praag.co.za

Category: Tegnologie

  • Miljoene gewaarsku teen Internet Explorer n? Chinese bedrie?rs rekenaars daarmee kaap

    Image'n Fout in die wêreld se mees algemene webblaaier, Internet Explorer, is nog nie deur Microsoft reggemaak nie.

    Miljoene internetgebruikers word bedreig deur 'n fout wat kriminele kan toelaat om persoonlike en bankbesonderhede te kan bekom.

    'n Groot fout is ontdek in Microsoft se internet Explorer-webblaaier, wat deur 70% van alle rekenaars gebruik word.

    Omtrent 2 miljoen rekenaargebruikers het na bewering reeds die slagoffers van die probleem geword nadat hulle klaarblyklik veilige webwerwe besoek het, en die probleem dreig om oor die hele wêreldwye web te versprei.

    As gevolg van die fout kan "Trojaanse perd"-virusse op miljoene rekenaars oorgedra word, wat aan kriminele toegang tot die rekenaars gee oor 'n afstand.

    Kuberkrakers in Sjina is die middelpunt van die kuberaanval, wat die ernstigste is in die geskiedenis van Microsoft se bedryfstelsel. Soveel as 10 000 webwerwe is reeds geraak volgens die teen-virusvervaardiger Trend Micro.

    Tot dusver het die krakers die tegnologie benut om rekenaarspeletjiewagwoorde te steel wat op die swartmark in die verre ooste verkoop kan word. Daar bestaan wesentlike vrese dat kuber-kriminele die fout kan uitbuit om bankrekeninge se toegangskodes te steel of om gemors-e-pos uit te stuur.

    Microsoft het gesê dat die aanvalle sover net op die weergawe 7 van Internet Explorer plaasgevind het, maar het gewaarsku dat ander weergawes ook potensieel kwesbaar kan wees.

    Die probleem is dat Microsoft se webblaaier, wat deur 1 miljard mense gebruik word, 'n basiese fout in die kernkomponent bevat wat dit toelaat om data van 'n webbladsy af te kan lees.

    Krakers het 'n reeks HTML-kodes gevind, (die kodes waarmee webwerwe geskryf word) wat daardie fout uitbuit en veroorsaak dat Explorer nie wil werk nie.

    Dit aktiveer 'n skadelike program wat deur die krakers geïnstalleer word wat aan hulle toegang gee tot die rekenaar sonder dat die eienaar dit weet.

    Elia Florio, van die internetsekuriteitsmaatskappy Symantec, het gesê dat indien die masjien nie beskerm is nie, dit soos 'n oop deur vir 'n dief is.

    Trend Micro se senior sekuriteitsadviseur in Brittanje, Ric Fergusson, het gesê "die bedreiging gaan van hier af net toeneem."

    Microsoft werk oortyd om 'n programmatuurinlasprogram op te stel om die fout in die sekuriteit reg te stel. Intussen stel sommige industriekenners voor dat mense na alternatiewe webblaaiers toe moet oorskakel soos Opera en Firefox. Ander sê weer dat dit in belang is van sekuriteitskenners om te praat oor die saak, om hulle sagteware se verkope te help verhoog.

    Microsoft stel voor dat gebruikers hulle internetsekuriteitsgebied na "hoog" toe verstel en Internet Explorer verstel om in "beskermde modus" te werk, en ook om teen-virusprogramme op datum te hou.

    John Curran, hoof van Microsoft Windows se kommersiële besigheidsgroep in Brittanje het gesê die maatskappy werk 24 uur per dag om die probleem aan te spreek. Hy het gesê dat mense wat na ander webblaaiers toe oorskakel mag vind dat hulle ander, meer ernstige, sekuriteitsskuiwergate mag teëkom.

    arabian nights gamestopcargo

  • Sjimpansees is nie mense nie, maar is hulle tog menslik?

