Enkele jare gelede is die skikking na \u2018n gekookte presidentsverkiesing in Kenia as model voorgehou, en is di\u00e9 model in \u2018n afgewaterde vorm in Zimbabwe toegepas.<\/p>\n
Pas het verskeie Afrikalande dikbek gereageer oor die toe beursies van die G-20, maar veral die G-8, of Kenia se parlement gaan keur \u2018n salarisverhoging van 40 % aan sy eie lede toe.<\/p>\n
Om sake in perspektief te stel: \u2018n Amerikaanse kongreslid verdien $174 000 per jaar, maar Kenia se parlementslede wil elk $175 000 per jaar uit die ekonomie wurg. Pres. Barack Obama se salaris is $400 000 per jaar. Die voorgestelde nuwe salaris vir premier Raila Odinga is $486 000 per jaar. Daarby het Kenia nog \u2018n semi-uitvoerende president ook.<\/p>\n
In alle billikheid, Odinga het die salarisverhoging van die hand gewys.<\/p>\n
Die gemiddelde inkomste per persoon in Kenia is in die orde van $1 600 per jaar, teenoor die VSA se bykans $50 000 per jaar in 2006. Boonop het die dollar in Kenya veel meer koopkrag as in die VSA.<\/p>\n
Die totale salarisrekening vir die parlement sal nou $8,8 miljoen per jaar beloop, \u2018n bedrag wat die minister van Finansies, Uhuru Kenyatta, s\u00ea hy nie in sy begroting het nie.<\/p>\n
Di\u00e9 vorm grypsug herinner aan die twee Bloemfonteinse munisipaliteite, beide bankrot en op die Ouditeur-generaal se rooi tapyt, wie se munisipale bestuurders ho\u00ebr salarisse as die minister van Finansies verdien.<\/p>\n
Die ontsteltenis wat Kenya se wetmakers internasionaal veroorsaak, sal bykans verseker dat donateurlande se hande maar aan die toe kant bly.<\/p>\n
Juis hierom is dit noodsaaklik dat semi-staatsinstellings in Suid-Afrika ernstig kennis neem van presies hoe sleg dit in donateurs se gemoedere afgaan as bakhand gestaan word terwyl die ringkoppe se sakke bult. Omdat Afrika dikwels as \u2018n eenheid beskou word \u2013 ook deur die kontinent se eie toedoen \u2013 kan dit so maklik veroorsaak dat di\u00e9 misplaaste solidariteit ook lande wat wel verantwoordelik ontwikkelingebegrotings in stand probeer hou, onder dieselfde kam geskeer en benadeel word.<\/p>\n