Eskom is nou van plan om oorskotkrag van bestaande kragopwekkingsaanlegte aan te koop. Dit is ʼn aanduiding dat die kragvoorsiener sy beleid jeens privaatkragverskaffers aangepas het. Hoewel Eskom voorheen tydens noodomstandighede sodanige krag aangekoop het, was die staatsmaatskappy tot dusver traag om dit te doen aangesien dit nie strook met hulle kommunistiese model nie.
Eskom het nou op die regering se tenderwebwerf voorstelle vir kraglewering aangevra van privaatinstellings met die vermoë om ten minste 5 megawatt se surpluskrag te lewer.
Dié maatreël is ʼn tydelike een en volgens die voorstelaanvraag is die langste wat so ʼn kontrak sal duur 36 maande.
Energiekenners meen dit is egter te betwyfel of Eskom homself sal kan speen van sodanige private kragbydrae.
Volgens ‘n nuwe studie wat leidrade verskaf om mense te help om die respiratoriese siekte genaamd COVID te voorkom, kan die hoogs aansteeklike nuwe koronavirus wat in ‘n wêreldwye pandemie ontplof het, ure lank aansteeklik bly in druppels in die lug. Op oppervlaktes kan dit tot dae lank oorleef en steeds mense besmet.
Wetenskaplikes van die Amerikaanse National Institute of Allergy and Infectious Diseases (NIAID), wat deel uitmaak van die Amerikaanse National Institute of Health, het probeer om die virus wat van ‘n besmette persoon op alledaagse oppervlaktes in ‘n huishouding of hospitaal beland, na te boots soos wat gebeur as daar gehoes of aan voorwerpe geraak word.
Hulle het ‘n aërosol gebruik om die mikroskopiese druppels wat in ‘n hoes of ‘n nies geskep word, na te maak.
Die wetenskaplikes het toe ondersoek ingestel na hoe lank die virus op hierdie oppervlaktes aansteeklik bly, volgens die studie wat Dinsdag aanlyn verskyn het in die New England Journal of Medicine — dieselfde dag waarop die aantal Amerikaanse COVID-19-gevalle tot 5 200 gestyg het en sterftes nader aan 100 gekom het.
Die toetse toon dat wanneer die virus gedra word deur die druppels wat vrygestel word as iemand hoes of nies, dit steeds lewensvatbaar is of mense nog minstens drie uur lank in aërosols kan besmet.
Op plastiek en vlekvrye staal kan lewensvatbare virusse ná drie dae opgespoor word. Op karton was die virus ná 24 uur nie lewensvatbaar nie. Op koper het dit vier uur geduur voordat die virus skadeloos geraak het.
Vir sy selfoonvideo op ‘n Griekse strand waarin hy die woord “kaffer” ‘n enkele keer gebruik, is Adam Catzavelos vandag in die Randburgse Landdroshof vir die tweede keer gestraf toe hy weens crimen injuria ‘n vonnis van twee jaar tronkstraf of R50 000 boete, opgeskort vir vyf jaar, ontvang het. Dit is Catzavelos se tweede strafoplegging, aangesien hy reeds deur die Gelykheidshof tot ‘n boete van R150 000 en “gemeenskapsdiens” in Soweto gevonnis is. Hy staar steeds ‘n derde klag in Griekeland in die gesig.
Sowel Catzavelos as sy naaste familielede wat die hofsitting bygewoon het, het na afloop van die vonnisoplegging merkbaar verlig voorgekom. Die moontlikheid het bestaan dat Catzavelos soos Vicki Momberg tot tronkstraf sonder opskorting gevonnis mag word.
Op die trappe van die Randburgse Landdroshof het hy gesê dat hy “baie dankbaar is” en die vroulike swart landdros as “baie billik en redelik” beskryf (sien onderstaande video).
Volgens Catzavelos het die video sy “hele lewe omgekeer”. Sowel hy as sy vrou het hul werke verloor. Hy mag nie sy kinders by die skool gaan haal nie, omdat die skool vrees dat van die ander ouers hom mag aanrand en dat sy teenwoordigheid die goeie orde van die skool sou bedreig.
As deel van die straf wat die Gelykheidshof reeds voorheen aan hom uitgedeel het, moet hy elke maand R5000 aan ‘n nie-regeringsorganisasie in Soweto betaal, asook na bejaardes in dié swart woonbuurt omsien.
Ook vandag, is ‘n blanke vrou van Kemptonpark, Marie Basson, gevangenisstraf van ses maande opgelê omdat sy ‘n swart vrou ‘n “kafferteef” in die parkeerarea van ‘n supermark genoem het. ‘n Woordestryd het tussen haar en die swart vrou ontstaan omdat dié na bewering haar kind in die ry by die kasregister gestamp het.
Volgens die swart vrou se getuienis het Marie Basson haar ook ‘n “vetgatmeid wat gimnasium toe behoort te gaan” genoem.
Die Citizen se digitale nuusredakteur, Daniel Friedman, is geskors hangende die afhandeling van ‘n interne ondersoek.
