\u201cDie VF Plus vind dit vreemd dat die ANC en die sekretaris-generaal van die ANC, Gwede Mantashe, die VF Plus nou hof toe wil sleep omdat die party vra dat Julius Malema voor die hof gedaag moet word, maar die ANC tree nie op teen die PAC se jeugliga wat gedreig het om Malema te vermoor nie,\u201d was dr. Corn\u00e9 Mulder, VF Plus-hoofweep se reaksie op die ANC se voorneme om die VF Plus voor die Gelykheidshof te daag oor die party se \u201cvervolg Malema-veldtog\u201d.<\/p>\n
\u201cDie VF Plus sal homself in die Gelykheidshof met alle middele tot sy beskikking teen die ANC verdedig. Dit sal ons doen met die hulp en ondersteuning van die bre\u00eb Suid-Afrikaanse publiek wat net soos ons moeg is vir Julius Malema se onverantwoordelike en opruiende uitsprake,\u201d het dr. Mulder bygevoeg.<\/p>\n
Dit is ontstellend dat die senior ANC-leierskap nou by monde van Gwede Mantashe probeer om die onverdedigbare te verdedig. Om \u2018n veldtog, wat vra dat \u2018n einde gemaak word aan die ANC-jeugleier se optrede wie van platform na platform gaan en hom skuldig maak aan haatspraak en opsweping van mense, nou as haatspraak te laat verklaar, grens aan die absurde.<\/p>\n
Die VF Plus het voorts geen betrokkenheid gehad met die moord van Chris Hani of die Pepco-drie nie. Mantashe se uitsprake in hierdie verband is onverantwoordelik en maak hy hom skuldig daaraan om \u2018n sekere gevaarlike klimaat hieroor te skep.<\/p>\n