Noord-Korea het alle bande met Suid-Korea verbreek en het sy ryk buurland met milit\u00eare optrede gedreig as hy sou aanhou om Noord-Koreaanse gebiedswaters aan die weskus te betree, is gister bekend gemaak.<\/p>\n
Di\u00e9 waarskuwing is \u2019n nuwe hoogtepunt in die spanning wat oplaai op die verdeelde skiereiland nadat Noord-Korea na bewering in Maart \u2019n torpedo afgevuur en \u2019n Suid-Koreaanse oorlogskip daarmee gekelder het.<\/p>\n
Die toenemend oorlogsugtige retoriek het Seoel se geldmarkte erg getref en daartoe gelei dat beleidmakers \u2019n noodvergadering vir vandag bel\u00ea het om te kyk hoe hulle beleggers kan gerusstel.<\/p>\n
\u201cDie komitee vir die vreedsame vereniging van Korea…verklaar formeel dat hy van nou af vasberade stappe gaan doen om inter-Koreaanse verhoudings volkome te be\u00ebindig, om die anti-aggressie-ooreenkoms tussen die noorde en suide op te hef en om inter-Koreaanse samewerking heeltemal te staak,\u201d het die Noord-Koreaanse KCNA-nuusagentskap berig.<\/p>\n
Suid-Koreaanse personeel sal ook uit die Kaesong-nywerheidspark, \u2019n gesamentlike Noord-Suid-onderneming net binne die Noord-Koreaanse grens, gesit word.<\/p>\n
Suid-Koreane maak hier gebruik van goedkoop Noord-Koreaanse arbeid en dit voorsien Noord-Korea al \u2019n geruime tyd van belangrike inkomste.<\/p>\n