“Die bestuur het kennis geneem van openbare kommer oor die aanlyn-redakteur, Daniel Friedman, se uitsprake op sy persoonlike Twitter-rekening, sosiale media en ander aanlynplatforms. Sommige van sy uitsprake is gemaak deur sy komedie-persona, Deep Fried Man,” verklaar die Citizen se aanlyn redakteur Charles Cilliers.
‘n Ondersoek is aan die gang en Friedman is geskors hangende die afhandeling daarvan.
The Citizen het ‘n streng beleid oor sosiale media. “Die aantygings rakende Friedman sal volgens hierdie beleid hanteer word,” meen Cilliers. “As dissiplinêre prosedures benodig word, sal dit billik en redelik uitgevoer word.”
The Citizen respekteer die onaantasbaarheid van uitdrukkingsvryheid. “In baie min gevalle sou ons ooit die onderdrukking van enige mening ondersteun, selfs as sommige dit as beledigend beskou,” sê Cilliers. “Ons onderwerp ons vrywillig aan die Suid-Afrikaanse Perskode, waar uitsprake aansienlike ruimte gegee word. Die Grondwet van Suid-Afrika en die Perskode plaas egter sekere beperkings op die uitoefening van hierdie reg, wat oorweeg sal word by die hantering van hierdie saak.
“Ons vertrou dat die publiek sal toelaat dat hierdie proses vreedsaam en ongehinderd voortgaan.”
Daniel Friedman het as die komediant “Deep Fried Man” die eerste keer bekend geraak toe hy in ‘n YouTube-video gespot het met blankes wat in Suid-Afrika doodgemaak word.
Luidens ʼn verslag van die Gautengse departement van samewerkende regering en tradisionele sake (CoGTA) wat aan die Gauteng-wetgewer se CoGTA-komitee voorgelê is, skuld Soweto Eskom meer as R17 miljard wat die helfte van die land se skuld aan Eskom beloop.
Die inligting het verlede maand aan die lig gekom toe ‘n woordvoerder van die VF Plus, Amanda de Lange, dit by wyse van ‘n verklaring bekendgemaak het.
Volgens De Lange, is ” die wanbetalingskultuur van elektrisiteitsverbruikers in Soweto seker die grootste oorsaak dat Eskom feitlik op sy knieë gedwing is”.
Soweto se wanbetaling duur reeds jare lank en politici probeer sonder veel sukses om kragverbruikers te oorreed om gedeeltes van hul skuld te betaal. Dreigemente om die kragtoevoer af te sny dien ook geen doel nie. Inwoners hou vol die ANC het in hul verkiesingsbeloftes aan kiesers gratis elektrisiteit en water belowe. Die kultuur van nie-betaling het nou ʼn nalatenskap van die ANC-struggle geword.
Intussen worstel die nasionale kragvoorsiener om finansieel te oorleef en het in 2018 ʼn laagtepunt beleef. Die situasie word vererger deur ander nie-betalers, fiskale ongerymdhede, bedrog en wanbestuur.
Dit wil voorkom asof Eskom ook geen werkbare plan het om die R34 miljard in te vorder wat onderpresterende munisipaliteite aan hom skuld nie.
Daarbenewens is Eskom se operasionele kapasiteit ook nie na wense nie en ongeoorloofde tariefverhogings oor jare, het geen verligting gebring nie.
“Verdere druk word op die betalende middelklasburger geplaas om die skuldlas en verantwoordelikhede van nie-betalers en onderpresterende munisipaliteite te dra in ʼn omgewing waar munisipaliteite se skuldlas die afgelope agtien maande met sowat 80% gestyg het,” meen Amanda de Lange.
Alhoewel die ANC-regering ‘n reddingsboei aan die skuldgeteisterde Eskom probeer uitgooi, is die fiskale en operasionele skade reeds baie groot en is daar min hoop dat ‘n volhoubare finansiële ommekeer bewerkstellig kan word. ʼn Aksieplan om Soweto se agterstallige skuld op ʼn dringende basis in te vorder, is donker.
“Die kwessie is ‘n kopsorg vir die departement van samewerkende regering, maar daar moet streng maatreëls in plek geplaas word om te midde van toenemende verarming van verbruikers alternatiewe kragvoorsiening aan huishoudings te lewer,” sê De Lange.
Die besluit van die ANC-regering om voort te gaan om wetgewing rondom artikel 25 van die Grondwet – wat handel oor onteiening sonder vergoeding – te verander, is kortsigtig.
‘n Mosie oor die ad hoc-komitee wat die wysigings aan die wetgewing moet hersien en implementeer, is vandag deur die Nasionale Vergadering goedgekeur. Die komitee sal voortgaan waar die vyfde parlement in Desember 2018 opgehou het, en moet teen einde Maart 2020 terugvoer aan die Nasionale Vergadering gee.
“Onteiening sonder vergoeding sal nie enige goeie resultate meebring nie,” sê mnr. Louis Meintjes, die President van TLU SA. “Navorsing toon dat die meeste aansoekers nie die kennis of vermoë het om grond wat nou winsgewend tot die landelike en nasionale ekonomie bydra, volhoubaar te bestuur nie en in elk geval eerder verkies om finansieel vergoed te word as om met die grond opgesaal te word.