    Sowat 20 jaar terug was die bevolking van sjimpansees in die Ivoorkus sowat 10 000, wat ongeveer die helfte van die wêreldbevolking vir dié primate uitgemaak het. Volgens 'n nuwe opname is daar nou heelwat minder, wat kommer laat styg oor die voortbestaan van die spesie.

    Die uitwissing van enige spesie is kommerwekkend, maar die vraag ontstaan of ons nie meer bekommerd moet wees oor die sjimpansees, soos wat mens dalk oor mense kan voel nie.

    Deborah Fouts, die hulpdirekteur vir die sjimpansee- en menslikekommunikasieinstituut maak die stelling dat hoewel die diere nie mense is nie, hulle tog menslik is en optree.

    Sy is een van 'n groeiende groep wetenskaplikes wat voel dat sjimpansees, tesame met oerang-oetangs, bonobo's en gorillas, wat almal as groot ape bekendstaan, as mense beskou moet word.

    Die posisie is nie 'n maklike een nie. Want indien die vereiste vir menswees dan vereis dat die wese menslik is, is die sjimpansees, ons naaste primaatfamilie, steeds net 98 % volledig.

    Indien die definisie wyer gemaak word, kan sjimpansees wel dalk kwalifiseer om as menslik beskou te word.

    Dié diere het selfbewustheid, gevoelens en hoëvlakwaarnemingsvermoë. Daar word op gereelde basis nuwe waarnemings gemaak van eienskappe wat die navorsers voorheen net aan mense sou toeskryf.

    Daar is ook verder vasgestel dat die diere verskeie maniere van komplekse kommunikasie en kognitiewe vermoë wat baie na is aan dié van mense. Jared Taglialatela, 'n navorser, sê dat die diere gevoelens het, en ook idees en doelwitte.

    Iets wat wel van meer belang is, is die diere se vermoë om in abstrakte terme te dink.

    Pascal Gagneux, 'n primatoloog, sê dat die diere nie oor tyd beskik nie, aangesien hulle nie dink aan gister of môre nie. Volgens Gagneux is die kommunikasie eerder oor nou. Hy voel wel dat sjimpansees persone is, maar baie verskillend van mense, vanweë die groot verskille in kommunikasie.

    Fouts, wat haar sjimpansees geleer het om gebaretaal te gebruik, verskil van dié mening. Sy sê dat die diere wel die verlede onthou. Wanneer mense na die sentrum kom wat lanklaas daar was, kommunikeer die diere weer met die mense in hulle gebaretaal.

    Taglialatela het bewys dat sjimpansees die dele van die brein benut, soortgelyk aan mense, waar spraak en denke setel. Wanneer hulle kommunikeer, gebruik sjimpansees die beste vorm van kommunikasie vir die omstandighede. Hulle gebruik gebare as 'n ander na hulle kyk, en geluide en roepe as 'n ander wegkyk.

    Feit is dat die diere oor 'n wye reeks kommunikasiemetodes beskik, asook gevoelens, emosies en denke.

    Oor die situasie in die Ivoorkus, sê Taglailatela dat die regte woord om dit te beskryf seker net 'n "tragedie " is, aangesien geen ander woord dit regtig kan omskryf nie.

    play the slotsлобановский харьков

  • Hubble se laaste kans

    Die sewe bemanningslede aan boord gaan 'n nuwe kamera en ook 'n nuwe spektrograaf installeer. Hulle gaan ook instrumente herstel en die batterye vervang. Dit lyk in alle waarskynlikheid na die laaste missie om Hubble in stand te hou aangesien die ruimtetuig op die punt van aftrede is.

    Ná die tragiese ongeluk in 2003 met die ruimtetuig Columbia wat met haar binnekoms in die atmosfeer aan die brand geslaan het nadat isolerende teëls tydens die reis afgeval het, wil beplanners nie weer 'n soortgelyke ongeluk sien gebeur nie.

