heever gesê.