“Die verlede het ook reeds gewys dat die meeste grond wat voorheen onteien is nou nutteloos lê omdat die regering die nuwe eienaars nie voldoende bygestaan het om dit suksesvol te bestuur nie.”
TLU SA staan by die mening dat dit uiters onverantwoordelik is om met hierdie wysigings voort te gaan. Dit het nie net ‘n direkte invloed op boere, hulle werkers en die platteland nie, maar ook op die vertroue wat buitelandse beleggers in die land het.
“Wanneer ‘n belegger se privaat besitreg in gedrang is, sal dit vanselfsprekend nie wys wees om dan jou bates daar te belê nie,” sê mnr. Meintjes.
“Dié tipe besluite het ook ‘n invloed op die veiligheid van boere met ondersteuners van Andile Mngxitama van die BLF en soortgelyke denkers wat opgesweep word deur die proses en dan die reg in eie hande neem.
“President Ramaphosa het net verlede week gesê dat hy plaasmoorde veroordeel, maar vandag maak sy regering besluite wat dit heeltemal weerspreek.”
PRAAG (die Pro-Afrikaanse Aksiegroep) spreek sy dank uit teenoor die Nederlandse Tweede Kamer wat ‘n mosie aangeneem het waarin die ANC se rassistiese grondgrypplan teen blanke boere gekritiseer word.
Die regerende VVD, asook die Forum voor Democratie van mnr. Thierry Baudet, Partij voor de Vrijheid onder mnr. Geert Wilders, die SGP, CDA, CU en 50Plus het die mosie gesteun, terwyl die linkse partye daarteen gestem het.
“Nederland het hiermee vir die eerste keer die kordon van politieke korrektheid rondom Suid-Afrika verbreek,” het dr. Dan Roodt, leier van PRAAG, gesê. “Tereg het die Nederlandse parlement ingesien dat die ANC-terroristebewind se grondonteieningsplan teen internasionale menseregtebeginsels indruis en daarom verwerplik is.”
“Nederlanders is, soos Afrikaners, ook boere en besef daarom watter mate van toewyding en finansiële risiko’s by boerdery betrokke is. Dat die ANC-terroristebewind eenvoudig met ‘n pennehaal boere se grond wil onteien, spreek van dieselfde soort waansin as dít wat die ewe radikale, afrosentriese bewind van Zimbabwe genoop het om dié land ekonomies te vernietig,” het Roodt gesê.
PRAAG hoop dat alle EU-lande, asook die VSA, Kanada en Australië die voorbeeld van Nederland sal volg en mosies teen die anti-blanke rassisme, menseregteskendings en beplande grondeiening van die ANC-terroristebewind sal aanneem.Die bewoording van die mosie, wat deur mnre. Martijn van Helvert, van die Christen-Democratisch Appèl en Kees van der Staaij, van die Staatkundig Gereformeerde Partij ingedien is, lui soos volg:
De Kamer,
gehoord de beraadslaging,
constaterende dat de regering en de meerderheid van het parlement in Zuid-Afrika over willen gaan tot landonteigening van blanke boeren zonder compensatie en daartoe een grondwetswijziging die daartoe in voorbereiding is, niet eens nodig achten;
constaterende dat zowel de Universele Verklaring van de Rechten van de Mens als het Afrikaans Handvest voor de Mensenrechten willekeurige ontneming van eigendom verbieden en al helemaal op basis van huidskleur;
verzoekt de regering, bilateraal en in internationale fora, duidelijk stelling te nemen dat de voorgenomen landonteigening van blanke boeren in
Zuid-Afrika, zonder compensatie, in strijd is met de mensenrechten, en druk uit te oefenen op Zuid-Afrika om ervan af te zien, en gaat over tot de orde van de dag.
Toe die dogter van Nelson Mandela en Suid-Afrika se ambassadrise in Denemarke twiet dat wit boere in Suid-Afrika “bewe” omdat hul grond binnekort deur haar party gekonfiskeer sou word, het die gewilde sanger Steve Hofmeyr op Zindzi Mandela gereageer deur te sê dat sy belasting haar salaris betaal en dat hy daarom teoreties haar “baas” is.
Vir sy feitelike akkuraatheid sal Hofmeyr aangekla word van “haatspraak”, meer spesifiek crimen injuria, ‘n ou vorm van kriminele laster in Suid-Afrika wat die afgelope paar jaar gebruik is om hoofsaaklik blankes vir “haatspraak” te vervolg.
Die land se regerende party, die ANC, het ‘n verklaring uitgereik waarin hulle aangekondig het dat hulle ‘n aanklag van crimen injuria teen Steve Hofmeyr by ‘n polisiekantoor sal aanhangig maak vir “sy rassistiese en onmenslike uitbarstings op sosiale media wat getuig van barbarisme, rassisme en toksiese manlikheid “.