    Om te verhoed dat so iets weer gebeur is die ander ruimtetuig, Endeavour, gereed om Atlantis te hulp te snel sou dit vereis word. Die bemanning van Atlantis sou nie na die Internasionale Ruimtestasie kon gaan vir hulp nie aangesien Hubble in 'n ander wentelbaan is.

    Met die tragedie het NASA se ruimteprogram byna tot stilstand gekom. Met hierdie jongste missie, SM4, gaan Hubble nie net herstel word nie maar ook opgegradeer word.

    Geskiedenis

    Hubble dra die naam van die Amerikaanse wetenskaplike, Edwin Hubble, die man wat besef het dat daar ander sonnestelsels buite ons Melkweg is. Die HRT se pad was nie besaai met rose nie en die projek het byna nie van die grond gekom nie. Nadat die projek in 1977 goedgekeur is en dit aanvanklik geloods sou word in 1983, het tegniese probleme dit met 3 jaar vertraag en die begroting was met $1.5 miljard van koers af. Met die Challenger-tragedie, in 1986, het dit die projek verder vertraag en is die loodsdatum verskuif na April 1990. Maar al hierdie foute en struikelblokke is uiteindelik verdwerg deur die ontdekking dat van die optiese lense verskuif het nadat die teleskoop reeds in sy wentelbaan geplaas is. 'n Primêre lens het geskuif en geen van die foto's wat Hubble geneem het kon gebruik word nie. Dit het wetenskaplikes, tegnici en ingenieurs 3 jaar geneem om met 'n oplossing vorendag te kom en 'n missie is geloods om die fout te herstel.

     Image

    Bydraes

    Nadat die fout met die lens herstel is, het die teleskoop van die beste beelde in die hemelruim teruggestuur. Dit het verder ook die presiese ouderdom van die kosmos bepaal, naamlik 13.7 miljard jaar. Verder het dit ook superswartgate se bestaan bevestig asook dat daar wel swartenergie bestaan. Menige wetenskaplikes reken laasgenoemde is verantwoordelik vir die vergroting van die kosmos.

     spiraalngc3370

    Die missie

    Die missie gaan poog om Hubble nie net te herstel nie maar ook om nuwe instrumente aan te bring. Die herstelwerk en waarnemings gaan deur spanne van twee gedoen word.. Hulle gaan onder andere nuwe batterye, nuwe optiese instrumente en herstelwerk aan twee ander optiese instrumente aanbring.

    'n Wyeveldkamera 3 ten waarde van $126 miljoen gaan aangebring word en 'n $81 miljoen kosmieseoorsprongspektrograaf is van die instrurmente wat aangebring gaan word.

    Die spanne gaan ook poog om die ruimteteleskoopbeeldspektrograaf te herstel nadat dit in 2004 ophou werk het as gevolg van 'n kragonderbreking.

    палатка купить киевtopcargo отзывы сотрудников

  • Nuwe robotpak kan verlamdes help loop

    Josjijoeki Sankai, 'n professor aan die Tsukuba-universiteit naby Tokio sê dit het tyd geword dat dié tegnologie aan die wêreld beskikbaar gestel word. Die naam van Sankai se maatskappy wat die robotpakke vervaardig, is Cyberdyne, dieselfde as die wetenskapfiksiekantoor in die Terminator-films.

    Maar daar is geen gevaar dat Arnold Schwarzenegger se karakter dit sal kom opblaas nie. Sankai het by die Cyberdyne-kantoor gesê hy glo die tegnologie is slegs bruikbaar as dit vir mense werk. Hy weier enige militêre gebruik vir sy robotpakke. Cyberdyne het dié week reeds begin om 500 eenhede van die battery-aangedrewe robotpakke aan hospitale en rehabilitasiesentrums te verhuur om verlamde mense te help.

