Die twee bomaanvalle wat Maandag op Moskou se moltrein plaasgevind het, is deur vroulike selfmoordbomaanvallers uitgevoer, het Rusland se FSB-geheimediens Maandagoggend ges\u00ea.<\/p>\n
Duisende swaargewapende polisiebeamptes is intussen by moltreinstasies, gewone treinstasies en Moskou se lughawens ontplooi.<\/p>\n
Die Russiese polisie het ‘n landwye soektog na die helpers van die twee “swart weduwees” wat hulself opgeblaas het, van stapel gestuur. Die twee selfmoordbommers is op kringtelevisiebande van die moltreinstelsel ge\u00ebien.<\/p>\n
Die aanvalle, vermoedelik deur Tsjetsjniese separatiste, het tydens die besigste tyd van di\u00e9 stad se oggendspitstyd plaasgevind en 39 mense se lewens ge\u00ebis.<\/p>\n
Pres. Dmitri Medwedef het nuwe wetgewing in die vooruitsig gestel wat die staat meer magte sal gee om op te tree teen sulke aanvalle. Hy het die aanvallers as \u201cdiere of monsters\u201d beskryf.<\/p>\n
Premier Poetin het sy landgenote belowe dat diegene wat verantwoordelik is vir die aanvalle, vernietig sal word.<\/p>\n
Sergei Lavrov, Rusland se minister van buitelandse sake, s\u00ea buitelandse betrokkenheid, veral van die Al-Kaida, kan nie uitgesluit word nie.<\/p>\n