In een van haar twiets het Zindzi Mandela daarna verwys dat sy in Denemarke “op wyn en etes getrakteer word” en op Engels gesê:
“Terwyl ek hier op wyn en etes getrakteer word .. wonder hoe ek hoe dit in die wêreld van bewende gronddiewe gaan. #OnsGrond.”
Die regerende ANC het ‘n beleid aangeneem wat alle landbougrond wat aan wit boere behoort as “gesteelde grond” beskou op grond daarvan dat wit mense, selfs as hulle grond van ‘n vorige verkoper gekoop het, dit nie regtig besit nie omdat hulle nie rasse-Afrikane is nie.
In vorige gevalle waar witmense skuldig bevind is aan haatspraak teen ‘n swart persoon, het hulle boetes van sowat R150 000 (Penny Sparrow) of tot drie jaar tronkstraf (Vicki Momberg) ontvang.
Aanvanklik het die ANC aangekondig dat hulle Donderdag die aanklag teen Hofmeyr sou aanhangig maak, maar hulle het nou ‘n verklaring uitgereik dat dit eers op Maandag 24 Junie sal plaasvind.
Volgens die ANC toon Hofmeyr se twiet “wit arrogansie en is ‘n handboek-voorbeeld van wit bevoorregting wat in die kiem gesmoor moet word”.
‘n Regskundige, Albert Murphy, het die regerende party ‘n grap genoem. “Die beweerde kriminele aanklagte wat die ANC teen Steve Hofmeyr wil instel op grond van ‘n twiet van hom oor Zindzi Mandela, is ‘n klug!
“Daar is absoluut niks misdadigs aangaande die twiet nie en geen aanklaer wat sy sout werd is, sou voortgaan met daardie klagtes nie. Die ANC is ‘n grap. ”
Mandela se twiets uit Denemarke op 13 en 14 Junie 2019 het soortgelyke rassedreigemente as dié van die ANC self bevat (op Engels):
“When you came here without land you found the original people making fire. Next you’ll claim you taught us. Just like Chris Barnard learnt the basics of heart surgery from his Black gardener. What you’re good at is fantasy.”
“Dear Apartheid Apologists, your time is over. You will not rule again. We do not fear you. Finally #TheLandIsOurs”
“Miss all these trembling white cowards, shem [I pity them]. Botha, Potgieter, Thieving Rapist descendants of Van Riebeeck, etc: how are you my babies?”
Dit is opmerklik dat 84 persent van swart grondeise in Suid-Afrika in stedelike gebiede geliasseer word en 93 persent van grondeisers verkies finansiële vergoeding eerder as grond.
Zindzi Mandela se rassistiese twiets het ‘n opskudding in die land veroorsaak. Maar die Nelson Mandela-stigting se Luzuko Koti het aan die Johanneburgse Engelstalige dagblad The Star gesê: “Ons het nooit gesê ons wil Zindzi Mandela ontmoet om haar twiets te bespreek nie.”
Maar toe Koti later met die Afrikaanse Sondagkoeranant Rapport praat, het hy gesê: “Ons wil met me. Mandela ontmoet en verstaan wat haar standpunt is.”
Die huidige vlaag van swart-op-wit moorde in Suid-Afrika is besig om ‘n crescendo te bereik, met ‘n jong paartjie die jongste slagoffers in wat lyk soos ‘n rassehaatmisdaad. Johanco Fleischman (19) en sy vriendin, Jessica Kuhn (21), is wreed doodgeskiet nadat hul voertuig naby ‘n oorwegend swart woongebied oos van Johannesburg weens ‘n gebrek aan brandstof gaan staan het.
Fleischman het sy oom gebel wat op pad was om hom vir hom diesel vir sy Toyota-dubbelkajuitbakkie te bring. Sy oproep is omstreeks 11:00 die oggend gemaak, maar die oom moes ‘n plek op die pad soek om om te draai en kon nie dadelik die plek bereik nie.
Blykbaar het Fleischman buite die voertuig gestaan toe drie swart mans hom genader het, “mlungu” geskreeu het, wapens uitgepluk en hom verskeie kere geskiet het. Agterop die bakkie het twee swart werkers in diens van Fleischman gesit, maar die aanvallers, wat van dieselfde ras was, het hulle nie aangeval nie. Die werkers is deur die afvuur van die wapens verskrik, het van die voertuig afgeklim en weggehardloop.
Ten minste veertien skote is in totaal afgevuur, aangesien dié aantal patroondoppies by die moordtoneel opgetel is. Met Johanco Fleischman wat op die grond doodgebloei het, het die drie swart aanvallers die wit meisie in die kajuit gesien, om die voertuig gestap en haar met ‘n enkele skoot in die kop doodgeskiet. Dit is later bevestig deur Ross Campbell, ‘n woordvoerder vir ER24-ambulansdienste.
Ten einde getuienis te vernietig, het die moordenaars daarna voortgegaan om die voertuig aan die brand te steek. ‘n Inwoner van die nabygeleë Crystalpark het die brand net na 12:00 opgemerk en die nooddienste ontbied. Sy wou nie geïdentifiseer word nie omdat sy bang was dat die lewens van haar familielede bedreig kon word wat saam met haar was toe sy die grutoneel ontdek het.