    Sankai het videomateriaal gewys waar 'n man wat in sy onderlyf verlam is, loop en staan terwyl hy die robotledemate aanhet. Die robotpakke – wat  Hybrid Assistive Limbs  (HAL) genoem word – bespeur natuurlike elektriese strome wat oor die oppervlakte van die vel trek en  spierbeweging vooruitloop. HAL wat 11 kilogram weeg, beweeg dan die spier outomaties op die wyse wat die persoon bedoel het.

    'n Prototipe van HAL stel die draer in staat om 45 kilogram te dra selfs al voel dit net soos 'n paar kilo's. Takashj Hama van 'n konstruksiefirma wat in Cyberdyne belê het, sê hulle kyk na die toekomstige gebruik van robotpakke op konstruksieterreine waar werkers swaar materiaal moet dra.

    печь каменка длялобановский александр биография

  • Google se skoonenergieplan van $4,4 triljoen

    Die plan van 4,4 triljoen dollar is ontwikkel deur Google se filantropiese afdeling Google.org wat meen dat die land 'n netto besparing van 1 triljoen dollar oor die plan se termyn van 22 jaar kan behaal.

    Die plan genaamd "Skoon energie 2030" is in 'n aanlynpublikasie deur Jeffery Greenblatt, Google.org se klimaat- en energietegnologiebestuurder onthul. Dis gegrond op die uitfassering van steenkool en olie teen 2030 en in die plek daarvan moet daar op wind- kernkrag- en geotermiese bronne gesteun word.

    Dit behels ook 'n 40-persentvermindering in die gebruik van ruolie deur motors. Dit vereis grootskaalse beleggings in transmissievermoë vir wind- en sonkrag in die Grootvlaktegebied van die VSA, asook die woestynagtige Suidweste om 'n 88-persentvermindering in fossielbrandstofgebruik en 'n 95-persentdaling in koolstofdioksieduitlaat teen 2030 te behaal.

    Die plan vereis ook die ontginning van geotermiese energie soos wat sleuteltegnologie oor die volgende paar jaar rypheid gaan bereik.

    Ander elemente van die plan sluit in die verlaging van energieverbruik met 33 persent deur middel van energiedoeltreffende maatreëls, die stimulering van verkope van inprophibriedevoertuie tot 90 persent van nuwemotorverkope in 2030, en om die vervangingstydperk van die land se huidige vloot voertuie te verlaag tot net 13 jaar, pleks van die 19 jaar wat tans geld.

    "Met 'n nuwe administrasie en Kongres – asook veelvuldige energieverwante maatreëls – is dit 'n gulde, selfs ongekende geleentheid om van 'n plant tot optrede oor te gaan," het Greenblatt gesê. "Ons sien 'n geweldige geleentheide vir die Amerikaanse nasie om ons energie-uitdagings die hoof te bied. In die proses gaan ons beleggings stimuleer, werkgeleenthede skep, verbruikers bemagtig en, terloops, help om klimaatsverandering aan te spreek."

    дренажный насос дляДанильченко Юрий прокурор

  • Sonkarre voor steil toets in Suid-Afrika

    Die voertuie gaan ongeveer 140 dorpe aandoen op hulle 4 200-kilometerreis vanaf Gauteng oor Kaapstad en Durban. SA Sonkrag Uitdaging-organiseerder Johan Viljoen sê die gebeurtenis word beskou as 'n uitdaging eerder as 'n wedren en die doel is om openbare bewustheid oor alternatiewe brandstof- en vervoertegnologie te stimuleer. Die weer was op die eerste dag tussen Pretoria en Kimberley vir die grootste gedeelte van die oggend betrokke.

    Die vinnigste motor (uit Japan) kon 'n topspoed van slegs 80 kpu behaal weens die tekort aan sonkrag. Drie Suid-Afrikaanse voertuie neem deel – een elk uit Johannesburg, Kaapstad en Pretoria. Twee spanne elk uit Indië, Japan en Maleisië (waarvandaan die bromponie kom) maak die ander deelnemers uit.

