China het skaars Japan as die land met die tweede grootste ekonomie ter w\u00eareld ingehaal, of die vraag word gevra wanneer die land agter die bamboesgordyn ook die Amerikaanse ekonomie as die grootste in die w\u00eareld gaan verbysteek.<\/p>\n
Ekonome het blykbaar min twyfel dat dit net \u2018n kwessie van tyd is voor dit gebeur, die vraag is net oor wanneer.<\/p>\n
Die konsensus is dat dit nie te gou sal wees nie, en in elk geval nie sommer binne twintig jaar nie.<\/p>\n
Die VSA se ekonomie beloop net minder as $15 triljoen, terwyl die Chinese $5,4 triljoen beloop. Indien die Chinese egter teen net meer as 12 % per jaar groei, en di\u00e9 van die VSA teen 2 %, sal China Uncle Sam oor \u2018n dekade onder die stof loop. Dis egter onwaarskynlik, met die Chinese ekonomie wat nou teen net onder die 10 % groei, en di\u00e9 van die VSA teen \u2018n verwagte 3,8 % vanjaar. China sal na verwagting toenemend onder internasionale druk verkeer ten opsigte van die gebruik van skoner energie, asook die regte van werkers. Dit kan die groeitempo laat hik.<\/p>\n
Maar selfs al sou die Chinese die VSA verbysteek, is Amerikaanse ekonome baie seker dat die Chinese se lewenstandaard nie naastenby met di\u00e9 van die VSA vergelyk sal kan word nie. \u2013 Verwerk uit Christian Science Monitor.<\/p>\n<\/div>\n