Die minister van Veiligheid en Sekuriteit, mnr. Nathi Mthethwa, het skriftelik bevestig dat Jackie Selebi se regskoste tot 30 Junie vanjaar, die belastingbetaler R17,4 miljoen (R17 410 266-00) uit die sak gejaag het. Mthethwa het skriftelik geantwoord op \u2018n vraag van Pieter Groenewald van die Vryheidsfront Plus. Op \u2018n verdere vraag van Groenewald of die minister die koste van Selebi sal terugeis en verhaal in die lig dat Selebi skuldig bevind is, het Mthethwa ges\u00ea dit sal eers oorweeg word as Selebi se app\u00e8l afgehandel is.<\/p>\n
\u201cDit is duidelik dat die belastingbetaler moet opdok vir iemand wat die Hooggeregshof as \u2018n misdadiger skuldig bevind het. Uit die verhoor het dit geblyk Selebi se bates beloop ongeveer R3,4 miljoen. Die Batebeslagleggingseenheid kon op slegs R320 722 beslag l\u00ea. Dit toon \u2018n verlies van R14,7 miljoen vir belastingbetalers. Daar moet ook geen verdere koste deur die staat betaal word vir Selebi se app\u00e8lsaak nie, want dit sal neerkom op verkwisting van belastinggeld,\u201d s\u00ea mnr. Pieter Groenewald, hoofwoordvoerder van Polisie vir die Vryheidsfront Plus.<\/p>\n
Die minister van Justisie en Staatkundige Ontwikkeling, mnr. Jeff Radebe, het vroe\u00ebr die maand, ook op \u2018n vraag van Groenewald, bevestig oorweging word gegee dat die staat ook Selebi se regskoste van sy app\u00e8l sal dra. Die Vryheidsfront Plus het toe \u2018n klagte ingedien by die Openbare Beskermer om te bepaal of belastinggeld nie wanaangewend word nie. Die Openbare Beskermer is tans besig met die ondersoek.<\/p>\n