Johanco Fleischman se oom, wat hom as kind versorg het, is so getraumatiseer deur die ontdekking van sy dooie nefie dat hy Sondagaand steeds besig was om te huil.
Die ooggetuies van Crystalpark het die grutoneel beskryf wat hulle teëgekom het. Alhoewel sy lyf met koeëls deurtrek is, was Johanco Fleischman nog nie dood nie, maar het geroggel vir asem terwyl hy besig was om dood te bloei.
“Die seun het langs die voertuig op sy rug gelê,” het die anonieme vroulike ooggetuie gesê. “Ek weet nie hoeveel keer hy geskiet is nie, maar oral was daar baie bloed.”
“Hy het swaar deur sy mond asemgehaal. Dit was nie ‘n aangename gesig nie, “het sy gesê.
Daar was oral mense wat rondom die moordtoneel gestaan het, maar niemand het ‘n ambulans gebel nie. Die vrou en haar man het ER24 en die polisie ontbied.
Die omstanders het probeer om ander voertuie te laat stilhou en gevra vir brandblussers. Hulle het ook die meisie uit die voertuig gesleep.
“Een van die mans op die toneel het die meisie se pols geneem, maar daar was niks nie,” het die ooggetuie voortgegaan. “Hy het toe haar gesiggie bedek terwyl ons op die nooddienste wag.”
Die passasiersdeur het ‘n koeëlgat vertoon, met nog ‘n gat deur die sitplek. Daar was verdere koeëlgate in die agterdeure, en die patroondoppies het op die grond verstrooi gelê.
Die motief vir die moord was duidelik nie roof nie, aangesien die moordenaars nie die egpaar se juweliersware gebuit het nie, insluitend goue halssnoere en Jessica Kuhn se ring. Maar een van hul selfone is geneem, waarskynlik om te verhoed dat iemand hulp soek.
Foto’s van hul lyke wat deur die goudkleurige materiale van ER24 bedek is, het gou op sosiale media versprei.
Johanco Fleischman en Jessica Kuhn het mekaar net in Februarie vanjaar ontmoet, maar was baie verlief.
Die seun se oupa, Willie Fleischman, het gesê dat Johanco se ma “gebroke” was. Nie net was hy haar jongste kind nie, maar ook haar enigste seun.
“Johanco was een van die mooiste seuns wat iemand kan hê,” het Willie Fleischman gesê. “Hy het nooit kwaad geword nie, nooit met enigiemand baklei nie. Jess was ook ‘n pragtige mens. Baie vriendelik, nooit dikbek nie. Die twee het so goed bymekaar gepas.”
Die tuinwerker van die vermoorde Annette Kennealy is gisteraand in hegtenis geneem. Hy heet Kenny Ramatshimbila en het op haar perseel gewoon. Sowel boere in die Louis Trichardt-omgewing as die polisie se woordvoerder, kol. Moatshe Ngoepe, het dit bevestig.
“Annette het haar ma gebel en gekla dat die tuinwerker besig was om ‘n baie slegte houding te ontwikkel,” het die vermoorde Kennealy se buurman gesê. “Dis moontlik dat daar ‘n struweling was, waarna hy haar met die hamer en ysterpyp doodgeslaan het.”
Annette Kennealy was ‘n bekende kampvegter teen plaasmoorde in die Louis Trichardt-omgewing en het veral skakelwerk met buitelandse media gedoen om hulle oor die toestande in Suid-Afrika in te lig. Die nuus dat sy vermoor is, het landwyd skokgolwe veroorsaak. Vanoggend in Johannesburg en Pretoria het die dagblad Beeld se baniere op lamppale gelui: “Aktivis op hoewe vermoor.”
In sy reaksie gister het dr. Dan Roodt van PRAAG geskryf dat hy vermoed dat sy deur ‘n bekende vermoor is aangesien sy altyd gewapen was. “My vriendin en aktivis vir landelike veiligheid, Anntte Kennealy, het self die slagoffer van ‘n verskriklike plaasmoord geword…. Sy was baie dapper, en het altyd ‘n wapen by haar gedra, ‘n 9mm-Astra-pistool. Kennelik was haar paraatheid nie genoeg om haar uiteindelik te red nie. Sy is óf deur iemand gedood wat sy geken het óf sy is verras.”
Dit blyk dat Kennealy wel haar pistool by haar gehad het tydens die voorval. Nadat die verdagte ondervra is, het hy die pistool op die moordtoneel aan die polisie uitgewys.
“Waarom het sy hom nie geskiet nie?” het een van Kennealy se vriende, met wie PRAAG vanoggend gesels het, gevra.
Blykbaar het die verdagte reeds erken dat hy die moord gepleeg het. Hy het egter nog nie in die hof op ‘n moordklag verskyn nie.
Nog kommentaar van boere in die omgewing was: “Totdat ons ons eie werk begin doen, sal ons nooit veilig wees nie. Annette het hom nie nodig gehad nie. Sy het haar perde verkoop. Maar sy het hom daar laat bly en af en toe die pad bietjie laat regmaak. As sy alleen was, het sy nou nog geleef.”