    Viljoen sê dit is jammer dat daar geen spanne uit Durban is wat deelneem nie omdat die Universiteit van Kwazulu-Natal die eerste universiteit in die land was wat 'n sonkrag-aangedrewe motor gebou het. Indien niks voorval nie gaan sewe baie snaakse voertuie Sondagmiddag in Durban aankom.

    Al die voertuie gaan Maandag by die openbare vertoning van MTN se Wetenskapsentrum by Gateway in Umhlanga te sien wees voordat hulle op die finale been van hulle terugreis na Johannesburg vertrek. Mense sal met die spanlede oor hulle motors en die ongewone tegnologie kan gesels.

    'n Soortgelyke 3 000-kilometeruitdaging word sedert 1983 in Australië gehou maar die Suid-Afrikaanse gebeurtenis is meer veeleisend omdat die voertuie met byna 70 kilometer steil opdraandes te doen kry terwyl die Australiese wedren oor 'n feitlik plat terrein gehou word.

    сварочные полуавтоматыАлександр Фильчаков Васильевич

  • Gesteelde selfone neem wraak

    Maverick Mobile het toekennings gewen by 'n onlangse DEMO-byeenkoms van 72 maatskappye in suidelike Kalifornië deur sagteware bekend te stel wat die eienaar toelaat om die gesteelde foon te kan opspoor en die diewe te kan teister.

    "Nadat ek twee fone verloor het, het ek deur baie ongelukkigheid en spanning gegaan," het Sujit Jian, die stigterslid van Maverick gesê by die bekendstelling van Secure Mobile.

    Die verliese en daaropvolgende werk het 'n produk die lig laat sien wat nie net die toestel sal beskerm nie, maar ook die data wat op die foon is, deur middel van sagteware wat op die foon se hardeware installeer en nie net op die sim-kaart wat verwyder kan word nie.

    Die toepassing werk onsigbaar in die agtergrond in selfone, terwyl dit kontaknommers en ander data kodeer wanneer skelms nuwe sim-kaarte in die gesteelde foon sit.

    Die sagteware trek ook kontaklyste van die toestelle af en stuur nuwe simkaart-nommers en liggingsdata aan mobiele telefone wat deur die regmatige eienaars aangewys is. Daarmee saam word nommers wat die dief skakel en enige teks boodskappe ook na die aangewese foon gestuur. Verder word dit ook op so manier gedoen dat die kostes vir die aksies deur die skelm betaal word.

    Eienaars van die gesteelde fone beskik ook oor die vermoë om die foon te sluit of 'n alarm te laat skree, wat weer sal begin skree as die battery gelaai of vervang word.

    Secure Mobile is 'n "Demogod" toekenning gegee vir een van die beste produkte op die skou. Deur die sagteware aan die foon eerder as aan die simkaart te koppel kan Maverick die foon opspoor en die kliënt die vermoë gee om die dief te teister, sodat hy dalk nie weer so aksie sal herhaal nie.

    Daar is verskeie mobiele sekuriteitsprodukte en –dienste wat 'n toestel kan sluit of die data kan herwin, maar Maverick Mobile is die eerste een wat beide doen en ook aan die kliënt die satisfaksie gee deur wraak te neem op die dief wat hardverdiende goedere steel.

    Yougetitback.com het Maandag 'n diens bekend gestel wat mense toelaat om die ligging van 'n foon te kan vasstel deur middel van ingeboude GPS-vermoë van die foon of deur die ligging uit te werk deur die selfoontorings waar die foon is te identifiseer.

    Die betrokke Amerikaanse maatskappy spesialiseer daarin om mense se gesteelde skootrekenaars, slim-fone, i-Pods en ander elektroniese toerusting terug te kry.

     
    Die hoofuitvoerendebeampte van Yougetitback.com, Frank Hannigan, sê dat die vermoë om goedere wat dalk verplaas is of gesteel is te kan terugkry vir mense meer gerustheid kan gee.

