Die Vryheidsfront Plus-jeug in die Vrystaat het vandag by monde van sy jeugleier, Jan van Niekerk, met skok gereageer oor die Universiteit van die Vrystaat-bestuur se beoogde verandering van die Universiteit se wapen en leuse as deel van hul nuwe korporatiewe identiteit.<\/p>\n
\u201cDaar is beslis nie fout met \u2018n nuwe korporatiewe identiteit en vernuwing nie, maar om die UV se eeue-oue wapen en leuse in die proses te verander, is onverantwoordelik en spreek van swak bestuur,\u201d het Van Niekerk ges\u00ea. \u201cHierdie beplande verandering sal verder bydra tot die swak beeld van die UV, wat oor die afgelope paar jare groot skade gelei het en bygedra het dat voornemende studente hulle tot ander universiteite wend. Dit moet ten alle koste voorkom word.\u201d<\/p>\n
Van Niekerk meen dat hierdie verandering tipies van \u2018n bestuurstegniek is waar daar slegs aan die kosmetiese aspekte verander word, maar waar die werklike probleme nie aangespreek word nie. \u201cDit herinner aan die regering se konstante onnodige verandering van dorp- en straatname terwyl daar baie groter krisisse is wat aangespreek behoort te word.\u201d<\/p>\n
Die verandering van die wapen gaan beslis nie die UV herposisioneer om \u201cmeer demokraties, inklusief en transformerend\u201d, soos wat die UV-bestuur beweer, te wees nie \u2013 maar gaan eerder tot verdere verdeeldheid lei. Die huidige leuse beteken, \u201cIn God is die lig van die wysheid\u201d teenoor die nuwe voorgestelde \u201cInspiring excellence, transforming lives\u201d. Die feit dat weggedoen word met die eer aan God, spreek boekdele van die vervreemding teenoor Christelike studente. Hierdie wapen is geskiedkundig van aard en is verteenwoordigend van hoe en waar die Universiteit ontstaan het en van generasies van studente wat baie moeilike omstandighede oorkom het.<\/p>\n
\u201cDie UV moet modern en innoverend wees, maar hoef nie van sy wortels ontslae te raak nie. Die Universiteit se herkoms is belangrik en kan nie vergeet of uitgevee word nie,\u201d het Van Niekerk ges\u00ea.<\/p>\n