![](\"http:\/\/afrikaansenuus.co.za\/wordpress\/wp-content\/uploads\/2007\/01\/roodt_dan4.jpg\")
Enigeen wat nog \u2018n laaste, flou illusie gekoester het dat Suid-Afrika iets met Westerse demokrasie\u00eb in gemeen sou h\u00ea, is die afgelope paar dae wreed ontnugter. Sowel die mishandeling van Clive Derby-Lewis as die summiere inhegtenisname van WIllem Ratte en nege ander kon net sowel in Zimbabwe plaasgevind het.<\/p>\n
Nie net word die bejaarde Derby-Lewis, \u2018n voormalige parlementslid van Suid-Afrika, parool geweier nie, maar in die gevangenis is hy so mishandel en verwaarloos dat hy gangreen opgedoen het. In \u2018n absurde, Idi Amin-agtige magsvertoon, het sy swart bewaarders selfs daarop aangedring om in die operasiesaal teenwoordig te wees waar dokters sy been probeer red het.<\/p>\n
In die geval van oud-kmdt. Willem Ratte word daar \u2018n klopjag op sy plaas en sweisakademie vir hawelose jongmense uitgevoer en links en regs b eskuldigings van \u201cterrorisme\u201d rondgeslinger. Koerante van Media 24, wat reeds tydens Eugene Terre\u2019Blache se moord getoon het dat hulle enige vuige gerug op voorblaaie sal plaas, het gou-gou etikette soos \u201cverregs\u201d en \u201cterroris\u201d op Ratte en sy medeslagoffers van staatsgeweld geplak.<\/p>\n
Mandela het 27 jaar lank op Robbeneilend en in Victor Verster deurgebring en as \u2018n gesonde man daaruit gestap. N\u00e1 17 jaar in die ANC se tronk kan Clive Derby-Lewis getuig dat Suid-Afrikaanse tronke deesdae goed met hul eweknie\u00eb in Zimbabwe en ander Afrikalande vergelyk waar gevangenes sonder mediese sorg en dikwels sonder kos moet krepeer.<\/p>\n
Menseregteskendings het sinoniem met die ANC-bewind geraak. Terwyl Rapport my daarvan beskuldig het dat ek in Meimaand \u201cmet Sweedse neo-Nazi\u2019s wou heul\u201d, was die hoofdoel van my besoek aan daardie land juis om die Sweedse regering onder die indruk te bring dat ons menseregte in Suid-Afrika daagliks vertrap word.<\/p>\n
Oud-genl. Johan van der Merwe, wie se boek Trou tot die dood toe onlangs deur Praag uitgegee is, het aangetoon dat daar jaarliks tussen 600 en 700 sterftes in aanhouding in ons land plaasvind, \u2018n astronomies ho\u00eb syfer. Iemand soos Willem Ratte word, hetsy vanwe\u00eb sy geskiedenis van suksesvolle milit\u00eare optrede teen die swart terreurbewegings van die verlede, hetsy weens dissidente idees, onnodig geteister en vervolg. Ek en u, liewe leser, kan volgende wees.<\/p>\n
Kennelik is menseregte in Suid-Afrika net van toepassing op die ANC, sy ampsdraers en ondersteuners. Die ware toets vir \u2018n liberale demokrasie is egter die staat se verdraagsaamheid teenoor diegene wat ni\u00e9 die regerende party of sy ideologie ondersteun nie. Suid-Afrika in sy huidige toestand druip hierdie toets jammerlik as ons gevalle soos Clive Derby-Lewis en Willem Ratte in ag neem.<\/p>\n
Die ANC se politieke gevangenes van destyds was meesal veroordeelde moordenaars en terroriste wat onskuldige burgerlikes aangeval het, iets wat \u2018n oortreding van die tweede protokol van die Geneefse konvensie was. In \u2018n wesentlike sin was die politieke gevangenes van destyds ook oorlogsmisdadigers. Vandag word mense egter in die tronk aangehou of gearresteer bloot omdat hulle ideologies van die ANC verskil. Ook behoort sulke mense tot die verdrukte minderheid van Afrikaners wat deur wetgewing en die sogenaamde \u201ctransformasiebeleid\u201d tot tweedeklasburgers in hul geboorteland gereduseer is.<\/p>\n