    As voorbeeld, kan 'n gebruiker in New York uitvind dat die verlore item dalk in Texas of Kalifornië is en kan hy die foon per afstandbeheer sluit, nadat Mobile Superhero die foon opgespoor het.

    Mobile Superhero is 'n internetgebaseerde toepassing wat die spoor van die toestel hou, selfs nadat die sim-kaart van die toestel vervang word met 'n nuwe een.

    сканер автомобильныйтопкарго развод

  • Pasop vir gratis anti-virusprogramme


    Die werf lok besoekers om die program te installeer en na installasie word die gebruiker dan gemaan dat daar 'n virus op die stelsel is en dan aangemoedig om die volle weergawe aan te skaf wat dan die virus sal verwyder.

    Die Hoof Uitvoerende Beampte, Brett Myroff, waarsku dat naas pornografie, gratis anti-virus programme een van die mees populêre soekfrases op die internet is.

    Hy gaan verder en meld dat kuberkrakers die betaal-vir-vertoon advertensie uitbuit om meer verkeer na hul werwe te lok met die uitsluitlike doel om gebruikers te besteel.

    гидроаккумулятор купить спбДанильченко

  • Plaaslike bandwydte striem Suid-Afrika se IT-industrie

    Volgens die voorsitter van BSA, Alistair de Wet, moet bandwydte verbeter word om mededingend te raak in die IT-mark.

    Internasionale maatskappye verwag dat bandwydte in lande waar hulle verteenwoordig is op standaard moet wees en die Suid-Afrikaanse koste vir bandwydte is veel duurder as elders.

    De Wet is van mening dat Suid-Afrika oor 'n gevestigde sake- en regsomgewing beskik en met die regering se hulp kan die IT-bedryf verbeter om meer mededingend te wees. Suid-Afrikaners het dalk die nodige kundigheid maar daar is 'n tekort aan vaardighede in die bedryf.

    Beter infrastruktuur en deregulering in die telekommunikasiesektor is nodig indien Suid-Afrika sy posisie op die ranglys wil verbeter.

    100 onlineтопкарго

  • Google se antwoord op iPhone

     

    Hierdie is die eerste apparaat wat op die programmatuurreus se Andriod-oopbronprogrammatuur sal werk en beskik oor 'n tasskerm sowel as 'n QWERTY-sleutelbord. Dit beskik verder ook oor 'n 3 megapikselkamera en 'een klik'-kontekstuele soekfunksie asook 'n internetblaaier.

    Die foon kan deur middel van WI-FI en 3G aan die internet koppel en het ook ingeboude ondersteuning vir die videoportaal Youtube. Gebruikers het ook toegang tot die Andriod-mark waar derde partye hul eie applikasies vir die programmatuur kan skep en beskikbaar stel. Google het die programmatuur onwikkel in samewerking met 30 ander firmas as deel van die "Open Handset Alliance" en het reeds gedurende November 2007 die plan aangekondig met die doel om die web meer toeganklik te maak.

    станции италияФильчаков прокурор харькова

  • CERN se atoomversneller skop af

    Reusagtige magnete wat afgekoel sal word na temperature wat kouer is as in die buitenste ruim sal 'n straal protone teen byna die spoed van lig afvuur in 'n ondergrondse tonnel van 27km lank wat onder Geneva, Switserland, gebou is.

    Alhoewel dit aangeskakel word sal dit nog etlike weke duur voordat wetenskaplikes by die Europese Organisasie vir Kernnavorsing – wat as CERN soos die Franse afkorting lui, bekendstaan – ook die straal in albei rigtings stuur in die buis.

    Die botsing van die twee protonstrale sal op 'n subatomiese vlak intense energie naboots wat 'n miljoenste van 'n sekonde ná die Groot Knal onstaan het om ons heelal 14 miljard jaar gelede te skep.

