\u201cDie VF Plus-jeug moedig alle jeug aan om die W\u00eareldfees vir Jeug en Studente (World Festival of Youth and Students) wat deur die Nasionale Jeugontwikkelingsagentskap (NYDA) gere\u00ebl word, te boikot,\u201d het Wouter Wessels, VF Plus-jeugwoordvoerder, ges\u00ea.<\/p>\n
Die Presidensie het R29 miljoen vir die aanbied van hierdie geleentheid wat vanaf 13 tot 21 Desember by Nasrec plaasvind, bewillig.<\/p>\n
\u201cDie VF Plus-jeug glo dat die NYDA \u2018n belangrike rol in Suid-Afrika kan en moet speel, maar dat die organisasie tans slegs belastingbetalers se geld mors en geensins \u2018n sinvolle ontwikkelingsrol speel nie. Met inagneming van die ho\u00eb vlak van armoede en werkloosheid in Suid-Afrika is dit duidelik dat die prioriteite van hierdie organisasie heeltemal verkeerd is en daarom moet ons as jeug in opstand kom teen hierdie vermorsing van geld en die onbevoegdheid van die NYDA se uitvoerende bestuur,\u201d het Wessels ges\u00ea.<\/p>\n
Die VF Plus-jeug eis die afdanking van die NYDA se uitvoerende bestuur (die Voorsitter, Ondervoorsitter en Hoof Uitvoerende Beampte). \u201cDie NYDA verkry hul mandaat in gevolge Wet 54 van 2008 en is tans nie besig om aan daardie mandaat uitvoering te gee nie \u2013 die VF Plus eis daarom die Presidensie se ingryping,\u201d het Wessels ges\u00ea.<\/p>\n
Die VF Plus loods vandag \u2018n volskaalse internet-veldtog teen hierdie W\u00eareldfees. \u201cDit is van openbare belang dat die bre\u00eb gemeenskap bewus moet wees van die werklike behoeftes van die Suid-Afrikaanse jeug teenoor die vermorsing van miljarde rande deur die regering en spesifiek die NYDA,\u201d het Wessels ges\u00ea.<\/p>\n
Die VF Plus sal \u2018n dringende skrywe aan minister Colin Chabane, die minister in die Presidensie wat met die NYDA belas is, rig om \u2018n vergadering in verband met die wanfunksionele NYDA te eis.<\/p>\n