\u201cDie Vryheidsfront Plus eis onmiddellike ingryping in Gauteng se waterkrisis,\u201d het mnr. Jaco Mulder, VF Plus-LPW in Gauteng en die party se hoofwoordvoerder vir Water- en Omgewingsake, ges\u00ea. <\/p>\n
Die VF Plus het op 3 Desember 2010 \u2018n versoekskrif aan die Gautengse departement van Landbou en Landelike Ontwikkeling oorhandig waarin die departement versoek word om \u2018n ko\u00f6rdinerende liggaam in die lewe te roep om die dreigende waterkrisis in Gauteng aan te spreek.<\/p>\n
Mulder het in \u2018n toespraak in die Gauteng Wetgewer ges\u00ea dat die provinsiale departement as voog van die geografiese gebied nou op \u2018n dringende basis moet optree en sy mandaat ingevolge die Suid-Afrikaanse Grondwet uitvoer.<\/p>\n
Die damme, spruite, vleilande en riviere in Gauteng is reeds onder druk vanwe\u00eb die besoedeling wat deur munisipaliteite en industrie\u00eb veroorsaak word. \u201cDie stygende watervlakke wat deur mynbedrywighede veroorsaak is, kan een van die grootste rampe in Suid-Afrika veroorsaak,\u201d het Mulder ges\u00ea.<\/p>\n
Daar bestaan tans geen geko\u00f6rdineerde aksie om die potensi\u00eble natuurramp af te weer nie en die mynbedryf, staatsdepartemente en munisipaliteite tree elkeen op sy eie op.<\/p>\n