\u201cDie lang verwagte verslag deur die Sentrum vir die studie van Geweld en Versoening oor die ondersoek na die redes vir die wreedheid van geweldsmisdade, is \u2018n teleurstelling, s\u00ea niks nuut nie en was \u2018n vermorsing van belastinggeld,\u201d s\u00ea mnr. Pieter Groenewald (LP), hoofwoordvoerder van Polisie vir die Vryheidsfront Plus.<\/p>\n
\u201dDie verslag spreek geensins die oorsake van die wreedheid van geweldsmisdaad aan nie en toon die algemene sosio-ekonomiese en sosio-politieke probleme van geweldsmisdaad aan. Selfs die Polisie het erken dat die verslag niks nuuts bevind het nie. R3,5 miljoen was spandeer om die kultuur van geweld te wyte aan opvoeding, armoede, werkloosheid en apartheid, toe te skryf. Armoede en werkloosheid is swak verskonings vir geweldsmisdaad, aangesien daar baie ander lande is met meer armoede en werkloosheid as Suid-Afrika, maar met baie minder geweldsmisdaad. Hierdie verslag is net nog \u2019n voorbeeld van \u2018n vrugtelose uitgawe van belastingbetalers se geld,\u201d het Groenewald ges\u00ea.<\/p>\n