    Sensors so groot soos katedrale is aangebring om enige spoor van nuwe elemente wat by só 'n botsing kan ontstaan, op te vang. Dit sal bestaande teorieë toets en dalk nuwe kragte en verborge dimensies van tyd en lig ontbloot.

    Die versnellerbuis, sê fisici, is 'n ontdekkingsmasjien. Hulle weet nie wat hulle daarbinne gaan ontdek nie. Die VSA het 1 200 wetenskaplikes wat deelneem aan die projek uit 9 000 geleerdes uit 80 lande. Rusland en Indië neem ook deel. Die VSA het in 1993 hulle eie superversnellerprojek laat vaar.

    Die eerste eksperiment sal wees om die Higgs Boson partikel te ontdek. Peter Higgs, 'n Britse fisikus, het die bestaan van die partikel wat massa aan materie gee 40 jaar gelede gepostuleer. Prof. Higgs wat volgende jaar 80 word, sê hy hoop hy was reg.

    Nobelpryswenner Stephen Hawking van Cambridge Universiteit het CERN se kategoriese verwerping dat mikroskopiese swart gate deur die versneller geskep sal word  heeltemal ondersteun deur sy teoretiese modelle.

    'n Veiligheidsoorsig wat verlede week die lig gesien het, het die versnellerbuis, veilig verklaar. Robert Aymar, Cern se direkteurgeneraal, sê die buis hou geen risiko in nie en enige beswaar daarteen is gegrond op suiwer fiksie.

    поильник купитьданильченко юрій броніславович компромат

  • Neanderdallers het geneties van die mens afgesplinter

    Die 38 000-jarige been is in 'n grot in Windija, Kroasië ontdek.

    Navorsers by die Max Planck-instituut in Duitsland het die hele hele DNS-ketting gelees en teruggevoer na die moeder van alle Neanderdallers.

    Die span het streng verskillende gene teenoor moderne mense gevind, wat suggereer dat Neanderdallers nooit, of net by uitsondering, met die vroeë mense geteel het.

    Die spesie het waarskynlik in Europa rondom 30 000 jaar gelede uitgesterf, nie lank ná die aankoms van die vroeë mense nie.

    Neanderdallers was kort en bonkig en goed aangepas vir 'n koue klimaat. Hulle breine was gemiddeld groter as dié van moderne mense.

    Die span het 4% van die Neanderdal se hele genetiese kode gelees en hoop om die volledige ketting teen die einde van die jaar te voltooi.

    диагностика оборудованияДанильченко

  • Wetenskaplikes beweer hulle het universele skenkersbloed gevind

    Hulle beweer dat hulle 'n groot aantal rooibloedselle vanuit menslike embriostamselle geskep geproduseer het.

    Robert Lanza van Advanced Cell Technology sê perke op die voorraad bloed kan potensieel lewensgevaarlike gevolge vir pasiënte met grootskaalse bloedverlies hê.

     
    {mosbanner:id=7,9,10,13,24,35,38,53} 
    Ebriostamselle verteenwoordig 'n nuwe bron van selle wat oneindig vermeerder en uitgebrei kan word.

    Die identifisering van 'n stamsellyn met die O-bloedgroep sou die produksie van universeel aanpasbare skenkerbloed moontlik maak aangesien die O-bloedgroep 'n universele tipe is.

    италия оптомФильчаков прокуратура харьков

  • Japan wil beursiefone bevorder

    Die regering beplan internasionale sendings en seminare wat Japan se tegnologie gaan bekendstel.

    Ondanks vooruitgang het die land misluk om selfone, koordlose toerusting en mobiele dienste buite Japan gewild te maak.

    Die beursiefoon berus op 'n klein rekenaarskyfie genaamd FeliCA wat in elke selfoon ingebou is ten einde kontantlose betalings te maak.

    FeliCa is deur Sony ontwikkel.

    Ander tegnologie wat Japan hoop om oorsee te bemark is meer futuristies, soos vierdegenerasie-koordlose toerusting.casino slotФильчаков прокурор