Ek kan dit verstaan as jy honger is en \u2018n brood by \u2018n kafee steel. Ek kan ook verstaan, alhoewel ek dit nie verskoon nie, dat \u2018n arme iemand anders se eiendom sal steel. Ek verskoon dit nie, want alles is relatief. Ek is relatief gesproke veel armer as Bill Gates as wat iemand wat \u2018n maatskaplike toelaag ontvang relatief tot my is, en ek sou dus ook my relatiewe armoede kon aanvoer as verskoning om by Microsoft te steel.<\/p>\n
Waar dinge vir my baie meer troebel raak, is by misdaad wat \u2018n direkte negatiewe impak op jouself en jou mede-lede van die samelewing het. Vanoggend word \u2018n trein afgebrand in Randfontein. Die trein is laat agv kabeldiefstal. Die pendelaars is kwaad omdat hy laat is en hulle laat by die werk gaan kom. Met een of ander logika wat ek nie begryp nie, kom die gedagte toe by hulle op om die trein aan die brand te steek. Gevolglik gaan niemand dus by die werk kom nie. Die oorspronklike situasie is dus vererger deur misdaad, misdaad wat regstreeks tot die skuldiges se eie nadeel strek. Dis egter nie asof Randfontein \u2018n eenmalige insident was nie. Pretoria se pendelaars steek ook treine aan die brand as die gebrek aan punktualiteit hulle nie aanstaan nie. Vir welke kitsgratifikasie ookal verkry kan word deur \u2018n trein aan die brand te steek, word derduisende ander mense, maar ook die skuldiges self, ernstig verontrief.<\/p>\n