Die swart model Naomi Campbell het in Den Haag tydens die oorlogsmisdadeverhoor van Charles Taylor, gewese Liberiese president, ges\u00ea sy het ‘n ‘paar vuil klippies’ van hom as geskenk ontvang. Sy het glo die klippies daarna aan die Mandela-kinderfonds geskenk.<\/p>\n
Campbell het getuig oor bewerings dat Taylor in 1997 sogenaamde bloeddiamante as ‘n geskenk aan haar gegee het.<\/p>\n
Campbell se getuienis kan volgens staatsaanklaers van waarde wees om te bewys dat Taylor die diamante gebruik het om ‘n burgeroorlog in Sierra Leone te befonds.<\/p>\n
Taylor ontken die aanklagtes teen hom en s\u00ea hy het nog nooit diamante verkoop of in ruil vir wapens gegee nie.<\/p>\n
“Ek het ‘n paar klippies gesien, dit was baie klein en het soos vuil klippies gelyk,” het Campbell ges\u00ea.<\/p>\n
Sy het glo nie geweet wie die diamante aan haar gegee het nie. ‘n Onbekende persoon het dit in ‘n sakkie aan haar oorhandig nadat hy aan haar hotelkamer se deur geklop het.<\/p>\n
Bloeddiamante is ongeslypte edelstene wat as betaalmiddel in konflikgebiede gebruik word.<\/p>\n
Campbell s\u00ea sy het die diamante aan die Nelson Mandela-kinderfonds geskenk, alhoewel die stigting aan ‘n Britse koerant ges\u00ea het hulle het nooit so iets ontvang nie.<\/p>\n
\u00a0<\/p>\n