Terwyl die ANC en sy destydse buitelandse ondersteuners soos die Anglikaanse Kerk en die Sweedse regering groot gewag gemaak het van politieke gevangenes \u2013 waaronder natuurlik Mandela, maar ook ander \u2013 word hedendaagse politieke gevangenes ge\u00efgnoreer deur sowel die media as internasionale instansies. Om vandag in \u2018n ANC-tronk te beland, kan \u2018n doodsvonnis wees omdat \u2018n mens mediese sorg geweier word, asook natuurlik die gevaar van verkragting deur MIV-positiewe misdadigers.<\/p>\n
Ons sal baie beter moet begin omsien na ons politieke gevangenes en dissidente wat gedurig die gevaar loop om sonder rede in die tronk te beland. In \u2018n wesentlike sin is hulle \u201cgewetensgevangenes\u201d volgens die definisie wat Amnestie Internasionaal in die sestigerjare geformuleer het: \u201c\u2026mans, vroue of kinders wat opgesluit word bloot weens die vreedsame uitdrukking van hul oortuigings of as gevolg van hul ras, geslag of ander persoonlike eienskappe\u201d.<\/p>\n
\u2018n Databasis van alle politieke gevangenes en die behandeling wat hulle in die ANC se tronke ontvang, sal dringend opgestel en w\u00eareldwyd aan menseregte-organisasies gekommunikeer moet word. \u2018n Man soos Clive Derby-Lewis wat onregverdiglik amnestie deur Tutu se lieg-en-biegkommissie geweier is en reeds sewentien jaar lank in die tronk krepeer, verdien \u2018n internasionale veldtog vir sy vrylating, soortgelyk aan die Engelse se toentertydse \u201cFree Mandela\u201d-veldtog.<\/p>\n
Bowenal moet ons daarop voorbereid wees dat hierdie afskuwelike, totalit\u00eare en rassistiese bewind sy mes vir elkeen van ons Afrikaners in het. Soos Solsjenitsin in die Goelag Argipel skryf: \u201cDis waar van vele dat die vernedering wat deur arrestasie vir hul persoonlike gevoelens en verbintenisse veroorsaak word, baie sterker as hul politieke oorrtuigings of vrees vir die tronk kan wees. Iemand wat nie in sy binneste voorbereid is op die gebruik van geweld teen hom nie is altyd swakker as die persoon wat die geweld pleeg.\u201d<\/p>\n
Soos Willem Ratte en sy studente vandeesweek ervaar het, gaan dit moed en inspirasie van ons verg om die aanslag teen ons die hoof te bied. Soos wat die leuens en hersenskimme oor \u201cdemokrasie\u201d wat aan ons voorgehou is een vir een in duie stort, sal ons ons moet staal vir wat voorl\u00ea.<\/p>\n
Maar elkeen wat nog in vryheid verkeer, sal moet help om die toestand vir hulle wat reeds in die ANC se tronke verkeer draagliker te maak. Soos wat die vierkant blou lug deur sy tralievenster vir die gevangene die droom van sy uiteindelike vryheid verteenwoordig, s\u00f3 moet elkeen van ons oortuig raak dat deur eendrag en harde werk almal van ons eendag daardie vryheid sal kan smaak.<\/p>\n
Die tronkdeur van die Nuwe Suid-Afrika sal oplaas vir ons volk met \u2018n geknars van sleutels in die slot oopgaan. Tot dan sal ons egter moet saamstaan en verwoed ons volksgenote in die regime se selle moet verdedig.<\/p>\n