Kennealy se moeder het Maandagaand begin onraad vermoed toe sy Sondagaand nie haar selfoon beantwoord het nie. Sy het ook nie soos gebruiklik haar om 18:00 op die plaaslike plaaswag se burgerbandradio aangemeld nie. Toe iemand Maandagoggend uitgestuur is om ondersoek in te stel, is haar lyk omstreeks 9:00 ontdek.
Op haar Facebook het Annette Kennealy haar die bynaam Tshinakaho gegee, tesame met die Engelse onderskrif: “White lives matter.”
Die radio-omroeper van RSG, Izak du Plessis, het foto’s van haar op sy Facebookblad geplaas en hulde aan haar gebring:
Mooi loop, Tshinakaho. Dankie vir die stil nagte in jou paradys op die berg wat jou hel geword het. Dankie vir die diep gesels, vir die spesiale tyd saam met jou, die straight shooting, die aand toe ons knieë geraak het in Saartjie se garage, die blywende vriendskap daarna en die mooi van jou hart. Dankie vir daai naweek toe ons dié foto’s geneem het. Ek sal jou nooit vergeet nie.
Die Afrikanerbond het op Sondag 19 Mei voorgestel dat ‘n permanente ministerie van Suid-Afrikaanse minderhede / gemeenskappe gestig word.
In ‘n brief aan president Cyril Ramaphosa het die hoof van die Afrikanerbond, Jan Bosman, die president gevra om ernstig oorweging te skenk aan die vestiging van ‘n skakelingmeganisme vir minderhede en Suid-Afrikaanse taal-, kulturele en godsdienstige gemeenskappe om die bekommernisse en spesifieke aspekte te bevorder, te evalueer en te monitor, asook die behoeftes van hierdie groepe in die verskillende regeringsdepartemente, provinsies en staatsinstellings.
In hierdie verband het die organisasie een of meer van die volgende voorgestel:
‘n Permanente ministerie van Suid-Afrikaanse minderhede / gemeenskappe;
‘n Ombudsman vir Suid-Afrikaanse minderhede / gemeenskappe; of
‘n Spesiale kantoor vir Suid-Afrikaanse minderhede / gemeenskappe in die presidensie.
Jan Bosman
“Daar is baie internasionale voorbeelde van spesiale meganismes in Europa sowel as die Ministerie van minderheidsaangeleenthede in Indië, waaruit Suid-Afrika die beste praktyke kan neem,” het hy gesê.
“Ons het die politieke wil nodig om internasionaal erkende minderheidsregte in Suid-Afrika te onderskryf.”
Dit kan gedoen word in die vorm van ‘n handves van minderheidsregte as ‘n toevoeging tot die Grondwet. So ‘n handves moet gegrond wees op internasionale konvensies en verklarings oor minderheidsregte.
Dit moet nie net die regte van minderhede of gemeenskappe insluit nie, maar moet ook die verpligtinge van die staat en die regering teenoor minderhede uiteensit.
“In hierdie opsig kan u [Ramaphosa] die proses as deel van die voorstel vir ‘n skakelmeganisme begin,” het Bosman gesê.
Besonderhede oor ʼn plaasaanval hierdie week in Bonnievale in die Wes-Kaap is ontstellend, maar terselfdertyd ook tekenend van die verskuiwing van die verskynsel van plaasaanvalle na die Wes-Kaap waar dit voorheen haas onbekend was.
In die voorval Maandag op die plaas Kapteinsdrif naby Bonnievale, is mnr. Tool Wessels (55) vermoor en sy vrou, Liezel, erg beseer nadat sy onder meer met kookwater gebrand is. Mnr. Wessels is ook grusaam gemartel voordat hy vermoor is.
“Die VF Plus veroordeel hierdie voorval, soos elke moord en geweldsvoorval in Suid-Afrika waarin mense betrokke is en vermoor of beseer word, in die sterkste terme moontlik. Dit is onaanvaarbaar,” sê dr Corné Mulder, VF Plus-leier in die Wes-kaap
Die party wil sy opregte medelye uitspreek teenoor naasbestaandes en vriende van die egpaar, en teenoor die gesinslede in die besonder.
“Die VF Plus het dit nog altyd sy erns gemaak met plaasaanvalle, en sal voortgaan om druk vol te hou op die regering om dié soort misdaad te prioritiseer, en sal ook aanhou met sy veldtog om die internasionale gemeenskap op hoogte te hou aangaande plaasaanvalle in Suid-Afrika,” sê Mulder.
‘n Internasionale ekonomiese dinkskrum het bevind dat Suid-Afrika ‘n “buitengewone afgang in ‘n hele reeks aanwysers ondergaan het”. Volgens Claude Baissac, hoofuitvoerendebeampte van Eunomix, “vertel hierdie buitengewone daling vir ons dat dít wat ons reeds weet, wat aan die gang is, wat ons daagliks beleef, waar, verreikend en struktureel is. En ernstig.”
