Vir ongeveer \u2018n jaar lank verskil meningsvormers en kommentators oor die vraag: Is pres. Jacob Zuma se kierankies besig om uit te braai, of nie?<\/p>\n
Hieroor sal nog kopstukke kopgestamp word.<\/p>\n
In die een hoek is mense wat stewige argumente opper oor waarom die eindfluitjie besig is om vir Zuma te blaas. Die argumente is so geldig soos toe Willem Jordaan, adjunk-redakteur van Die Burger, die eerste keer hieroor geskryf het.<\/p>\n
Diegene wat meen daar is nog \u2018n tweede termyn vir Zuma in die vooruitsig, meen sy doemprofete pas westerse maatstawwe op Suid-Afrika toe. Hierdie argumente blyk ook in die kol te wees soos meningspeilings wat op groot gewildheid vir die president dui.<\/p>\n
Min mense, enige plek ter w\u00eareld, sou daarin kon slaag om as effektief ongeletterde, met \u2018n geskiedenis van ernstige hofsake agter die blad, tot president te vorder.<\/p>\n
Zuma se grootste bate, so blyk dit, is om alles aan almal te belowe, en daarmee geloofwaardigheid te behou, al bots die beloftes ook hoe erg. Uit die ou stamtradisie is \u2018n hoofman as \u2018n goeie hoofman beskou as hy saans van familievuurtjie tot familievuurtjie beweeg en aan die uitgebreide families vertel wat hulle wil hoor. Die afwesigheid van \u2018n media wat oor alles berig wat die hoofman s\u00ea, het daartoe bygedra dat almal gelukkig kon wees, al het die hoofman in sy rondte ook erge teenstrydighede kwytgeraak.<\/p>\n
Zuma het nie di\u00e9 luukse nie \u2013 of het dit nog nie. Maar hy sal steeds by Julius Malema se geboortedorp aan die mense vertel Malema is \u2018n toekomstige president van die land, en by Bultfontein se boertjiefees heerlik saamkuier en aandui di\u00e9 geleentheid sal jaarliks deel van sy dagboek uitmaak.<\/p>\n
Op RSG se program, Kommentaar, het die jongste groep deelnemers egter by voorbaat skeptisisme uitgespreek of dit wat Zuma met die mond beloof, in ooreenstemmende dade van sy ministers en amptenare gaan neerslag vind.<\/p>\n
Zuma se mediavakansie is verby, iets waarvoor hy ook grootliks net homself kan blameer deur die ANC se mediabeperkingsplanne. Hy kan nou nie meer op \u2018n media reken wat politiek korrek sal swyg wanneer teenstrydighede en verbreekte beloftes sou blyk nie.<\/p>\n
As iemand nog getwyfel het oor of Zuma hoegenaamd in \u2018n tweede termyn sou belangstel, dan het pogings om hom opnuut oor sy Shaik-bande te laat vervolg en sy reaksie daarop alle twyfel uit die weg geruim. Sy presidentskap word in effek as vernaamste verweer geopper oor hoekom die saak nie heropen moet word nie. Hoe langer hy in die stoel bly, en daarna dalk selfs \u2018n poppemeester vanuit Lethuli-huis die septer swaai, hoe skraler word sy kanse om sy dag in die hof te kry. Daar is immers reeds \u2018n groot magsoordrag van regeringsake na Lethuli-huis aan die gang.<\/p>\n
Of die teenspoed Zuma se einde sal beteken of verhaas, sal die tyd leer. Een van die probleme waarmee Zuma se teenstanders te kampe het, is dat Zuma tipies van outokratiese leiers nie toelaat dat bekwame en dinamiese leiers in sy skadu groei nie. Niemand staan nou werklik uit as \u2018n lewensvatbare alternatief nie.<\/p>\n
Kommentators wys wel daarop dat adjunk-president Kgalema Motlanthe opnuut besig is om presidensie\u00ebl op te tree. Sy naam duik ook al hoe meer in die media op as die man wat die land de facto, veral vanuit die parlement bestuur. Oor hoe goed hy in Lethuli-huis ingegrawe is, is egter minder duidelikheid.<\/p>\n