Claude Baissac
‘n Kwarteeu nadat rasse-“bevryding” aangekondig is, is Suid-Afrika se amptelike werkloosheidsyfer meer as 27 persent. Wat mense onder 35 betref, is die koers ‘n onrusbarende 53 persent — een van die hoogstes ter wêreld.
Die swart ANC-regering maak herhaaldelik beloftes, veral tydens verkiesingsveldtogte, om werk te skep. Maar dis nie in staat om daaraan te voldoen nie. Al wat sedert 1994 gefloreer het, is oop grense, naakte korrupsie en byna geen aanspreeklikheid nie.
Vir die eerste keer sluit die nuwe manifes van die ANC vir die 8 Mei-verkiesings, die party se verbintenis in om die vloed van ongedokumenteerde immigrante oor die landsgrense heen te probeer stuit.
Die party sê dit sal “streng maatreëls neem teen ongedokumenteerde immigrante wat betrokke is by misdadige aktiwiteite in die land of in ‘n oorgrensmisdade, waaronder diegene wat betrokke is by die onwettige handel en verkoop van afgewaterde kos in lokasies en dorpe”.
Tydens sy toespraak by die Moses Mabhida-stadion in Januarie het president Cyril Ramaphosa gepraat oor die behoefte aan “doeltreffende grensbeheer.”
Die Internasionale Monetêre Fonds het in April Suid-Afrika se geprojekteerde BBP-groeikoers vir 2019 van 1,2 persent verminder, en verwys na beleidsonsekerheid oor grondbesetting, die hoë vlakke van korrupsie en herhaalde kragonderbrekings, asook die benadeling van beleggersvertroue.
Die ANC-bewind se teiken is om werkloosheid met die helfte te verminder, tot sowat 14 persent in 2020, maar dit is “onwaarskynlik dat dit sal plaasvind,” sê die Wêreldbank in ‘n 2018-verslag.
Die massiewe werkloosheidsyfer het apatie onder kiesers aangevuur , met die Verkiesingskommissie ‘n daling van 47 persent in geregistreerde kiesers op die ouderdomme 18 en 19 bemerk. Ongeveer tweederdes van die nege miljoen stemgeregtigdes wat nie die moeite doen om te registreer nie is onder 30 jaar oud.
Met laer toelatingsvereistes, het toegang tot hoër onderwys verhoog, met die aantal gegradueerdes van openbare universiteite wat meer as verdubbel het van 92 874 in 2000 tot 203 076 in 2016.
Ondanks die verhoogde universiteitstoelatings, toon nuwe navorsing deur die Eunomix-dinkskrum vir sake en ekonomie het dat Suid-Afrikaanse aanwysers oor die afgelope 12 jaar die ergste gedaal het van enige land wat nie in oorlog verkeer nie.
Gemeet aan ‘n verskeidenheid van sosiale, ekonomiese en bestuursgegewens, het Suid-Afrika meer versleg as enige ander land wat nie by ‘n internasionale of burgerlike konflik betrokke was nie, volgens Eunomix. Net konflikgeteisterde lande soos Mali, die Oekraïne en Venezuela het oor die afgelope dekade erg as Suid-Afrika agteruit geboer, het Eunomix gesê.
Gemeet aan ‘n indeks van veiligheid-, beheer-, voorspoed-, en welsynsaanwysers het Suid-Afrika verlede jaar gedaal tot nommer 88 uit 178, vergeleke met die 31ste posisie wat die land in 2006 beklee het. Die dinkskrum blameer die afgelope nege jaar van verslegtende korrupsie en beleidsverlamming.
Ramaphosa, wat sy eerste nasionale verkiesing op 8 Mei in die gesig staar, loop “die sterkste moontlikheid om ‘n eentermynpresident te word,” het die hoof van Eunomix, Claude Baissac gesê.
Baissac het teenoor Bloomberg verklaar: “Hy begin met ‘n baie swak ekonomie, die swakste van enige president sedert Mandela. Hy begin met ‘n redelike swak hand vanuit ‘n politieke oogpunt. “Ramaphosa bevorder die idee van grondgryp terwyl Mandela ‘n vooruitstrewende ekonomie van die voormalige apartheidsregering geërf het.
Landbou in die land verkeer in ‘n toestand van skok ná Ramaphosa gedreig het om blanke grond “sonder vergoeding” te onteien.
“Die ontwikkelingstaatsprojek het misluk. Suid-Afrika is nou ‘n brose staat, en sal na verwagting voortgaan om te verswak,” sê Eunomix. “Staatsprestasie het in Suid-Afrika sy hoogtepunt in 2007 bereik, die jaar toe die ekonomie en staatsbestuur op hul beste was. Sedertdien het die staat deurlopende daling in alle kernaanwysers van prestasie ervaar. “
President Cyril Ramaphosa het so pas aangekondig dat 20 miljoen Nigeriese immigrante binne die volgende vyf jaar in Suid-Afrika ontvang sal word. Kanada en ander Statebondslande gaan tot hul reis- en hervestigingskostes bydra.
Die Suid-Afrikaanse president, asook mnr. Justin Trudeau van Kanada en die Nigeriese staatshoof, Muhammadu Buhari, het onlangs ‘n geheime spitsberaad gehou waartydens “groter bewegingsvryheid tussen Afrika- en Statebondslande” bespreek is.
Die premier van Kanada, mnr. Justin Trudeau, tydens die ‘Gay Pride’-parade in Toronto in 2015.
“Sowel Suid-Afrika as Kanada beskik oor aansienlike grondgebied, maar het behoefte aan meer mense,” het mnr. Justin Trudeau gesê. “Nigerië, aan die ander kant, het ‘n bevolking van 200 miljoen maar nie genoeg grond en huisvesting vir al sy mense nie. Daarom het ons besluit dat 40 miljoen Nigeriese emigrante oor die volgende vyf jaar in Kanada en Suid-Afrika verwelkom sal word: 20 miljoen vir Kanada en 20 miljoen vir Suid-Afrika. Kanada, die Verenigde Koninkryk, Australië en Nieu-Seeland sal tot die reis- en hervestigingskostes van die Nigeriërs bydra.”
‘n Meningspname deur Pew Research in 2017 het aangetoon dat 74% van die 200 miljoen burgers van Nigerië “die land sal verlaat indien hulle oor die middele beskik” (sien grafiek in Engels hiernaas).
‘n Nigeriese dame wat Suid-Afrika gereeld besoek en reeds eiendom in die land besit, het aan Praag gesê: “Almal wil Lagos verlaat. Dis hel.”
Volgens president Ramaphosa, gaan die Nigeriese immigrante ‘n “sleutelrol” speel om ons ekonomie te laat groei. “Almal praat van Afrika se demografiese dividend, en dis nodig dat ons ook daarin deel,” het Ramaphosa gesê. “Die Nigeriërs in Suid-Afrika lewer reeds ‘n groot bydrae in sowel die geloofsgemeenskap as die farmaseutiese bedryf. Hulle is ondernemend en skep werksgeleenthede wat weer tot ekonomiese groei lei.”
Kanada sal onmiddellik 30 miljard Kanadese dollar (ongeveer R322 miljard) vir die Nigeriese “groot trek” na Suid-Afrika beskikbaar stel. “Kanada is ‘n land wat afhanklik is van immigrante,” het mnr. Justin Trudeau gesê. “Hulle laat ons ekonomie groei en verryk ons kultuur. Daarom wil ons Suid-Afrika proaktief help om dieselfde sukses met immigrante as Kanada te behaal.”
Nigeriërs wat na Suid-Afrika immigreer sal vir die eerste tien jaar nie belasting hoef te betaal nie. “Ons wil dit vir hulle aantreklik maak om hierheen te kom. Mnr. Tito Mboweni en mnr. Edward Kieswetter (die pas aangestelde hoof van SARS) sal binnekort ‘n aankondiging hieroor maak, sodra die staking by die Inkomstediens beëindig is,” het Ramaphosa gesê.
Die Afrika-Unie steun insgelyks groter bewegingsvryheid op die vasteland. “Soos in die Europese Unie, moet ons mense vrylik van een land na ‘n ander kan beweeg,” het ‘n woordvoerder van die AU in Addis Ababa gesê.
Ook die opposisiepartye om Suid-Afrika het die aankondiging verwelkom. “Dis ‘n geleentheid vir Suid-Afrika,” het Mmusi Maimane, die leier van die DA, gesê. Floyd Sivambu van die EFF meen “dis lankal tyd dat koloniale grense opgehef word en dat Afrika een land en een gemeenskap word. Ons en die Nigeriërs is broers.”
Die Nigeriërs sal hoofsaaklik in Gauteng en die Wes-Kaap hervestig word. Sommige gaan egter ook in Limpopo en in Noordwes plase ontvang waar hulle sal kan boer.
Eskom het by navraag gesê dat “die Nigeriërs die vraag na elektrisiteit sal laat toeneem. Maar ons is vol vertroue dat ons die uitdaging te bowe sal kom,” het ‘n woordvoerder verklaar.
Die enigste kritiek teen die koms van die Nigeriërs is deur mnr. Peter Marais, die VF Plus se premierskandidaat in die Wes-Kaap, uitgespreek. “Ons in die Wes-Kaap het al klaar nie genoeg water nie; wat gaan ons nog met miljoene Nigeriërs maak? Selfs al hervestig Justin Trudeau hulle almal in Kampsbaai en Clifton, gaan hulle nog ons water opdrink. Hier is genoeg dop, maar nie genoeg dam nie. Dit klink vir my soos ‘n slegte Aprilgrap.”
Die Kanadese ambassade in Pretoria is vir hul reaksie op Marais se stellings gevra, maar het tot dusver nie gereageer nie. Hul e-posstelsel het bloot ‘n outomatiese boodskap uitgestuur met die woorde:
“Vandag is ‘n LGBTQ-vakansiedag in Kanada en daarom is ons nie op kantoor nie. Ons waardeer u navraag en sal so gou moontlik by ons terugkeer daarop antwoord.”
